Zla d’a d’ogolâ 4:4 - Bible azumeina

⁴ Nga mi had’an mi dan ala: Ar ang ve zla manda kurungû, ang tit yam gat man nda tetenga. Hina wani, ang mba kak karid’a.

Zla d’a d’ogolâ 4:4 ပူးပေါင်းရင်းမြစ်များ

Ad’u Tinda 18:19

An manamu, kayam mam mba mi hat groma kandjavam á ngom vun ma he mana á tit yam d’ingêra ata lovod’od’u. Ni hina ba, an Ma didina mba ni ndak vun vun ma hle ma an hlumzina.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

Sawal la giled’a 119:11

An nga ni ngom zla manga kurun kayambala an le tchod’a avorong nguo d’a.

Sawal la giled’a 119:144

Vun mang ma hed’a ni ma d’ingêr ma didina. Ni kayam ndata ba, ang han d’alâ kua á kak ki iranu.

Sawal la giled’a 119:168

An nga ni ngom gat manga ki vun mang ma hed’a, kayam tit manda pet navorongû.

Zla d’a d’ogolâ 22:6

Ang tak gogorâ lovot ta mi ndak á tit kura, le mi djeng mamara pî, mba mi d’es sei kurut ti.

Zla d’a d’ogolâ 23:26

Gorona, ang han hurungû, ang hle ni balum asen mi.

Zla d’a d’ogolâ 3:1

Gorona, ang mar yam hat manda d’i, ang ngom vun man ma hed’a kurungû.

Zla d’a d’ogolâ 3:2

Kayam azi mba ing burung fiyaka, ang mba le bizad’a ablaud’a yam andagad’a ki b’leng nga halasa.

Zla d’a d’ogolâ 7:2

Ang ngom vun man ma hed’a kayam ang kak karid’a, ang ngom hat manda d’igi irang nga aduka na mi.

Isai 55:3

Agi tinigi humagiya, agi mbeyegi gevenu; agi humugiya, agi mba kagagi karid’a. An mba ni djin vun ma didina ki sed’egiya. Ni vun ma djin ma d’engzeng ma an djinim ki David-na.

Jeremi 38:20

Jeremi mi hulong dum ala: Azi mba hang abozi d’i. Ang hum dela hi Ma didina d’a an nga ni dangzid’a, va mba lang ngi, ang mba sud’a.

Jean 12:50

An we vun mam ma hed’a nari d’a didinda. Kayam ndata, zla d’a an nga ni data, an de ni d’igi Abun dan na mi.

Efes-sâ 6:4

Agi abuyod’a, ar agi djogi grogina ki zlad’a d’i, wani agi wuluzi akulo, agi gad’aziya, agi had’azi zlad’a hi Salad’id’a mi.

Gat ta a hat á mbàd’id’a 4:9

Moise mi dazi kua ala: Wani agi gologi tagi djivi burâ ki burâ kur kak magi d’a yam andagad’id’a tala ahle suma agi wagizi ki iragi pet wana, agi maragizi d’i, ar a buzuk kei kurugi d’uo mi d’a. Agi had’agizi mi grogina ki grogi ngolona mi.

Gat ta a hat á mbàd’id’a 6:6

Vun ma he ma an hangzi inina, ar mi kak kurungû.

2 Timote 1:5

An nga ni djib’er yam he gagazi d’a irat ta nga kurunga, ni d’a nga kur asung ngolo Lois kasung Eunis adjeud’a, an we gagazi ti nga kurung mi.

2 Timote 3:15

Kid’a ang gogora tua d’a, ang we mbaktumba hAlona d’a ndak á hang ned’a á ing kur suta yam gagazi d’a ang hat yam Jesus Christ-sa.

Hebre-na 5:9

Ata yima mi ndak memetna, mi mbut Sala sut ta didinda yam suma pet suma a nga ge yazi kä ad’uma.

Suma ka sariyad’a 13:12

Manowa mi dum ala: Djiviya! Fata zla manga ndaka, ni gad’a me ba, ami mba tit kat ke? Ami mba lami ni nana ki gor máma ge?