1 KƆ̀RƐ̀ŊTYƐŊ 1:17 - Bafia Nouveau Testament

¹⁷ Ɓisuulɛ Kiris à romgày ɓi mɛ lɛ mɓààɓàɓtì ɓum, wɔ̀lɛ à romgày mɛ̀ lɛ nkakali Syeesyee à Ɓɔlɛ, ǹki kì kiɓan kiǹ kɛ̀ɛ̀ ɗyomzɛ̀n ɗi ɓitòkì, lɛ di kɛ̀ kɛɛ̀ ɓa yɛ̀ɛ kɔrɔs à Kiris à rì com ki zɛy.

1 KƆ̀RƐ̀ŊTYƐŊ 1:17 ပူးပေါင်းရင်းမြစ်များ

ZYAŊ 4:1

Yeesus à wokà lɛ ɓɛ nkalii Ɓɛ̀fàrìzyɛŋ lɛ nyiì syòŋsyoŋ ɓum à cee Zyaŋ lɛ ɓɛɛ ɓa ɓɛ̀yilàg ɓii, à ki ɓàaɓaɓtì ɓɔ;

ZYAŊ 4:2

wɔ̀lɛ ɓi saaɗ à rìkpaa, Yeesus nyimiɗ a ɓààɓàɓtìghà ɓi ɓum, lɔŋ ɓɛ̀yilàg ɓii ɓɛɛ ɓààɓàɓtìghà ɓɔ.

MƐ̀KÌKÌÌ MƐ ƁƐKƐ̀NÌ-FÌTOM 10:48

Fɔɔnnɛ à kalìghà min lɛ, ɓɛɛ ɓaɓti ɓɛǹ ɓi ɗii ɗi Kan Yeesus Kiris. Ɓumɓɛ̀n ɓɛ ki tɔg nyi lɛ, a kɔri tì a lɔ̀ŋkaa, gàɓ ì mɛ̀ru.

1 KƆ̀RƐ̀ŊTYƐŊ 2:1

Ɓɔɔsoŋ̀, cààmɛ̀n ki mɛ̀ɛmiɗ ǹ-yùghà a lɔ̀ŋkin lɛ nghagsi mìni kɔɔ̀kɔɔ̀ à kìɓan a Bɛ̀ll ànɛ à ɓaghà a rìnyam, m̀ɓaghày ɓi ri ɓìtòkì ɓi ɓi yeesɛɛ rìwog, nsoò lɛ coo ɗyomzɛ̀n.

1 KƆ̀RƐ̀ŊTYƐŊ 2:13

Nni ɓìsii yin ɓiì kpaakpaa kiɓan ki rì jɛ̀ɛ̀ yi tì teriì ɓi ɗyomzɛ̀n ɗi ɓum; ti kpaakpaa lɔŋ kɔ rì jɛ̀ɛ̀ yi Ǹghay a rèresi ɓisi, tì ki rèresi ɓumɓɛ ɓɛ ri rì Ǹghay ànɛ̀n ɓɛ̀saaɗ ɓɛ ɓi ɓìɓan ɓi ɓi Nghay lɛ tɛntɛ̀ɛ̀n.

2 KƆ̀RƐ̀ŊTYƐŊ 1:12

Lɛ kìɓan ki ɓìsii ri lɛ tì teɗ rìkem miì ki ri lɛ: ǹɗem wis wɛɛ̀ rèresi ɓisi lɛ tɛntɛ̀ɛ̀n lɛ: rìkɛ̀ɛ̀kɛ̀ɛ̀ ɗis ɗi ɓi ziinɛ, à ɓiisɛ̀n ɓi ɓɛg ànɛ a lɔ̀ŋkin, ɗi ri ɗì tɛnɛn, ɗi ɓa tì lɛ saaɗ, kɛ̀ɛ̀ mɛ̀ghèy. Rìɓa ɗìn ɗi fuu yì yɛ̀ɛ Bɛ̀ll, lɛ geesɛ̀n ì Bɛ̀ll yɛɛ̀ kɛ̀ɛkɛɛ̀sì ɓìsi, àa ɗyomzɛ̀n ɗi ɓum.

2 KƆ̀RƐ̀ŊTYƐŊ 10:10

Ɓisuulɛ ɓɛ ti ɓɛ kpaaghì lɛ: Ɓɛ̀kaàtà ɓɛ Pol ɓɛ kiì lɛ ɓɛ nyɛn ɓɛ ki tèèsɛn, kìɓan kifog, cààmɛ̀n ki nyimiɗ yɛɛ rɛrɛlii, à ɓa kɛ̀ɛ̀ ìtèɗ, ɓìtòkì ɓii ɓi ki ɓa ɓitòkì ɓi ɓum ɓɛ ri lɛ ɓɛ sɛɛtì.

2 KƆ̀RƐ̀ŊTYƐŊ 11:6

Nsoò yɛ̀ɛ m̀ɓiisɛɛ ɓi ki yiì kìtòkì, ǹ-yin zɛ̀zɛɗ ɓi kìɓan ki ki seesee rìyi. Tì mɛ rèsi mini kìɓan kiǹ bee lɛ bee ɓyààmɛ̀n lɛɛ̀gwey.

2 KƆ̀RƐ̀ŊTYƐŊ 4:2

Ɓìsiì ɓengà ɓìɓan ɓi ntoòrìɗ ɓi ɓyɛɛ̀ kìikilɛ̀n a rìnyam; cɛɓ ki ti ghɛghɛɓ ki yin ɗi mɛ̀ghèy, fɔɔnnɛ tì ki yin ɓiì lɔ̀ɔghlɔgtì jɛ̀ɛ̀ ì Bɛ̀ll. Wɔ̀lɛ rìrèsì ɗi ti rèresi saaɗ ɗyɛɛ̀ɗi ti kaakaa bee inɛ ɓum ɓɛ̀cèm ɓɛɛ tyweeyi ɓìsi ɓi mis mɛ Bɛ̀ll.

2 PYƐƐRI 1:16

Lɛ yɛ̀ɛ tì rèsìghà mìni kìɓan ki lɛ Kan wìs Yeesus Kiris à rì ɓiì sugtii yi, à ɓay rì ìtèɗ, tì ɓaàdɛ̀ngà ɓi ɓi mɛ̀kànkàn mɛ ɓum ɓɛ konaagh kì syaàgh, tì rèsìghà lɔŋ mini kìɓan kiǹ ɓisuulɛ ɓìsiìɓɔmiɗ tì ghɛngà rìgwey ɗii fɛlɛ rì mis mìs.