Zla d’a d’ogolâ 15:1 - Bible azumeina

¹ Zla d’a a hulongôt ded’a ki del la djivid’id’a, ti ve vun ayîna kä, wani zla d’a de d’a tchod’a ti tcholî ayîna akulo.

Zla d’a d’ogolâ 15:1 ပူးပေါင်းရင်းမြစ်များ

Zla d’a d’ogolâ 25:15

Ve ta d’a tatâd’a ti ndak á kus yam ma ka sariyad’a, zla d’a de d’a lulumad’a ti ndak á kus sama mi tchol ad’enga ngingringâ tam d’ad’ameî mi.

Zla d’a d’ogolâ 10:12

D’ugura nga d’i tchol ki huneîd’a aduk suma, wani od’a nga d’i zlup yam tcho d’a lara ge pet mi.

Zla d’a d’ogolâ 15:18

Sama ayîna heîna nga mi tchol ki huneîd’a, wani sama le lilinga nga mi ve vun huneîd’a kä.

Zla d’a d’ogolâ 29:22

Sama ayîna heîna nga mi djiu huneîd’a akulo, sama hurum zal atogo heîna nga mi le tchod’a ngola mi.

Zla d’a d’ogolâ 28:25

Sama gol tam ala mam mi va na, nga mi djiu huneîd’a akulo, wani sama mi tin hurum yam Ma didinina mba mi kak kur duzîd’a.

2 Samuel 19:43

Israel-lâ a de mi suma Juda-na ala: Amulâ David ni mamina kalagi agiya, kayam mam naduk andjaf mami ma dogona. Ni kayam me ba, agi golomi is ke? Ni ami ba, dami avok yam zla d’a ala: Ei hulongî amulâ avo d’a d’uo zu? Wani suma Juda-na a de zlad’a ki hur ma zala kal Israel-lâ.

1 Amuleina 12:7

Suma nglo ndazina a hulong dum ala: Ini le ang min mbut ma sunda hi sum ndazina, le ang hazi vama azi minima, le ang hulongôzi zla d’a ded’a ki deleng nga djivid’a ni, azi mba arî azungeî mangâ ki irazi fafat.

2 Sunda Hamuleinid’a 10:7

Suma nglo ndazina a hulong dum ala: Le ang min kak ki sum ndazina ki djivid’a, le ang vazi atang ki djivid’a, le ang dazi zlad’a ki deleng nga djivid’a ni, azi mba arî azungeî mangâ ki irazi fafat.

Wana ni mbaktumba hi Job-pa 41:3

An nga ni ba bei de zlad’a yam ir hliwim mboze sib’ik mamba ki djif mama d’uo mi.

Zla d’a d’ogolâ 29:8

Suma las suma a nga do akud’a hur azì ma ngolâ, wani suma ned’a a nga ve vun ayîna kä.

Sunda hi suma a sunuzinid’a 19:41

Kid’a mi de hina dad’a, mi ar suma toka a iya.