1 KƆ̀RƐ̀ŊTYƐŊ 1:7 - Bafia Nouveau Testament

⁷ Fɔlɔɔ nnɛ com kidɛŋ ki kaarɛɛ tì ɓi mini ɓi rìɓoŋ ɗi ɓi ɓoŋɓoŋ cààmɛ̀n ki Yeesus Kiris à Kan wìs à ri rèsɛn ti.

1 KƆ̀RƐ̀ŊTYƐŊ 1:7 ပူးပေါင်းရင်းမြစ်များ

MATYOO 25:1

Fɔɔnnɛ kìlɔ̀ŋ ki aɗyòò ki pisɛɛ rì ɓɛ̀gɔ̀n ɓɛ ɓɛ̀yiɓ ǹtɛ̀ɗ ɓɛ ɓɛ tekà ɓɛ̀lamɓà ɓaa lɛ ɓɛɛ kɛǹ kì ɓoŋì ŋwaànɛ à ɓaghà lɛ a wɔlɛ̀n.

LUKAS 12:36

Ɓaana fɛlɛ yɛ̀ɛ ɓɛ̀kìì-ɓìsay ɓɛ ɓɛɛ̀ ɓoŋɓoŋ lɛ masà wàà a sug yì tìcàɓ ti riwɛy, ɓɛɛ nɛm nyi naa di à kpaŋi à ɓog naa.

LUKAS 17:30

Ki ɓiì ɓaà lɔŋ com kìfog ŋwos anɛ Man à mum à ri rèsɛɛgɛs̀.

RÒMƐŊ 8:19

Zi bimiɗ ì rì nɗem aɗyoo ì ɓoŋɓòŋ cààmɛ̀n ki Bɛ̀ll à ɓiì rèsii ɓumɓɛ ɓɛ ri ɓɔn ɓii.

RÒMƐŊ 8:23

Àa foo nyi rì nyi, ɓìsi girig ɓɛ tì mɛ teɗ Ǹghay à Bɛ̀ll ɓi sìg à kìrɔɔ ki ǹtonto ki ɓi ɓìrɔɔ ɓi Bɛ̀ll à rì ɓiì kìi ɓisi, ti ɓemɓem girig ɓi mɛ̀rem ɓi ɗùm, tì ɓoŋɓòŋ lɛ Bɛ̀ll a ghaàsi ɓìsi ɓɔn ɓii à ki kwèɗ nyoo yìs.

1 KƆ̀RƐ̀ŊTYƐŊ 4:5

Ɓisu wìn miì nnɛ kɛ̀ ɓi yɔ̀m kiɓan kidɛŋ di cààmɛ̀n ki ka kpaŋ ɓi, di Kan à ka yu ɓi, nnyɛɛ ri ɓiì tɛɛ̀zii ɓiɓan ɓi ɓi ri ɓì nyamɛn a birìm, à ki kì lɛ ɓɛɛ yi mɛ̀yitì mɛ ɓum ɓɛ ri rì mɔ ɓi mɛ̀rem, fɔɔnnɛ Bɛ̀ll à rì ɓiì faa mum ǹcèm mɛ̀sɛɛ̀ghsɛɛgh mɛ à ghɛ̀ɛ̀sɛɛ rì mɔ.

2 KƆ̀RƐ̀ŊTYƐŊ 12:13

Kìɓan aɗi kɛɛ rɔɓkà kɛ̀ kɛɛ̀ kìlɛn a lɔ̀ŋkin lèg ànɛ yɛ̀ɛ kɛɛ̀ kìikilɛ̀n ɓi ɓìseŋi ɓi Kiris ɓimbog? I ki cee ɓi nya lɛ kìɓan ki lɛ ǹtɛ̀g wɛm̀ wu syɔngà ɓi mìni ɓi nto! Nni mìnii cenɛɛna mɛ̀ rìkì ɗiǹ lɛ ɗi ri zɛ̀ɗ.

GÀLAT 5:5

Ɓi ɓɛg wìs, com ki ti ɓoŋɓòŋ ki ri lɛ, tì ti rì dyàɓɛn lɛ Bɛ̀ll à ɓiì kìi lɛ ti ɓa lɛ saaɗ ɓi mis mii; kìɓan kiǹ kɛɛ̀ki ti ɓoŋɓoŋ ri ìtèɗ wu Kitɛntɛ̀ɛ̀n ki Nghay ki kɛɛ̀ kìki kisay ɓi ntyweeyi wu tì rì rì wɔ.

FÌLÌPYƐŊ 3:20

Ɓi san ànɛ a lɔ̀ŋkis, kìlɔ̀ŋ kis kɔɔ ri aɗyòò; wɔɔnnɛ Kan wìs Yeesus Kiris à ǹghɛɓsì wìs ànɛ ti ɓoŋɓòŋ à rì ɓiì ɓaà yì.

KÒLÒSYƐŊ 3:4

Yɛ̀ɛ Kiris ànɛ à rì cɛɓ kin, à ɓiì rèsɛɛ, fɔlɔɔ nnɛ, mìni girig ɓì ɓiì rèsɛɛ nɗaŋ ri nyi ɓi rìkem ɓi ɗùm.

