Zla d’a d’ogolâ 9:8 - Bible azumeina

⁸ Ang ngop sama las suma tala mi noyông nguo d’a; ang ngop sama ned’a, mam mba mi le kangû.

Zla d’a d’ogolâ 9:8 ပူးပေါင်းရင်းမြစ်များ

1 Amuleina 1:23

Azongâ mi de mamulâ ala: Gola! Natan mi nga abua. Natan mi kal gen amulâ, mi grif kä avorom andaga,

1 Amuleina 1:32

Bugola, David mi sun mi yï Sadok ma ngat buzuna ki Natan ma djok vun Alona ki Benaya Jehojada goroma. Ata yi máma azi mba avoromu.

1 Amuleina 22:8

Amul ma Israel-lâ mi dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi dum ala: Amulâ, ar ang de hina d’i!

Sawal la giled’a 141:5

Ar sama d’ingêrâ mi tonu, ni vama djivina kanu. Ar mi ngobonu, wana ni mbul ma vondji kana. An mba ni fut yan ndei d’i, wani tchen manda mba d’i tchol akulo á kak djangûna ki suma murud’umba.

Zla d’a d’ogolâ 1:5

Ar sama wed’a mi hum d’ogol máma kayam we mamba ti i avogovogo, ar sama wad’ud’a mi hum d’ogol máma á we lovot ta tit ta irata mi.

Zla d’a d’ogolâ 10:8

Sama ned’a kuruma mba mi tit yam vun ma hed’a, wani sama zla d’a lilid’a nga d’i ndavunama, mi i ni kur bad’a.

Zla d’a d’ogolâ 13:1

Gor ma ned’a mi humî hata habumba, wani gor ma yam mba ad’enga nga mi hum ngopa d’i.

Zla d’a d’ogolâ 13:18

Sama noî hatina mba mi mbut houd’a, suma a mba golom is mi, wani sama mi ve ngopa atama, suma a mba hum ngola.

Zla d’a d’ogolâ 15:12

Ma las suma nga mi min ala sa mi ngobom mbi, nga mi i gen suma ned’a d’uo mi.

Zla d’a d’ogolâ 19:25

Ang to sama las suma, ma lilid’a mba mi mbut sama ned’a; ang ngop sama wad’ud’a, mba mi i avogovok kur wäd’u mamba.

Zla d’a d’ogolâ 23:23

Ang gus gagazid’a, ned’a, hata ki wad’ud’a, ar ang guzuzi woi d’i.

Zla d’a d’ogolâ 23:9

Ar ang de zlad’a kä gen ma lilid’a d’i, kayam mi lasî zla mang nga ne d’a ang nga data.

Zla d’a d’ogolâ 28:23

Sama mi ngop sama dingîna, mba mi fe djivid’a avorom kal sama mi lum ad’um ki zla d’a de d’a avunamba gogona.

Zla d’a d’ogolâ 29:1

Sama suma a ngobom yazi ablaud’a nga mi hum vun nduo na, mba mi b’lak kei atogo zak. Kuma ma a mbud’um ki djivid’ina mi nga d’uo d’a.

Isai 36:21

Wani suma pet suma a nga ata yi mámina a kak silil, a hulongôm nga zla d’a de tu d’i, kayam amulâ Ezekiyas mi hazi vuna ala azi dum zla d’i.

Sunda hi suma hi Levi-nid’a 19:17

Ang ve wiyengâ kurung ngi, ang ngop ndrangâ yam tcho mamba. Hina wani, tcho mamba mba d’i vang ngi.

Matiye 15:14

Agi araziya, ni suma a nga ve dungûruna mi ndrozi suma dukina. Le sama duka nga mi ve dungûruna mi ndram ma duka ni, azi djak a mba tchuk kur zula.

Matiye 7:6

Ar agi hagi vama a tinim iram vam mAlonina madureina d’i. Ar agi tchugugi hed’eu magina kä avok kozongâ d’uo mi, dam azi mired’em kä kaseziya, a mba hulong hôgi mbilâ.