Zla d’a d’ogolâ 4:3 - Bible azumeina

³ Adjeu an ni gor ma abun le kan heîna, an ni ma gor ma abo asun van tuna.

Zla d’a d’ogolâ 4:3 ပူးပေါင်းရင်းမြစ်များ

1 Sunda Hamuleinid’a 22:5

David mi dala: Gorona Salomon mi ni gogorâ tua, mi ne nga d’uo tua mi, wani gong nga a mba minit mi Ma didinid’a, simiyêt mba mi nde yina ki subura yam andagad’a pet. Ni kayam ndata ba, an min minim ahlena kad’u. Ni hina ba, David mi min ahlena ngola avok mat mama.

1 Sunda Hamuleinid’a 29:1

Amulâ David mi de mablaud’a suma pet suma a nga ata yi mámina ala: Ni gorona Salomon ba, Alona mi manamu, wani mi ni gogorâ tua, mi ne nga d’uo tua mi, wani sun ndata ti kal ngola heî. Kayam gong nga djif fa a mba minit ndata nga ni mi sa d’i, wani ni mi Ma didina Alona.

1 Sunda Hamuleinid’a 3:5

Grom suma mi vud’uzi avo Jerusalem-ma ba wana: Samma, Sobap, Natan ki Salomon; azi zla tazi fid’i ni Batseba Amiyel goromba grotna.

Jeremi 10:23

Jeremi mi dala: Ma didina, an we sana mi ndak á tit memet ti, mi nga kad’enga á tak tam á tit kur lovot ta djivid’a d’uo mi.

Zakari 12:10

Ata yi máma an mba ni vo muzuk ma suma ma hud’a yam andjafâ hi David-na, yam suma Jerusalem-ma. Azi mba mbut irazi kanu, azi mba tchi hor ra sama a tchogoma d’igi a tchi horâ gor ma abo abum tuna na, a mba tchi tchi ma hat hurâ kam d’igi a tchi yam gor ma a vud’um avo’â na mi.

Romê-na 12:16

Ar agi kagagi ki djib’er ra tud’a aduk tagiya. Ar agi suburugi tagi d’i, wani ar agi tid’igi ni ki suma lulumana. Ar agi gologi tagi d’igi suma ned’a na d’i.