Zla d’a d’ogolâ 4:7 - Bible azumeina

⁷ Wana nad’u tinda hi ned’id’a: Ang ve ned’a. Ang ve wad’ud’a avok ahlena pet suma ang nga ki na.

Zla d’a d’ogolâ 4:7 ပူးပေါင်းရင်းမြစ်များ

2 Sunda Hamuleinid’a 1:10

Ki tchetchemba, ang han ned’a ki wad’ud’a, kayam an we lovota á tit avok sum ndazina. Ni nge ba, mi ndak á te yam mang suma ablau suma tchotcho ndazina ge?

Sawal la giled’a 119:104

Ni yam gat manga ba, an mbut sama d’alâ. Ni kayam ndata ba, an nga ni noî zla d’a kad’a woi pet wana.

Zla d’a d’ogolâ 16:16

Hotei ang fe ned’a kal la ang fe lorid’a, hotei ang fe wad’ud’a kal la ang fe beged’id’a.

Zla d’a d’ogolâ 2:4

le ang nga halat d’igi suma a hal beged’a na, le ang nga halat fufut d’igi suma a hal ndjondjoîd’a na ni,

Zla d’a d’ogolâ 21:6

Suma a nga fe ndjondjoîd’a ki mbut irina ni suma lili suma nga hal matnina.

Zla d’a d’ogolâ 23:23

Ang gus gagazid’a, ned’a, hata ki wad’ud’a, ar ang guzuzi woi d’i.

Zla d’a d’ogolâ 4:5

Ar ang ve ned’a, ar ang ve wad’ud’a, ar ang mar yam zla d’a ndavunanda d’i, ang wal lei ki sed’et tuo mi.

Zla d’a d’ogolâ 8:23

Mi tinin an navok dedei, avok bei ad’u tinda handagad’id’a.

Ma tchi wala 4:8

Gola! Sana mi ni vam hina tu, ndram nga d’i, wiyem nga d’uo mi na, gorom nga d’uo mi. Nga mi le sunda bei ara ba, nga mi hal ndjondjoîd’a burâ ki burâ, nga mi djop tam ala mam le sun ndata na ni yam nge ba, nga mi bur sen nduo ge? Ndata ni sun nda hawa yak ka tcho d’a kala.

Ma tchi wala 7:12

Ned’a ti nga d’i ngom sana d’igi beged’a ti ngom sana na; djivid’a a we ned’a, kayam ti nga d’i i suma nga ki sed’etna buruzi avogovogo.

Wana ni Zla d’a Djivi d’a Luc mi b’irita 10:42

Wani vama kal ahlena petna mi nga. Ni vama djivi ma Marie ti manama, ni vama sana ndak á hlum mbei abot tuo na.

Wana ni Zla d’a Djivi d’a Luc mi b’irita 12:20

Wani Alona mi dum ala: Ang ma lilid’a, kur andjege d’a wanda, ang mba mid’a. Ahle suma ang minizina, mba arî hi nge ge?

Filip-ma 3:8

An gol ahle ndazina pet ni d’igi vama hawana na, wani vama djivi ma kal tegles ma an halama ná we Jesus Christ Salana, mam ma an ar ahlena woi pet kama. An gol ahle ndazina pet ni d’igi siligitna na á fe Christ,