1 KƆ̀RƐ̀ŊTYƐŊ 1:18 - Bafia Nouveau Testament

¹⁸ Ɓisuulɛ rìlààlàmɓɛ̀n ɗi kɔrɔs ɗi ri kìɓan ki kiyèg ɓisuu ɓumɓɛ ɓɛ ghɛɛ̀sɛɛ kì ɗyaŋì, wɔ̀lɛ ɓisuu ɓisi ɓɛ tì rì rì cɛɓ, ɗi ri ìtèɗ wu Bɛ̀ll.

1 KƆ̀RƐ̀ŊTYƐŊ 1:18 ပူးပေါင်းရင်းမြစ်များ

MƐ̀KÌKÌÌ MƐ ƁƐKƐ̀NÌ-FÌTOM 13:41

Mìni ɓɛ̀daŋàdaŋa, ghɛɛna di ɓi kuughrag, ɓì ki pɛ̀sɛn mɛ ɓi mis, ɓisuulɛ ǹɗì ɓiì kìi rikuu ɗi kiɓan ɗidɛŋ ɓi mɛ̀ru min ɗi ɓì ɓaghà ɓi lɛ ɓì gherɛ̀n lɛ, ɗi ri lɛ ɗi kilɛ̀n di ŋwaàdɛŋ yɛɛ kpaa mìni lɛ ɗyaa kìlɛɛ.

MƐ̀KÌKÌÌ MƐ ƁƐKƐ̀NÌ-FÌTOM 17:18

Ɓɛ̀rèsàg dɔgtɛ̀n yidɛŋ yi yɛɛ, kpaakpaa lɛ ŋwaà keèsi rìyɛ̀y ɗi cɛɓ, rì lɛ, ŋwaà ghɛ̀ɛ̀sɛɛ kì ɓiɓì nɗem ɓi rìkɛŋ, ɓɛ tumɛ̀ngà girig ìkurè rì Pol, ɓɛ̀roɓɛ lɛ: Cɛ ǹkìì-kɛɛgh anɛ a kpaakpaa kɔmiɗ? Ɓɛ̀ro ɓɛm̀bog ɓɛ ɓaàg lɛ: Ki pisɛɛ yɛ̀ɛ a kakali kiɓan ki bɛ̀ll yidɛŋ, yi tì yii ɓi; ɓɛ ɓakà fɔlɔɔ ɓisuulɛ, ɓɛ wokà di Pol a kakali Ɓɔlɛ à Yeesus, rì rìghèmɓɛ̀n ɗi ɓiloŋ.

MƐ̀KÌKÌÌ MƐ ƁƐKƐ̀NÌ-FÌTOM 17:32

Lɔŋ yɛ̀ɛ ɓumɓɛ̀n ɓɛ wokà di Pol à ti ɓiì kpaakpaa kiɓan ki righèmɓɛ̀n ɗi ɓiloŋ, ɓɛ̀ro ɓɛdɛŋ ɓɛ kpusɛ̀n ɗi tyɛ̀y, ɓɛm̀bog ɓɛ kpaa nyi lɛ, tì ri wog kiŋkɔɔ kiǹ ŋwos adɛŋ.

MƐ̀KÌKÌÌ MƐ ƁƐKƐ̀NÌ-FÌTOM 2:47

Ɓɛ mɓɔgsàg Bɛ̀ll, ɓum ɓɛ̀cèm ɓɛ ki keekeèsì ɓɔ, fɔɔnnɛ Kan à tèèghtègsìghà ǹɗaŋ waa ɓɛ ŋwos ɓɛ̀cèm rì ɓum ɓɛ ki kɔngà Bɛ̀ll lɛ a ghɛɓsi.

