Zla d’a d’ogolâ 13:2 - Bible azumeina

² Ni zla d’a ndavun sanid’a ba, mi te ki djivid’a, wani suma mbut ira a hat huruzi ni yam murud’um mba led’a.

Zla d’a d’ogolâ 13:2 ပူးပေါင်းရင်းမြစ်များ

Sawal la giled’a 140:11

Ar gordjona mi tchuk kaziya, ar a tchuguzi aduk akud’a, ar a tchuguzi kur zul la yiyik ka azi ndak á buzuk kei kur ruo d’a.

Sawal la giled’a 75:8

Kayam Alona ni ma ka sariyad’a; nga mi ge sana yam kä, nga mi hle sana yam akulo mi.

Zla d’a d’ogolâ 1:18

Wani azi nga gun dauna kä ni kazi azi tazid’a, vun ma azi ndjagama mba mi hulong kazi mi.

Zla d’a d’ogolâ 1:31

Kayam ndata, agi mba tagi vud’a sun magid’a, agi mba hobogi ki ndjak vun magina tamba mi.

Zla d’a d’ogolâ 10:11

Zla d’a ndavun suma d’ingêrîd’a ni sidei arid’a, wani zla d’a ndavun suma asa’atnid’a ni murud’umba.

Zla d’a d’ogolâ 11:23

Minda hi sama d’ingêrîd’a ni djivi d’a led’a hol, wani hur ma tinda hi suma asa’atnina nayî ma led’a.

Zla d’a d’ogolâ 12:14

Sana mi fe djivid’a ni yam zla d’a de d’a ndavunamba, nge nge pî nga mi fe wuraka ni yam sun nda mi lat kabomba.

Zla d’a d’ogolâ 18:20

Sana mi hop hurumî ki zla d’a ndavunamba, ni zla d’a mam data ba, mi hop ki hayamu.

Zla d’a d’ogolâ 18:21

Matna ki arid’a a nad’u ad’enga hi sindid’a, sama mi le katna mba mi fe wurak mata.

Zla d’a d’ogolâ 4:17

Kayam sun nda asa’ata ni te mazina, murud’umba ni süm mazi ma tched’a mi.

Wana ni mbaktumba hi Oze-d’a 10:13

Wani agi zaragi ni tchod’a, agi dud’ugi ni sun nda d’ingêr ruo d’a, agi tagi vud’a zla d’a kad’a. Agi tinigi hurugi ni yam pus magi ma dur ayîna, yam ablaud’a hi azigar maginid’a mi.

Habakuk 2:17

Kayam ang ka agu d’a Liban-nda woyo, ki tchetchemba, Alona mba mi kang ngei mi. Ang tchazi d’uwar mazina, Alona mba mi tchang mangâ mi; kayam ang tchi suma, ang b’lak ambasa kazì ma nglona ki suma kuruma mi.

Habakuk 2:8

Kayam ang hurum andjaf suma ablaud’a heî, ad’uzi d’a ar pet wanda a mba hurumung ang mi. Ni kayam tchi d’a ang tchi sumid’a, ni kayam b’lak ka ang b’lak ambasa kazì ma ngolâ ki suma a nga kuruma mi d’a.

Vama ndum mbeina 16:6

Kayam azi tchi sum mangâ azi ki mang suma djok vuna woyo, ni kayam ndata ba, ang hazi buzuna á tched’a wana, azi ndak kayam ndata mi.