Zla d’a d’ogolâ 3:2 - Bible azumeina

² Kayam azi mba ing burung fiyaka, ang mba le bizad’a ablaud’a yam andagad’a ki b’leng nga halasa.

Zla d’a d’ogolâ 3:2 ပူးပေါင်းရင်းမြစ်များ

1 Amuleina 3:14

Wani le ang nga le min manda, ang nga ge yang kä ad’u gat manda ki vun man ma hed’a d’igi abung David na ni, an mba ni ing burung fiyaka.

Wana ni mbaktumba hi Job-pa 5:26

Ang mba i azulei kä ni ki mamara kikra d’igi a yo mbugulu d’a nga molid’a ata yat ma ndak á yod’a woina na.

Sawal la giled’a 119:165

Suma huruzi ve gat mangina a mba kak ki halasa ngola; vama dabazi asezi nga d’uo mi.

Sawal la giled’a 128:6

ang mba we grongâ grozina mi. Ar ang mba ki b’leng nga halasa yam Israel-lâ.

Sawal la giled’a 21:4

Ang d’ugulom wa, ang b’e wa vun ma djivi ma kal teglesâ kamu, ang kulubum wa avaval la lor ra kal teglesa kam mi.

Sawal la giled’a 91:16

An mba ni hum burum fiyaka, mba mi kak yam andagad’a tatâ, an mba ni tagam sut manda mi.

Zla d’a d’ogolâ 10:27

Suma a le mandara Ma didinina a mba te tatâ, wani suma asa’atna a mba ar buruzi avoroziya.

Zla d’a d’ogolâ 16:31

Abusa navaval la subura, ni kur tit ta d’ingêra ba, sana mi fad’u.

Zla d’a d’ogolâ 4:10

Gorona, ang huma, ang ve zla manda. Hina wani, ang mba le bizad’a ablaud’a yam andagad’a.

Zla d’a d’ogolâ 4:4

Nga mi had’an mi dan ala: Ar ang ve zla manda kurungû, ang tit yam gat man nda tetenga. Hina wani, ang mba kak karid’a.

Zla d’a d’ogolâ 9:11

Ni kayam an ned’a ba, burung mba mi i avogovogo, bizang mba d’i i avogovok mi.

Isai 32:17

D’ingêra mba d’i mba ki halasa, ti mba d’i mba ki tchugota ki tuk tad’a gak didin mi.

Romê-na 14:17

Kayam leud’a hAlonid’a nga ni yam vama te d’oze vama tche d’uo mi, wani ni d’ingêra, b’leng nga halasa ki furî d’a Muzuk ma bei tchod’a ba na mi heizid’a.

Romê-na 15:13

Ar Alo ma tin hurâ tcholï atama mi oyôgi ki furîd’a ki b’leng nga halasa kur he gagazi magi d’a agi hat kamba. Hina wani, hur ma tin magina mba mi i avogovok yam ad’enga hi Muzuk ma bei tchod’a ba nid’a.

Romê-na 5:1

Kayam ei mbud’i suma d’ingêrâ avok Alona ni yam he gagazid’a, ki tchetchemba, ei nga ki b’leng nga halasa zlapa ki mam yam Saleina Jesus Christ.

Gat ta a hat á mbàd’id’a 11:21

Hina wani, agi ki grogina mba tagi tatâ d’igi akulod’a ti nga kaka tatâ akulo yam andagad’a na, yam andaga d’a Ma didina mi gun tam kat mabuyogi ngolo á hazizid’a.

Gat ta a hat á mbàd’id’a 5:32

Agi ngomogiziya, agi tid’igi yam vama Ma didina Alo magina mi hagi vuna kama. Agi d’ezegi woi abo ma ndjuf fuo mi na, abo ma gula d’uo mi.

1 Timote 4:8

Sun nda teteng nga yam hliu tad’id’a, djivi mata nakid’eid’a. Wani sun nda le d’a kur lovota hAlonid’a djivi mata ti kal ngola, kayam vun ma hled’a nga kua yam ari d’a tchetchemba ki d’a nga d’i mbad’a mi.