1 KƆ̀RƐ̀ŊTYƐŊ 1:9 - Bafia Nouveau Testament

⁹ Bɛ̀ll ànɛ à reŋìghà mìni lɛ ɓi ghɛɓ ɓɛ̀ràrɛn ri Man wiì Yeesus Kiris ànɛ à rì Kan wìs, à rì Bɛ̀ll ànɛ à ti à roòzàg mɛ̀kàg mii.

1 KƆ̀RƐ̀ŊTYƐŊ 1:9 ပူးပေါင်းရင်းမြစ်များ

MATYOO 24:35

Ɗyoo rì zi ɓi ri ɓiì ghaghii, kìɓan kifog ɓìɓan ɓyɛm̀ ɓyaa ghaagh ɓi.

ZYAŊ 17:21

M̀ɓɔ̀ŋzii wɔ̀ lɛ ɓɛɛ ɓa ɓɛ̀ràrɛn kìbyɔg kìfog Tààta, yɛ̀ɛ ù rì ɓi mɛ̀, mɛ̀ ɓi wɔ̀, kìya lɛ ɓɔ girig ɓɛɛ ɓa ɓɛ̀ràren ɓi ɓìsi di fɔɔnnɛ ziinɛ yɛ̀ɛ gherɛn lɛ, wɔ̀ yɛɛ romgày mɛ̀.

RÒMƐŊ 11:17

Wɔ̀lɛ i ɓɛ m̀pisii myaɓ mɛ òlivyee mɛdɛŋ, wàànɛ ù rì (fɛlɛ yɛ̀ɛ) òlìvyee ànɛ à ghɛghɛ̀ɓkà ɓi cog, ù ɓa lɛ ɓɛ yuù wɔ̀ kì ɓaatii ɓi nɗyèm wu òlivyee, jàŋ inɛ myaɓ mɛ ɓɛ nɗengii mɛ ǹɗì, u teteɗ girig gàɓ ì mɛ̀yaa mɛ gàŋ yi òlivyee ànɛ ɓɛ ɓɛlà yɛɛ̀ ronɗom̀ yi.

RÒMƐŊ 8:28

Tì ki yii girig lɛ ɓìɓan ɓìcèm ɓi ti ɓi syɔngì ɓi kìrɔɔ ki ɓumɓɛ ɓɛ keesii Bɛ̀ll, ɓumɓɛ̀n ɓɛɛ̀ɓɛ à rèŋìghà lɔŋ yɛ̀ɛ nɗem wii wu ghɛngà lɛ a reŋi ɓɔ.

RÒMƐŊ 8:30

Nni ɓɛ̀roɓɛ Bɛ̀ll à lokà ɓɛ̀n kì ɓɔ̀ni abɛ̀y, à reŋìghà girig ɓɔ; ɓɛ̀roɓɛ à ki reŋìghà ɓɛǹ, à kìghà girig lɛ ɓɛɛ ɓa lɛ saaɗ ɓi mis mii; nni ɓɛ̀roɓɛ à ghaasìghà ɓɛǹ ɓum ɓɛ saaɗ, à kemzìghà girig ɓɔ.

RÒMƐŊ 9:24

Ɓisuulɛ ɓìsii ri ɓɛ̀roɓɛ à reŋìghà lɛ rì ɓi nyìinyìm à Ɓɛ̀yudɛ̀n, rì ɓi nyìinyìm à ɓìlɔ̀ŋ ɓi zɛy.

1 KƆ̀RƐ̀ŊTYƐŊ 1:30

Wɔ̀lɛ Bɛ̀ll à ràɗkà mìni rì Yeesus Kiris à ki kì lɛ Kiris a ɓa ɗyomzɛ̀n ɗis, fɔɔnnɛ tì ti ɓum ɓɛ saaɗ ɓi mis mii lɛ Kiris; tì ti ɓi nɗɛli wulɛ ti ghɛɓ cɛɓ ki tɛnɛn, tì ki ɓa ɓumɓɛ ɓɛ ti ɓɛ̀kòrɛn ɓi kìɓe.

1 KƆ̀RƐ̀ŊTYƐŊ 10:13

Ɓì ka tulɛ̀ngà ɓi ri mɛ̀fèèghrɛn mɛdɛŋ, mɛ mɛ cee ìtèɗ wu mum. Bɛ̀ll à ti à roòzàg mɛ̀kàg mii, fɔɔnnɛ àa càɗ ɓi lɛ ɓi tulɛn rì mɛ̀fèèghrɛn mɛ mɛ cee mìni ɓi-tèɗ; wɔ̀lɛ i mɛ̀fèèghrɛn mɛ kpaŋi mìni, à rì mìni ɓiì rèsii bee inɛ ɓì rì lɛ ɓì cee mɔ miì, à ki fa mini ìtèɗ wulɛ ɓi cenɛn mɔ.