RÒMƐŊ 1:16

Ɓisuulɛ, ǹ-yin lɛ ǹwog ǹtoòrìɗ ɓi rìghagsì ɗi Syeesyee à Ɓɔlɛ, lɛ à rì ìtèɗ wu Bɛ̀ll wu wɛɛ̀ ghɛɛghɛɓsì ɓum ɓɛ̀cèm ɓɛ ɓɛ gherɛɛ, à tumɛ̀n lɛ Ɓɛ̀yudɛ̀n à kpaŋ lɛ ɓumɓɛ ɓɛ yin Ɓɛ̀yudɛ̀n.

1 KƆ̀RƐ̀ŊTYƐŊ 1:21

Lɛ yɛ̀ɛ ɓumɓɛ ɓi ziinɛ ɓɛ ɓaghà ɓi lɛ ɓɛ yi Bɛ̀ll rì ɗyomzɛ̀n ɗyaa jàŋ inɛ ɗyomzɛ̀n ɗi Bɛ̀ll ɗyɛɛ̀ rèeresɛ̀n, nni Bɛ̀ll à kɔ̀ngà lɛ a ghɛɓsi ɓumɓɛ ɓɛ gherɛɛ nyi, rì kìyèg ki kiɓan ki ɓìsiì làalamɓɛ̀n.

1 KƆ̀RƐ̀ŊTYƐŊ 15:2

Syeesyee à Ɓɔlɛ ànɛ̀n innɛ ɓì ki rì ɓiì ghɛɛ̀ cɛɓ lɛ nyi, di ɓì ɓèŋi nyi lɔŋ yɛ̀ɛ ǹghagsìghà mìni nyi, kɛ̀ɛ̀ fɔlɔɔ, di rìgherɛ̀n ɗi ɓì gherɛ̀ngà ɗi ri kɛ̀ɛ̀ ìsu.

1 KƆ̀RƐ̀ŊTYƐŊ 2:14

Ŋwaànɛ à yin ɗi Ǹghay à Bɛ̀ll, à yin lɛ à teɗ ɓìɓan ɓi Ǹghay à Bɛ̀ll a rìì rì ɓyɔ ɓisuulɛ ɓìɓan ɓiǹ ɓi ri ɓìyèg ɓi ɓiɓan ɓi rìghɛn ɗii, fɔɔnnɛ à yin lɛ à yi ɓyɔ̀, lɛ ɓi ri ɓìɓan ɓi ɓɛɛ̀ fiɓɓag ri Ǹghay.

1 KƆ̀RƐ̀ŊTYƐŊ 2:2

Lɛ ǹɗengà ɓi nɗem wɛ̀m lɛ màa yi ɓi kiɓan kidɛŋ cààmɛ̀n kìcèm ki ǹɗì a lɔ̀ŋkin, i ki cee ɓi lɛ Yeesus Kiris, ki ki ɓa lɛ Yeesus Kiris ànɛ ɓɛ kpangà ɓi kɔrɔs.

1 KƆ̀RƐ̀ŊTYƐŊ 3:19

Ɓisuulɛ ɗyomzɛ̀n ɗi ɓi ziinɛ ɗi ri kìyèg ɓi mis mɛ Bɛ̀ll, fɔɔnnɛ ki ri kìkànɛn lɛ: Bɛ̀ll à ti à wɔɔsàg ɓum ɓɛ ɗyomzɛ̀n ɓi mɛ̀ghèy maa mɛ ɓɔmiɗ ɓɔ yɛɛ kpaŋiì rì mɔ.

1 KƆ̀RƐ̀ŊTYƐŊ 4:10

Tì rì ɓɛ̀ghalɛn ɓiyèg lɛ Kiris, wɔ̀lɛ mìnii ri rì ɗyomzɛ̀n ɓi Kiris ɓi ɗùm; ɓìsii ri ɓɛ̀kɔ̀kɔg, mìni ɓɛ̀tèteɗ; ɓum ɓɛ nyaànyààsì mìni, wɔ̀lɛ ɓɛ sɛɛ̀sɛ̀ɛ̀tì ɓìsi.

