1 KƆ̀RƐ̀ŊTYƐŊ 1:8 - Bafia Nouveau Testament

⁸ Nyi yɛɛ ri mìni ɓiì sììraagh à kpaŋ a rìsugtɛ̀n lɛ ɓi ɓa kɛ̀ɛ̀ kìɓan ki ɓɛ ri lɛ ɓɛ ɓɛy mìni miì, ɓi ŋwos a Yeesus Kiris à Kan wìs.

1 KƆ̀RƐ̀ŊTYƐŊ 1:8 ပူးပေါင်းရင်းမြစ်များ

LUKAS 17:24

Fɛlɛ yɛ̀ɛ ŋwaàŋwàɗ à ti à ŋwàɗkì, à kpeŋzì ɗyoo ɗìcèm, fɔlɔɔ nnɛ Man à mum à ɓaa gɛ ɓi ŋwosi risugtìì ɗii.

LUKAS 17:30

Ki ɓiì ɓaà lɔŋ com kìfog ŋwos anɛ Man à mum à ri rèsɛɛgɛs̀.

RÒMƐŊ 14:4

Wɔ̀ɔ̀ rì ghɛn anɛ ù rì lɛ ù yɔ̀m ǹkìì-kìsay a ɓɛ̀gan? Àa soo rì ǹsììrɛn ɓi kìsay kii, àa soo kpìi kìɓan kiǹ ki seesee masà wìì, nni à rì ɓiì ki sììrɛɛ ɓi kìsay kii kɛ̀ɛ kpì, lɛ Kan à rì rì ìtèɗ wulɛ à lènlèm nyi.

RÒMƐŊ 16:25

Roànɛ à rì rì ìtèɗ wulɛ à sììrag mìni lɔŋ yɛ̀ɛ Syeesyee à Ɓɔlɛ ànɛ mɛ̀ɛ nghaaghagsì di nlàalamɓɛ̀n Yeesus Kiris à rì, rì lèg ànɛ yɛ̀ɛ tì tekà fèg à Bɛ̀ll ànɛ à ɓaghà ǹnyamɛn fiɗyàɓ fikɔ̀ɔ̀,

RÒMƐŊ 8:19

Zi bimiɗ ì rì nɗem aɗyoo ì ɓoŋɓòŋ cààmɛ̀n ki Bɛ̀ll à ɓiì rèsii ɓumɓɛ ɓɛ ri ɓɔn ɓii.

1 KƆ̀RƐ̀ŊTYƐŊ 3:13

kìsay ki mum ǹcèm ki ri lɔŋ ɓiì rèsɛɛ. Ɓisuulɛ ŋwosi ɓɛyɔ̀m à ri kì lɛ ɓɛɛ yi kìsay kiǹ, lɛ ŋwos anɛ̀n à rì ɓiì rèsɛɛ ɓi ɗuu; fɔɔnnɛ ɗuu ɗyɛɛ ri biì rèsii riɓa ɗi kisay ki mum ǹcèm.

1 KƆ̀RƐ̀ŊTYƐŊ 5:5

rìkuu ɗi mum ɗiǹ ɗi ghɛɛ̀sɛɛ lɛ ɓɛɛ kaɓ ɗyɔ rì Satàn, lɛ mɛ̀mùù mii mɛɛ ɗyaŋ di fɔɔnnɛ nghay wii wɛɛ ghɛǹ cɛɓ ɓi ŋwos a Kan Yeesus.

2 KƆ̀RƐ̀ŊTYƐŊ 1:13

Tì kàni ɓi mini kìɓan kidɛŋ ki ki yin kiɓan ki ɓi ɓàɓay kiǹ, ɓì ki wowog; ǹɗì rì dyàɓɛn lɛ, ɓì rì kɔ ɓiì woògh kɔɔ̀kɔɔ̀ à rìwog,

2 KƆ̀RƐ̀ŊTYƐŊ 1:14

yɛ̀ɛ ɓi mɛ yi gàɓ lɛ, ɓìsi yɛɛ ri ɓa rikem ɗin, mìnii ɓa rìkem ɗis ŋwos a Kan Yeesus.

