Zla d’a d’ogolâ 4:18 - Bible azumeina

¹⁸ Lovota hi suma d’ingêrîd’a ni d’igi b’od’a hi yima mi ngaï ad’um mbei fod’a ma nga mi i avogovok gak falei d’ad’arâ na.

Zla d’a d’ogolâ 4:18 ပူးပေါင်းရင်းမြစ်များ

2 Samuel 23:4

mi ni d’igi b’od’a hafat ta deî yorogod’a na, mi ni d’igi yorogo d’a bei d’ugula ka kua bad’a na, mi ni d’igi b’od’a hafat ta ti nde balum alo ma se d’a ar asu ma awilina mi deîd’a na.

Wana ni mbaktumba hi Job-pa 11:17

Kak mang nga yam andagad’id’a, mba d’i b’o kal afat ta falei d’ad’ara, yima nduvunda mba mi mbut ni d’igi b’o d’a yorogod’a na mi.

Wana ni mbaktumba hi Job-pa 17:9

Gagazi, sama d’ingêrâ mba mi tchol ngingring kur lovot mamba, sama abom nga mi do tchod’a d’uo na mba mi fad’enga kam kua kam kua.

Wana ni mbaktumba hi Job-pa 23:10

Wani mam we lovot ta an nga ni tit kuad’a. Fata mi kugunda, an mba ni nde woi yed’et d’igi lora na.

Sawal la giled’a 84:7

Ata yima azi nga kal kur hor ra Baka-d’ina, ti mbut hor ra djang mbina avoroziya, alo ma hod’ogeid’a mi mbud’ut ni yima a b’e vuna kama.

Sawal la giled’a 97:11

B’od’a nga d’i b’o yam suma d’ingêrâ; suma huruzi d’ingêra a nga le furîd’a mi.

Zla d’a d’ogolâ 13:9

Sama d’ingêrâ nga mi b’o ndinding d’igi b’od’a na, wani sama asa’atna mi ni d’igi lalam mba mit teid’a na.

Zla d’a d’ogolâ 15:24

Sama wad’ud’a mi hle ni lovot ta ari d’a i akulod’a á sut tam mbei ata yima azulei ma nga ad’u kä na.

Zla d’a d’ogolâ 2:20

Kayam ndata, ar ang hle ni lovota hi suma djivinid’a, ar ang tit ni kur lovota hi suma d’ingêrîd’a mi.

Zla d’a d’ogolâ 2:9

Ata yi máma ang mba we d’ingêra ki gagazid’a, ang mba we á lahle suma djivi suma lara ge pet mi.

Isai 26:7

Lovota hi suma d’ingêrîd’a, ti ni d’ingêr. Angî ma d’ingêrâ, ang nga blas lovota hi suma d’ingêrîd’a kä.

Daniel 12:3

Suma ned’a a mba b’o wile d’igi hur alona na, suma a mba hat suma ablaud’a d’ingêrina a mba wile d’igi tchitchiud’a na burâ ki burâ gak didin.

Wana ni mbaktumba hi Oze-d’a 6:3

Ei weya, ei halei lovota á we Ma didina, ei wei ala nga mi mba gagazi d’igi yima fod’a na, nga mi mba kei d’igi mbiyo ma hle yinina na, d’igi alo ma hod’ogei ma mi rap yam andagad’ina na.

Matiye 5:14

Agi ni d’igi b’od’a hi suma yam andagad’ina na. Azì ma ngol ma a minim yam ahinad’ina, mi ndak á vit ti.

Matiye 5:16

Ar b’o magid’a ti b’o woi avok suma, kayam a we sun magi d’a djivi d’a led’a, a subur Abugi ma sä akulona mi.

Matiye 5:45

Hina wani, agi mba mbud’ugi nAbugi ma sä akulona groma, kayam nga mi deî afata yam suma tchona, yam suma djivina mi, nga mi se alona yam suma djivina, yam suma tchona mi.

Jean 8:12

Jesus mi de mi Fariziyêna kua ala: An ni b’od’a hi suma kur duniyad’ina. Sama tit ad’una, mba mi tit kur nduvunda d’i, wani mba mi tit ni kur b’o manda.

2 Korente-na 3:18

Wani ei suma a yoi baru d’a ka ira woi ireina, ei nga golei subura hi Ma didinid’a, ni d’igi sana mi gol iram kur kotroma na. Muzu’â hi Ma didinina nga mi mbud’i dedege d’igi Ma didina na kur subura kam kua kam kua kala.

Filip-ma 2:15

kayam agi kagagi suma yed’etna bei zlad’a kagi ba Alona grom suma bei ndjendjed’a aduk suma tcho suma gun suma kur atchogoi d’a wandina. Ar agi kagagi adigazi d’igi b’od’a na kur duniyad’a

2 Pierre 1:19

Kayam ndata, ei tini huri memet yam zla d’a suma djok vun Alona a dat teid’a. Djivid’a agi vagizi kurugi d’igi lalam mba nga d’i b’o kur yima nduvundid’a na gak yina fo, ar avevel ma fo yina mi b’o kurugiya.

2 Pierre 3:18

Wani agi wulugi akulo kur sumad’a ki wed’a hi Salei ma suta Jesus Christ-sa. Ar ei suburizi ki tchetchemba gak didin. Amin!

Vama ndum mbeina 21:23

Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.

Suma ka sariyad’a 5:31

Ma didina, ar mang suma djangûna a dap pei pet, ar suma a le kangâ a wile d’igi afata ti deî ki wile mata na! Bugol ahle ndazina, ambasa ti kak ki halasa gak bizad’a dok fid’i.