Zla d’a d’ogolâ 27:9 - Bible azumeina

⁹ Mbulâ ki mbul ma his ma afufuîna, a nga le sana tam djivid’a; d’al ma banangâ mi dangzi ki hur ma tunina, mi lang tang djivid’a kal ma ang ngam kurung katang vangâ.

Zla d’a d’ogolâ 27:9 ပူးပေါင်းရင်းမြစ်များ

1 Amuleina 1:12

Wani ki tchetchemba, an nga ni dak d’alâ: Ndak le vumu ni, ndak mba sut tak ki goro’â Salomon mi.

Sawal la giled’a 104:15

Ang hazi süm guguzlud’a kayam mi lazi tazi djivid’a, ang hazi mbulâ kayam tazi d’i mbut aklongîd’id’a, ang hazi avuna kayam azi fad’enga mi.

Sawal la giled’a 133:2

Ni d’igi mbul ma djivi ma kal tegles ma a vom yam Aron mi djang kä dudumam mi kal kä kel baru mambina na.

Sawal la giled’a 141:5

Ar sama d’ingêrâ mi tonu, ni vama djivina kanu. Ar mi ngobonu, wana ni mbul ma vondji kana. An mba ni fut yan ndei d’i, wani tchen manda mba d’i tchol akulo á kak djangûna ki suma murud’umba.

Sawal la giled’a 23:5

Ang nga minin te mana kä avoron ir man suma djangûna. Ang b’e vunang kanu; angot man nda tche mbina ti oî nga d’i sulul kä woyo.

Zla d’a d’ogolâ 15:23

Sana nga mi le furîd’a yam zla d’a de d’a djivi d’a mam hulongôt de d’a ki vunamba. Ni vama djivi ma kalâ ata yima sana mi de zlad’a ata yatna.

Zla d’a d’ogolâ 16:21

Sama ned’a a nga yum ala sama wad’ud’a, zla d’a djivi d’a nga d’i ndavun sanid’a nga d’i i ki wed’a avogovogo.

Zla d’a d’ogolâ 7:17

An yam wa mbul mirâ, mbul alowena ki mbul sinamoma yam azang mana.

Sawal la kal teglesa 1:3

Mbul mang ma his ma afufuî ma tetengâ, mi his djivid’a; simiyêngî d’igi mbul ma his ma afufuî ma nga mi b’rau woi ata yinina na mi. Kayam ndata, gro yuguneina a nga le kangû!

Sawal la kal teglesa 3:6

Ti dala: Ni nge mi djï hur fulâ d’igi andos ma pat akulona na, d’igi hisâ hi mirâ ki mbul ma his ma afufuî ma lara ge ma hi suma mbut abozina na ge?

Sawal la kal teglesa 4:10

Aman nda hurun vak heîd’a, o maka djivid’a heî, o maka kal süm guguzlud’a woi dei, hisâ hi mbul ma ata’â, mi kal hisâ hi mbul ma his ma afufuî ma dingâ pet mi.

Jean 12:3

Marie ti hle mbul nar ma d’igila hirwiling ma his ma afufuî ma guzum kal teglesâ ndak nus kilona, ti vom yam asem Jesus, ti sed’emzi woi ki tumus sa kata. Hur azina b’ik kä ki his ma afufuîna b’ib’ik.

Sunda hi suma a sunuzinid’a 28:15

Kid’a b’oziyoi suma kur azì ma ngol ma Rom-ma a humumi zlamid’id’a, a tcholï dei gak a mba d’ugulomi ad’u Suk ma Apiyus-sâ, avun Gong nga akoi d’a hindid’a. Kid’a Paul mi we sum ndazina, mi le mersi mAlona, hurum b’lengâ.

Suma ka sariyad’a 9:9

Wani agu olifâ mi dazi ala: An ni ar mbulun ma a he ki ngola mAlona ki sumina woi ta ba, ni i talal akulo yam agu ma dingâ zu?