2 KƆ̀RƐ̀ŊTYƐŊ 1:21

Roànɛ à ti à kìlàg lɛ ti siìrɛn ɓi Kiris ǹɗaŋ ri mìni, roànɛ à siŋìghà ɓìsi mɔ̀ɔ mɛ lɛ tì rì ɓum ɓii yɛɛ ri Bɛ̀ll nyimiɗ.

EFÈZYƐŊ 5:27

à kɔ̀ngà lɛ Kìseŋi kìn kɛɛ kpaŋ ɓi mis mii ɗi rìkem, kɛ̀ɛ̀ tìfin, nsoò fìrun, nsoò kìɓeɓtàg ki kiɓan kidɛŋ. Wɔ̀lɛ ki kɔngà nyi lɛ Kìseŋi kìn kɛɛ ɓa kìtɛnɛn kɛ̀ɛ̀ kìɓan ki ɓɛ fen miì.

FÌLÌPYƐŊ 1:10

fɔlɔɔ nnɛ ɓi ɓiì yiì rìghasì ɗi ɓiɓan ɓi ɓi ri rì gɛɓsɛ̀n, ɓì ki ɓa mɛrem lɛ sɛɛghi sɛɛghi, kɛ̀ɛ̀ kìɓan ki ɓɛ ri lɛ ɓɛ ɓɛy mìni miì ŋwos a Kiris;

FÌLÌPYƐŊ 1:6

Ǹ-yii syeesyee à rìyi lɛ roànɛ à tumɛ̀ngà syeesyee à kìsay anɛ̀n ɓi mìni, à rì ɓiì kɛ̀ɛ ri kɔ asu à kpaŋ yɛ̀ɛ à ri wɔmɓɛn kɔ ɓi ŋwos a Yeesus Kiris.

KÒLÒSYƐŊ 1:22

ɓi cààmɛ̀n ki, lɛ rìwu ɗi Man wiì à wughà ɓi nyoo yìì i mɛ̀mùù, Bɛ̀ll à mɛ pɛ̀ɛ̀zi mini kì ràri ɗi nyimiɗ, lɛ di a ki com ki lɛ ɓi kpaŋ ɓi mis mii ɓɛtɛnɛn, kɛ̀ɛ̀ zɛ̀ɗ, kɛ̀ɛ̀ bɛ̀lɛn.

KÒLÒSYƐŊ 2:7

Ɓaana ɓɛ̀ɓaghɛn gàŋ ɓi nyi, ɓì toŋ cɛɓ kin ɓi nyi, ɓì sììrɛ̀n ɓi rìgherɛ̀n lɔŋ yɛ̀ɛ ɓɛ resìghà mìni, ɓì ki fafa Bɛ̀ll ɓìtògsɛ̀n lɛɛ̀gwey.

TÈSÀLÒNÌSYƐŊ 3:13

A ki lɛ mɛ̀rem min mɛɛ siìrɛn, mɛ ɓa mɛ̀ tɛnɛn, kɛ̀ɛ̀ kìɓan ki ɓɛ rì lɛ ɓɛ fen miì ɓi mis mɛ Bɛ̀ll à Seŋi wìs, ŋwosi risugtìì ɗi Kan wìs Yeesus ǹɗaŋ rì ɓum ɓii ɓɛ̀cèm, ɓɛ ɓɛ ri ɓɛ̀tɛnɛn.

TÈSÀLÒNÌSYƐŊ 5:2

Ɓisuulɛ mìniìɓɔmiɗ ɓì konaagh kì yiì lɛ ŋwos a Kan à rì ɓiì kpaŋì fɛlɛ yɛɛ wiiwìì à ti à yùlàg rì ìru.