2 KƆ̀RƐ̀ŊTYƐŊ 10:4

Ɓisuulɛ ɓyom ɓi ribaŋì ɓi ti ɗùùɗuu wɛ̀y ri ɓyɔ, ɓi yin ɓyom ɓi mum à mɛ̀mùù yɛɛ syaagh; ìtèɗ wu ɓyom ɓìn wu riì yɛ̀ɛ Bɛ̀ll lɛ ti ɓɛki gari yi yi teèsɛɛ. Ɓìsii ti tì wààghì lɛ rì ɓìyèg ɓi momzɛ̀n,

2 KƆ̀RƐ̀ŊTYƐŊ 4:3

I Syeesyee à Ɓɔlɛ ànɛ ti kakàlì a kaka ǹlɔghɛn, à rì ǹlɔghɛn ɓisuu ɓumɓɛ ɓɛ ghɛɛ̀sɛɛ kì ɗyaŋì.

TÈSÀLÒNÌSYƐŊ 1:5

Ɓisuulɛ tì ghagsìghà ɓi mini Syeesyee à Ɓɔlɛ ànɛ tì ɓaghày rì nyi rì jɛ̀ɛ̀ ì ŋwɔm yɔ̀ ri yɔ̀, tì ghagsìghà girig nyi ɓi dàm yi tì kìkìghà rì ìteɗ wu Kitɛntɛ̀ɛ̀n ki Nghay, tì ki konag kiyiì saaɗ bimiɗ ànɛ ɓi Ɓɔlɛ ànɛ̀n. Ɓi saaɗ, ɓì yii cɛɓ ki tì ghɛɓkà ɓi nyìinyìm wìn; fɔlɔɔ a ɓaghà ɓi kìrɔɔ kin.

2 TÈSÀLÒNÌSYƐŊ 2:10

à kìi gɛ kìsay ri kìɓe mɛkuu mɛ̀cèm lɛ a ɓɔŋ̀ ɓumɓɛ ɓɛ ghɛɛ̀sɛɛ kì ɗyaŋì ɓisuulɛ ɓɛ ghaɓkà ɓi ǹkɔ̀nɛ̀n ànɛ ɓi saaɗ ànɛ à ɓaghà lɛ à ghɛɓsì ɓɔ.

EBIREEGH 12:2

Tì seesèè lɔŋ Yeesus ànɛ rìgherɛ̀n ɗis ɗi sasaghii nto ɓi nyi, à tumɛ̀n a rìtumɛ̀n à kpaŋ a rìsugtɛ̀n. Yeesus ànɛ̀n yɛɛ cenɛ̀ngà rìwu ɗi ɓi Kɔrɔs, kɛ̀ɛ tɔg com rì ntoòrìɗ wu à wokà, lɛ à seesèèghà kìrɔɔ ki ki ɓoŋɓòŋgà nyi; ɓi gomìnɛ, à kɔ̀kɔrii ɓi weèlem à ìkɔ̀ɔ̀ wu rilàmì wu Bɛ̀ll.

EBIREEGH 4:12

Lɛ jɛ̀ɛ̀ ì Bɛ̀ll ì rì cencem, ì ki ɓa ri ìtèɗ, ì poo ì cee gàfàg ìnɛ ì rì ǹghɛliyɛn ɓɛɓɛg ɓɛ̀cèm. Yɛ̀ɛ ɗiɗiŋi mum ɓi nɗem à kpaŋ ɓi jàŋ inɛ cɛɓ ki mum rì nghay wii ɓi rarɛɛ; ì ɗiŋì ì kpaŋ ɓi rìràrɛ̀n ɗi gòga rì ɓɛ̀ɓɔ̀ŋ ɓɛ ɓiwoɓ. Yɛ̀ɛ rèresi nkòo rìkɔ̀n ɗi mum rì mɛ̀yitì mɛ mɛ ri nyi ɓi nɗem, ɓi ri lɛ syeesyee.