Zla d’a d’ogolâ 18:1 - Bible azumeina

¹ Sama nga mi zlap ki ndram mbuo na, mi halî djivi mamba tata. Hurum nga mi zal yam zla d’a irat ta lara ge pet mi.

Zla d’a d’ogolâ 18:1 ပူးပေါင်းရင်းမြစ်များ

Zla d’a d’ogolâ 20:3

Sama mi wal tam mbei ki huneîd’ina, suma a mba hum ngola. Wani sama lili ma lara ge pî, mi tcholot nakulo.

Jeremi 15:17

An kak nga aduk toka hi suma las suma á san ki sed’ezi d’i. Kayam ad’eng manga, an kak kei van tu, kayam ang oyôn kayî mangâ.

Zla d’a d’ogolâ 24:21

Gorona, ang le mandara Ma didina kamulâ. Ar ang zlap tang ki suma a hal huneîd’a heîna d’i.

Jude 1:19

Azi ni suma wal suma, azi ni suma a le minda hi hliu tad’ina, a nga ki Muzu’â hAlonina d’uo mi.

Marik 1:35

Ki pipir ra yina nga bei fod’a tua d’a, Jesus mi tchol ndabua, mi i abagei ata yima sa nga kua d’uo na. Ata yi máma, nga mi tchen Alona.

Zla d’a d’ogolâ 14:10

Sana mi we vama b’lagam hurum krovona ni mamu, sama ding nga mi b’rau furî mamba ki sed’em mbuo mi.

Matiye 13:44

Jesus mi had’azi kua ala: Leu d’a akulod’a ti hle tat ni d’igi vama djivi ma nga ngeid’a kä kur asinenina na. Sana mi wumu, mi hulong mi ngeyem kä, kayam mi nga mi le furîd’a kamu. Mi iya, mi gus ahligiyem mbei pet, mi i gus asine máma.

Zla d’a d’ogolâ 26:17

Sama mi hak tam aduk huneî d’a ndolom nga d’uo d’a, mi ni d’igi sama mi vädina ki humama na.

Buzuk ka Abud’a 33:16

Le ang i nga ki sed’emi d’uo ni, ni nana ba, a mba wala ang wan hohowon ki sum mangâ ge? Ni tit ta ang tit ki sed’emid’a ba, a mba wala ang tinimi irami vami woi ki suma yam andagad’ina d’uo zu?

Zla d’a d’ogolâ 20:19

Sama mi ka ad’u sumina mi ge ni zla d’a mudurid’a ad’ut teyo. Ang wal tang ngei ki sama vunam afefeta á de zlad’ina.

Zla d’a d’ogolâ 17:14

Tin ad’u yalâ ni d’igi ang ngo ni ir mbina kä woi na; kayam ndata, ang hut tang ngei avok ka bei huneîd’a tchola.

Romê-na 1:1

Ni an Paul azongâ hi Jesus Christ ma Alona mi yan mi mbud’un ma a sunuma ata yima mi manan á tchi wal Zla mam mba Djivid’ina.

Marik 4:11

Mi dazi ala: Kayam agiya, Alona mi hagi ned’a á wäd’u zla d’a mudurid’a hi leu mambid’a. Wani kayam suma hiuna, an nga ni dazi zlad’a ni ki d’ogolâ.

Matiye 13:11

Mi hulong dazi ala: Alona mi hagi wad’ud’a á we zla d’a mudurid’a yam leu d’a akulod’id’a, wani mi hazizi nga mi azi d’i.

2 Korente-na 6:17

Kayam ndata, Ma didina mi dala: Ar agi buzugugi woi adigaziya, ar agi walagi woi ki sed’ezi mi. Ar agi dogi vama ndjendjed’a d’i; hina wani, an mba ni vagi atanu.

Zakari 7:3

á djop suma ngat buzuna ki suma djok vuna ala: Na ni ami tchimi d’elemi tami bei te tena kur til ma vahlâ baba d’igi ami nga lami avok dei hina zu?

Zla d’a d’ogolâ 3:21

Gorona, ar ang ngom zla d’a irata ki djib’era, ar a wal lei ki sed’eng ngi.

Zla d’a d’ogolâ 8:14

D’alâ ki zla d’a irata a ni mana, an ni wad’ud’a, ad’enga ni manda.

Gat ta a hat á mbàd’id’a 14:6

Azurei suma abozi mi graka suma a gihl hatnina pet, agi mud’uziya.