Zla d’a d’ogolâ 3:10 - Bible azumeina

¹⁰ Hina wani, avurei mangâ a mba oî kawuna, agolongeî mangâ a mba oî ki süm guguzlu d’a awilid’a, mba d’i sulul kä woi mbumbû mi.

Zla d’a d’ogolâ 3:10 ပူးပေါင်းရင်းမြစ်များ

2 Sunda Hamuleinid’a 31:10

Ata yi máma ma ngol ma ngat buzuna Azariya ma ad’u andjafâ hi Sado’â mi hulong dum ala: Kid’a a tinï ad’ud’a á mba kahlena kur gong nga kud’ora hi Ma didinid’a deid’a, ami nga tamiya, ami nga hobomiya, ad’uzi ti ar mola didivir wana, kayam Ma didina mi b’e vunam yam sum mama. Gola! Ahle suma didivir ndazina, ad’uzi d’a ar molid’a ba wana!

2 Sunda Hamuleinid’a 31:21

Kur sun nda lara ge pet ta mam lat yam gong nga kud’ora hAlonid’id’a, mi lat ni ki ge yamba kä yam gat mamba ki vun mam ma hed’a, mi he tam á we minda hAlonid’a mi. Mi lazi hina pet ni ki hur ma tuna, mi fe djivid’a kua mi.

Sawal la giled’a 144:13

Ar avurei mamina a oyâ, a sulul kä woi avunazi mbûmbû kandjaf awu ma lara ge pet. Ar d’uwar mami ma gureina mi zul dubu dubu, mi zul dudubud’a dogo kel aziyami mi.

Zla d’a d’ogolâ 19:17

Sama nga mi we hohowa sama kid’akina, mi tin ni balâ yam Ma didina, mam mi Ma mba mi wuragam yam sun mambina.

Zla d’a d’ogolâ 22:9

Sama nga mi le suma djivid’ina, a mba b’e vuna kamu, kayam nga mi he te mama mi suma kid’aka.

Joel 2:24

Yima to awuna mba mi oî kawuna, zul la miret guguzlud’a mba d’i oî ki süm guguzlu d’a awilid’a ki mbulâ, a mba sulul kä woi mi.

Wana ni mbaktumba hi Aze-d’a 2:19

Na ni awu nga kä kur avurei magina d’ei zu? Guguzlud’a, tuluma, agu grenatna kagu olifâ pî, a vut nga d’i, wani kur bur ma inina an nga ni b’e vunan ndei kagiya.

Matiye 10:42

Sama lara pî ma he mbiyo ma b’lengâ kur kopma mi ma gor ma aduk man suma hatina kayambala mam ni man ma hata d’a ni, gagazi, an nga ni dagiya, Alona mba mi wuragamu.

Gat ta a hat á mbàd’id’a 14:29

Ma hi Levi ma nga ki b’raud’a d’oze djo ma te ki sed’egi d’uo na, angeina, ma hokuyod’a, katcha d’a modonod’a suma a mba kak avo hatagina, a mba mba, a tumu, a hoba, kayambala Ma didina Alo magina mi b’e vunam kagi kur sun nda lara ge pet ta agi mba lat kabogid’a d’a.

Gat ta a hat á mbàd’id’a 28:8

Ma didina mi b’e vunam yam ahle suma kur avurei maginina, mba mi b’e vunam kagi kur sun nda lara ge pet ta agi mba lagizi kabogid’a, mba mi b’e vunam kagi kur ambas sa mam nga mi hagizid’a mi.