Leviticus 3:17 - Seqa Full Bible

¹⁷ Tamana goyti me kuo sua taba sadasada te oyra sapoko aba kala kuo me, be ka ngoyni kam kue: ram kasi mina oyke ka voa ba madaka.

Leviticus 3:17 ပူးပေါင်းရင်းမြစ်များ

Genesis 9:4

<

Leviticus 7:23

Soynani oyra boysi ni Izireli: Kasi oyke ka voae doyra oyra bulumakao, sipi ba qoti.

Leviticus 17:7

Oyra kasi doyra kea kieke menea doyra vavakatu te kue ka bangara vele, bati sada oyra ka vavakatu te kue ka bangara vele ne ka seva kieke quolekutae sa vakapoymo kieke liekekutae veke. Goyti tamana me kuo sua te kue oyra no te kue oyra sapokoa doyra aba ka la kuo me soy.

Leviticus 6:18

Ka lieke te juojulo te Eroni sa majala oyke pitanaki goyti. Kenakena goyti sa taveni moyna to te kue oye te oyra vavakatu ka joyjuni te nako te kue Iaova, me soma la oyra sapoko aba kala kuo me. Ka boysi ba ka pita sa tebe oyra vavakatu goyti ne me tataboyna.

Leviticus 3:16

Boysi sisiama me noyko te sara barasi taboyna sa seva pitanaki, vavakatu ka joyjuni te nako, sa kakauru. Tabae voa ona Iaova.

Leviticus 23:14

Ram kasi mina oyke bereti, ba lezu ka vanoqa ba vuiti varoqa, me doka te tava mina iro me oyra keke goyti te kue Bangara. Tamana goyti mara miatoyke oyra sapoko aba ka kuo me ne, te oyra ngoyni ram kam kue.

Leviticus 7:36

Te tava ka vatoybo oyra, Iaova sa voytuni oyra boysi ni Izireli mara kea vavakatu ta te kue oyra sa seva kenae doyra me doka te oyra sapoko aba ka kuo me.

Leviticus 16:34

Goyti sa kieke tamana me kuo sua te kue ram: Vavadalo mara joyjuni kieke sada te kieke ave me vadoylo zaqala te boysi taba ni Izireli. No Mosese sa joyjuni bieto oyra pita Iaova sa voytuni te kue oye.

Leviticus 4:1

Sinani Iaova savoy te kue Mosese,

Leviticus 6:22

Toytu lieke Eroni oye sa taveni me soka oye sa seva boysi sisiama taboyna me vanama vavakatu vere. Vavakatu goyti sa kenae Iaova no mara noyko vanuro.

Leviticus 7:34

Te vavakatu arakitaki te oyra boysi ni Izireli, aro ko pale mamanae ka kajara poka ni no doylia pita pupura sa taveni veke no ko kea Eroni boysi sisiama no oyra toytulieke sa seva kenae doyra oyra boysi sisiama sa tae me te kue oyra boysi ni Izireli taba sadasada.

Leviticus 10:9

Re no keri tomlieke kasi mina turepe vaini ba ka luka karapota te oyra sada kam puka la te toypaka variere, sada kama voy mina ta ne, ram mina lie. Goyti kieke vato me kuo sua te kue ram no te kue oyra sapoko aba ka kuo me.

Leviticus 10:15

Doyli no mamana ka kajara ni poka mara iro toringini mana to oyra tupurua voa ka joyjuni te nako, mara kajara ni poka te vakomamanae Iaova sa seva kieke vavakatu kajara puka. Goyti me kenam re no oyra mo so tabsadasada, sa seva Iaova sa voytuni.

Leviticus 16:29

Goyti tamana me kuo sua te kue ram taba sadasada. Te vamanoa tava te vavetua ukene ram kasi mina oyke pitanaki no turepe bi no moyna kam joyjuni ka jaju, moyna oyra boysi ni Izireli ba oyra boysi kuokapa ka kuo koype ram,

Leviticus 23:21

Te tava ta ram mam araququni no vazaka aqo ro no kasi joyjuni ka jaju. Tamana goyti mara miatoyke oyra sapoko aba ka kuo me ne, te oyra ngoyni ram kam kue.

Leviticus 24:3

Te paqarania pua dodu ngoyni sa takabulae kuokuo te Iaova te toypaka variere, Eroni me vakete oyra ngaji mara tu taru te vakomamanae Iaova te vilu me doka te saruku. Tamana goyti mara miatoyke te oyra sapoko aba ka la kuo me ne.

Leviticus 6:15

Tabae vavakatu vere ona Iaova ba boysi sisiama me pale kieke puda koyrisi palava no oela olivi, no tabae pita nanabu noyi te vavakatu vere, no me noyko tautae keke nanataru te sara barasi, kakaurua sa vakima Iaova.

Leviticus 19:26

Kasi oyke zio aba sa kue madaka. Kasi joyjuni ka adoadoa taravalu.

Leviticus 24:9

Bereti goyti ona Eroni no oyra sokutu arasumae soy, mara oyke te ngoyni taboyna, bati sa kieke takodekea kenakena sa taboyna sua te oyra boysi sisiama ka joyjuni te kue Iaova te nako.