1 KƆ̀RƐ̀ŊTYƐŊ 10:16

Ɓeŋ à ɓɛ̀mààgh ànɛ tì ti tì falàg Bɛ̀ll ɓìtògsɛ̀n lɛ nyi, à ti kɛ̀ɛ kì nya lɛ ti ɓa ɓɛ̀ràrɛn ɗi bwaɓ yi Kiris? Bìrɛs ìnɛ tì ti tì ɓɛkì, ì ti yɛ̀ kɛɛ̀ kì nya lɛ ti ɓa ɓɛ̀ràrɛn ɗi nyoo ì Kiris?

2 KƆ̀RƐ̀ŊTYƐŊ 1:18

Ǹkànɛɛ bɛ̀ɗ ɗi Bɛ̀ll ànɛ à ti à roòzàg mɛ̀kàg mii, lɛ kìɓan ki tì kpaaghà mìni, ki ɓaghà ɓi mɛgheri mɛɓɛɛ̀ lɛ rì ɛ̀ɛ̀, rì èe èe.

GÀLAT 1:15

Wɔ̀lɛ yɛ̀ɛ roànɛ à rɔ̀tɛ̀ngà mɛ̀ di ǹkaka ɓi ɗùm ɗi m̀màà wɛ̀m, à ki reŋi mɛ lɛ geesɛ̀n yìì,

GÀLAT 2:20

Ǹwughà ɓi Kɔrɔs ǹɗaŋ ɗi Kiris, fɔɔnnɛ àa mɛ̀ yɛɛ̀ ghɛghɛɓti, lɔŋ Kiris yɛɛ̀ ghɛghɛɓ ɓi mɛ̀; cɛɓ ki nghɛghɛɓ gɛɛ̀nɛ yɛ̀ɛ mum, nghɛghɛɓ kɔ ɓi rìgherɛ̀n ɗi ǹgherɛɛ Man à Bɛ̀ll ànɛ à keesìghà mɛ̀, à ki fa cɛɓ kii ɓisu wɛ̀m.

EFÈZYƐŊ 3:6

Ɓumɓɛ ɓɛ yin Ɓɛ̀yudɛ̀n ɓɛ ti girig ɗì gàɓ ɓi ɓyom ɓi Bɛ̀ll à nyamgà ɓisuu ɓum ɓii, ɓɛ ɓa ɓìkàɓ ɓi nyoo bog, ɓɛ ki ɓa girig ɓumɓɛ ɓɛ ri ɓi nkàg wu Bɛ̀ll à faghà ɓi Yeesus Kiris lɛ Syeesyee à Ɓɔlɛ,

KÒLÒSYƐŊ 1:24

Ǹɗì rì kìnyàà ɓi cààmɛ̀n ki, ɓi mɛ̀tɔɓ mɛ nwowog ɓisu win, fɔɔnnɛ com ki kɛɛ̀ kaakaàrɛ̀n ɓi mɛ̀tɔɓ mɛ Kiris, mɛ̀ɛ nɗàaratɛ̀n kɔ kì woògh ɓi nyoo yɛ̀m ɓisuu nyoo yìì ìnɛ ì rì kìseŋi kii.

TÈSÀLÒNÌSYƐŊ 2:12

Tì kìghà lɛ tì reɓ mìni, tì fɔɔsì mìni mɛ̀rem, tì ki ɓɔ̀ɔɓɔ̀ŋzì mìni lɛ ɓi ghɛɓ lɔŋ yɛ̀ɛ kɛɛ̀ kɔ̀ngi Bɛ̀ll ànɛ a regi mini lɛ ɓi ɓa rì gàɓ ɓi kìlɔ̀ŋ kii, rì ɓi rìkem ɗii.

2 TÈSÀLÒNÌSYƐŊ 2:14

Kìɓan ki Bɛ̀ll à reŋìghà tì mìni miì, rì Syeesyee à Ɓɔlɛ ànɛ tì ghagsìghà mìni ki ri lɛ, ɓi ɓa rì gàɓ ɓi rìkem ɗi Kan wìs Yeesus Kiris.

2 TÈSÀLÒNÌSYƐŊ 3:3

Wɔ̀lɛ Kan à ti à roòzàg mɛ̀kàg mii; à rì mìni ɓiì faà ìtèɗ, à lɛgsì mìni kìɓeɓtàg ki mum.

2 TIMOTE 1:9

Bɛ̀ll yɛɛ kweɗkà ɓìsi, à ki reŋi ɓisi ǹɗeèghreŋi wu wu ri wùtɛnɛn, àa ɓisuu mɛkìkìì mis, lɔŋ ɓisuu fèg wìì a nyimiɗ rì geesɛ̀n yìì inɛ à kìghà ɓìsi ɓi Yeesus Kiris; à kìghà kìɓan kiǹ di ɓyààmɛ̀n ɓi a rìtumɛ̀n ɓi ka yin.

2 TIMOTE 2:13

I ɓìsii ti tyɛ̀ ki roòzi mɛkàg mis, nyii ri lɔŋ roànɛ a roozag mɛkàg mii cààmɛ̀n kìcèm ɓisuulɛ nyii yin lɛ à roòzɛ̀n rìɓa ɗii ɗi nyimiɗ.