2 TÈSÀLÒNÌSYƐŊ 2:2

kɛ̀ ɓi càrɛn lɛ mum a fyaŋzi mìni kì nyɛ̀ŋi ɓi syeesyee à ǹɗɛli anɛ ɓì rì miì, nsoò lɛ a syaŋdi mìni bwaɓ ɗi rìkuu ɗi ɗyomzɛ̀n ɗidɛŋ ɗi ǹghay wudɛŋ wu ri lɛ wu fa nyi, nsoò rì jɛ̀ɛ̀ ìdɛŋ, nsoò rì kaàtà ànɛ ɓɛ ri lɛ ɓɛ pwaà mìni lɛ ɓìsi yɛɛ kani, ki pisɛ̀n fɛlɛ yɛ̀ɛ ŋwos a Kan à mɛ kpaŋ.

2 TÈSÀLÒNÌSYƐŊ 3:3

Wɔ̀lɛ Kan à ti à roòzàg mɛ̀kàg mii; à rì mìni ɓiì faà ìtèɗ, à lɛgsì mìni kìɓeɓtàg ki mum.

2 TIMOTE 1:12

Ɓisu wìn miì nnɛ nwowog mɛtɔɓ yɛ̀ɛ mɛ, wɔ̀lɛ ki faa ɓi mɛ ntoòrìɗ ɓisuulɛ ǹ-yii roànɛ ǹgherɛ̀ngà; ǹɗem wɛ̀m wùcèm wu yii saaɗ wu ki gherɛn lɛ à rì rì ìtèɗ wulɛ à ɓèŋ com ki à tɛfɛ̀ngà rì mɛ̀, à kpaŋ ŋwos anɛ̀n.

2 TIMOTE 1:18

Kan à ghɛ̀ɛ̀sɛɛ kì kìi lɛ Bɛ̀ll a resi nyi kìrɔɔ-ǹɗem wìì ŋwos anɛ̀n. Ɓìsay ɓìcèm ɓi Onezifɔɔr à kìghà mɛ̀ a Efɛɛzɛ, wɔ̀ yɛɛ raŋ̀zii ɓyɔ kì yiì ù cee ɓum ɓɛ̀cèm.

1 PYƐƐRI 5:10

Fɔɔnnɛ ki ɓiì ɓaà lɛ i ɓyàa wog rikɛŋ ɓi maa cààmɛ̀n, Bɛ̀ll ànɛ à rì rì geesɛ̀n bimiɗ, ànɛ à reŋìghà mìni lɛ ɓi teɗ gàɓ ɓi rìkem ɗii ɗi fiɗyàɓ fikɔ̀ɔ̀ ɓi Kiris ɓi ɗùm, à rì mìni ɓiì konagh ki rɛsii lɛ syeesyee nyimiɗ, à sììràg mìni, à fa mìni ìtèɗ, à kì lɛ ɓi ɓa ɓumɓɛ com ki yin lɛ ki ɓigtì.

2 PYƐƐRI 3:10

Ŋwos a Kan à ɓiì kpaŋì yɛ̀ɛ wiiwìì à ti à yùlàg. Ŋwos anɛ̀n, ɗyoo ɗi ri ɓiì silii ri coo gom, ɗuu ɗi digsì ɓyom ɓi ɓi ɗyoo, zi rì ɓìɓan ɓi miì ɓìcèm ɓi ɗig.

2 PYƐƐRI 3:14

Kìɓan kiǹ kɛɛ̀ki, mìni ɓum ɓɛm ɓɛ nɗem, cààmɛ̀n ki ɓi ka ɓoŋɓoŋ ŋwos anɛ̀n, tèèsiina nyoo lɛ ɓi ɓa ɓɛ̀tɛnɛn, kɛ̀ɛ̀ bɛ̀lɛn ɓi mis mɛ Bɛ̀ll, ɓì ki ɓa lɛ fyòoog rì nyi.