TÈSÀLÒNÌSYƐŊ 1:10

ɓì ɓoŋɓòŋ lɛ Man wiì Yeesus, ànɛ à ghèmzìghày a ɓìloŋ, a sɛǹ yì aɗyoo, di a kweɗ ɓìsi ɓi rìbaŋì ɗi Bɛ̀ll ɗi ɗi riì.

2 TÈSÀLÒNÌSYƐŊ 1:7

à fa mìni ɓɛ ɓi wowog rikɛŋ rìfɔɔsɛ̀n ǹɗaŋ ri ɓìsi; à ɓiì kìi fɔlɔɔ yɛ̀ɛ Kan Yeesus à ɓiì rèsɛɛ yi aɗyoo, nɗaŋ ri ɓum ɓii ɓɛ titom ɓɛ ɓɛ ri rì ìtèɗ,

2 TIMOTE 4:8

Nni ɓigomìnɛ, tàm à rìkem ànɛ à rì tàm à saaɗ innɛ m̀ɓoŋɓoŋi, Kan ànɛ à rì ǹ-yɔ̀mì-ɓum ànɛ à rì lɛ saaɗ à rì mɛ̀ nyi ɓiì faà ŋwos anɛ̀n, nni àa mɛ̀ cɛ̀ncɛm nnɛ à rì ɓiì faà, kìɓan kifog à ɓiì faà ɓum ɓɛ̀cèm ɓɛ ɓɛ ɓoŋɓòŋgà rìsugtìì ɗii ri ǹkɔ̀nɛ̀n.

Kaàtà ànɛ Pol à kàngà TIT 2:13

cààmɛ̀n ki ti ka ɓoŋɓoŋ coo ŋwos a kìnyàà ànɛ à rì dyàɓɛn yis, tì ki ɓoŋɓoŋ ti rìkem ɗi Bɛ̀ll wìs anɛ à teŋmɛɛ, rì ǹghɛɓsì wìs Yeesus Kiris,

EBIREEGH 9:28

fɔlɔɔ nnɛ Kiris ànɛ à falɛ̀ngà nyimiɗ gɛ̀n bog ɓi gɛ̀n yicèm lɛ a tɛg ɓìɓe ɓi ɓum lɛɛ̀gwey à rì ɓiì ɓììtii ti kìrèsɛɛ ɓi gɛ̀n i kìɓɛ̀ɛ̀ kɛ̀ɛ̀ kìɓe a ɓumɓɛ ɓɛɛ̀ ɓoŋɓoŋ nyi lɛ a kweɗ ɓɔ.

1 PYƐƐRI 1:13

Kìɓan kiǹ kɛɛ̀ki, ɓaana rì mɛ̀rem mɛ mɛ ri mɛ̀ɓùŋɛn ɓi kìsay, ɓì kɔ̀rì ɗyomzɛ̀n, ɓì foŋ dyàɓɛn yiǹ bimiɗ ɓi rìfa ɗi ɓɛ ri mìni ɓiì faà ɓi ŋwos anɛ Yeesus Kiris à ɓiì rèsɛɛ.

1 PYƐƐRI 4:13

Ɓì ghɛ̀ɛ̀sɛɛ lɔŋ lɛ ɓì nyààrɛ̀n lɛ ɓi teteɗ gàɓ ì mɛ̀tɔɓ mɛ Kiris, di fɔɔnnɛ ɓi ɓiì rongii girig rì kìnyàà yɛ̀ɛ rìkem ɗii ɗi ri ɓiì ghɛnɛɛ.

1 PYƐƐRI 5:4

fɔlɔɔ nnɛ yɛ̀ɛ ǹkɔ̀mɛ̀n ɓɛ̀ɓèŋì-jɔ̀ɔ̀ à ɓiì kpaŋì, ɓì ɓiì terì tàm à rìkem ànɛ à yin lɛ à ɗyoŋ.

2 PYƐƐRI 3:12

Mìni ɓɛ ɓi ɓoŋɓòŋ, ɓì ki lolos lɛ di ŋwos a Bɛ̀ll àa kpaŋi, ŋwos anɛ̀n yɛɛ ri ŋwos anɛ ɗuu ɗi ri ɓiì yogsii ɗyoo, ɓyom ɓi ɓi ri ɓi ɗyoo ɓi ghaŋmɛ̀n rìtɔ̀n ɗi nɗòò wu ɗuu.

1 ZYAŊ 3:2

Mìni ɓum ɓɛm ɓɛ nɗem, tì ti ɓɔn ɓɛ Bɛ̀ll ɓigomìnɛ, nni com ki tì rì ɓiì ɓaà ki ka resɛn ɓi lɛ tɛntɛ̀ɛ̀n; wɔ̀lɛ tì yii lɛ yɛ̀ɛ Kiris à ɓiì rèsɛɛ, tì ɓiì ɓaà com kìfog rì nyi, ɓisuulɛ, tì rì nyi ɓiì ghɛɛ̀ lɔŋ yɛ̀ɛ à rì.

ZYUUDƐ 1:21

Kɛ̀ɛna asu ɓì kɔ̀kɔ̀rì lɔŋ ɓi nkɔ̀nɛ̀n à Bɛ̀ll ɓiɗùm, ɓì ɓoŋɓòŋ yɛ̀ɛ Kan wìs Yeesus Kiris à rì mìni ɓiì woògh nyìighnyìg, à fa mìni cɛɓ ki fiɗyàɓ fikɔ̀ɔ̀.