Kaàtà ànɛ Pol à kàngà TIT 1:2

kìɓan kiǹ kɛɛ sasaghii ɓi dyàɓɛn i cɛɓ ki fiɗyàɓ fikɔ̀ɔ̀, ki Bɛ̀ll ànɛ a maà pwàà ɓi a kàkà fìɗyàɓ, di ɓyààmɛ̀n ɓi a rìtumɛ̀n ɓi ka yin.

EBIREEGH 10:23

Ti ɓèŋina dyàɓɛn inɛ ti làalam̀ɓɛ̀n, tì sììrɛ̀n ɓisuulɛ Bɛ̀ll ànɛ à faghà ǹkàg roòzag mɛkàg mii.

EBIREEGH 11:11

Lɛ rìgherɛ̀n innɛ, nsoò Sara à ɓaghà di à mɛ sɛ̀ɛ̀mɛ̀n, à ɓaghà rì ìtèɗ wulɛ a kiti boo ì mum, ɓisuulɛ à tyweeyàkà lɛ Bɛ̀ll à rì ɓiì roòzii nkàg wii.

EBIREEGH 2:17

Kìɓan kiǹ kɛɛ̀ki à ghɛ̀ɛ̀sɛ̀ngà kì pisɛɛ ɓɛgeni bee yicèm lɛ, di a ɓa rìfòm ɗi ɓɛpìrɛɛtìrɛ̀ ɗi ɗi ri rì nɗem wu nyìighnyìg, ɗi kikì kìsay ki Bɛ̀ll lɔŋ yɛ̀ɛ ki ghɛɛ̀sɛɛ, lɛ ɗyɛɛ soò ɓìɓe ɓi ɓum ɓɛ kilɔ̀ŋ.

EBIREEGH 3:1

Nni fɔlɔɔ nnɛ, mìni ɓɛ̀geni ɓɛ̀m ɓɛ ɓi rìgherɛ̀n ɓɛ ɓi rì rì gàɓ ɓi nɗeèghreŋi wu Bɛ̀ll, seeseena Yeesus ànɛ Bɛ̀ll à romgày lɛ a ɓa rìfòm ɗi ɓɛpìrɛɛtìrɛ̀ ɗi ɓi rìgherɛ̀n ɗi ɓìsiì làalam̀ɓɛ̀n.

EBIREEGH 3:14

Lɛ tì rì ɓum ɓɛ ɓɛɛ̀ kɛ̀ɛ̀kɛɛ nɗaŋ ri Kiris, di tì sììrɛɛ lɛ, ti ɓeŋ̀ ǹtyweeyi wu tì ɓaghà rì wɔ a rìtumɛ̀n.

EBIREEGH 6:18

Ɓìɓan ɓi ri min ɓiɓɛɛ̀ ɓi ɓi yin lɛ ɓi lɔgtɛ̀n, ɓyɛɛ̀ɓi Bɛ̀ll à yin ɗi ìtèɗ wu lɛ à foŋ pwàà miì. Fɔlɔɔ nnɛ ɓìsiɓɛ tì mɛ tanɛn ǹnyamzɛn a lɔ̀ŋkii, ɓi mɛ fati ɓisi itèɗ lɛɛ̀gwey, lɛ ti siìri kì ɓanì dyàɓɛn inɛ ìrì ɓìsi ǹfayɛn.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

1 ZYAŊ 1:3

Kìɓan ki tì kìghà lɛ, tì ghɛn tì ki wog kɛɛ̀ki ti ghaaghagsì girig mìni, lɛ di mìni girig, ɓi ɓa ɓɛ̀ràrɛn ri ɓìsi. Nni ɓìsii ri ɓɛ̀ràrɛn lɛ rì Seŋi, rì Yeesus Kiris à Man wiì.

1 ZYAŊ 1:7

Kìɓan kifog i ti kɛ̀ɛ̀kɛɛ ɓi kìtɛɛtɛn fɛlɛ yɛ̀ɛ nyimiɗ a rì ɓi kìtɛɛtɛn, di tì rì ɓɛ̀ràrɛn ɓisi mɛ̀to mɛ̀cèm, fɔɔnnɛ bwaɓ yi Man wiì Yeesus yi soò ɓìɓe ɓis ɓìcèm.

1 ZYAŊ 4:13

Com ki tì ti tì yilàg miì lɛ, tì rì ɓɛ̀ràrɛn ɗi nyi, nyi ǹɗàrɛn ri ɓìsi ki ri lɛ; à faghà ɓìsi Ǹghay wìì,

ÀPÒKÀLIƁSƐ̀ 19:11

Fɔɔnnɛ ǹghɛngà ɗyoo ɗìnɛmɓɛn ǹghɛn zòm i kìmɓɛ̀rɛ̀ ì mpuɓ, ŋwaànɛ à ɓaghà ɓi zòm inɛ̀n aɗyoo, à ɓaghà ɗii lɛ, Ŋwaà-ǹtyweeyi, rì wusìnɛ̀ɗ à kɔɔ̀kɔɔ̀, a yɔ̀myɔm ɓiɓan, à ki ɗùùɗuu wɛ̀y ɓi ɓɛ̀saaɗ.