Zla d’a d’ogolâ 12:2 - Bible azumeina

² Sama djivina, Ma didina nga mi wum hohowomu, wani Ma didina nga mi ka sariyad’a yam sama mi nga ki djib’er ra tchod’a kuruma.

Zla d’a d’ogolâ 12:2 ပူးပေါင်းရင်းမြစ်များ

2 Samuel 15:3

Gola! Zla manga ti djivid’a, ti d’ingêr mi. Wani sama avo hamulâ ma humung zla mangina nga d’i.

Sawal la giled’a 112:5

Sama nga mi we hohowa suma, nga mi hazi balâ, nga mi le sun mamba ata lovod’ot na, nga mi le ni sun nda djivid’a.

Sawal la giled’a 9:15

kayam an i tagang subur manga woi kua pet avok suma Siyon-na tala an le furîd’a yam sut manga d’a.

Zla d’a d’ogolâ 1:31

Kayam ndata, agi mba tagi vud’a sun magid’a, agi mba hobogi ki ndjak vun magina tamba mi.

Zla d’a d’ogolâ 12:1

Sama mi min ala suma a ngobomu na, mi min ni wed’a, wani sama mi min ngopa d’uo na ni sama lilid’a.

Zla d’a d’ogolâ 14:17

Sama mi mbut ayîna atogo zaza’â mi le ni sun nda lilid’a, sama nga mi djib’er djib’er ra tchod’ina suma a nga noyôm mi.

Zla d’a d’ogolâ 14:22

Suma a nga djib’er á le tchod’ina a vit ni tazi woi d’uo zu? Suma a nga djib’er á le djivid’ina a le ni sun nda djivid’a ki gagazid’a.

Zla d’a d’ogolâ 3:4

Alona ki suma a mba yorongû, ang mba kak ki halasa ki sed’ezi mi.

Zla d’a d’ogolâ 6:18

djib’er ra lahle suma ata yazi d’uo nid’a, asem ma tin kä ta d’uo á le tchod’ina,

Zla d’a d’ogolâ 8:35

Kayam sama fana mi fe narid’a, Ma didina mba mi wum hohowom mi.

Ma tchi wala 8:8

Sana mi nga kad’enga á d’el simetna d’i. Hina mi, mi ndak á d’el tam bei matna d’uo mi. Ata yima ayî ma durâ mi nga na, sama mi prut tam mbeina mi nga d’i. Hina mi, asa’ata ti ndak á sut salat ma mi latna d’uo mi.

Sunda hi suma a sunuzinid’a 11:24

Mam mi sama djivina. Muzuk ma bei tchod’a ba na ki he gagazid’a a nga oîd’a kurum mi. Suma ablaud’a a mbut suma hi Salad’ina.

Romê-na 5:7

Nad’enga heî á sana mi mit yam sama d’ingêrâ. Dam, sama ding mba mi ve tam á mit yam sama djivina.