Zla d’a d’ogolâ 11:9 - Bible azumeina

⁹ Sama bei wAlona nga mi b’lak ndrama ki zla d’a de d’a avunamba, wani suma d’ingêrâ a nga prut tei ki we mazid’a.

Zla d’a d’ogolâ 11:9 ပူးပေါင်းရင်းမြစ်များ

1 Amuleina 22:6

Amul ma Israel-lâ mi tok mam suma djok vun Alona, a ni go kikis fid’i, mi djobozi ala: Na ni an i dur ayîna á hleï azì ma Ramot ma Galät-na d’oze an i d’uo zu? Azi dum ala: Ang iya. Ma didina mba mi hang azì máma abongû.

Wana ni mbaktumba hi Job-pa 34:30

tala sama tchona mi te yam suma d’oze mi mbut ni dau ma vik suma d’uo d’a mi.

Wana ni mbaktumba hi Job-pa 8:13

Wana ni dabid’a hi suma a mar yam Alonina pet. Tin hurâ hi suma tchonina mba mi dap pei mi.

Sawal la giled’a 55:12

Kurum krovo ni b’laka; zla d’a kad’a ki mbut ira a wal nga woi ki sed’em mbi.

Zla d’a d’ogolâ 11:6

D’ingêra hi suma d’ingêrîd’a nga d’i prud’uzi woyo, wani suma mbut ira a mba ve ki mbut ir mazid’a.

Zla d’a d’ogolâ 11:8

Sama d’ingêrâ mba mi prut tei kur ndaka, wani sama asa’atna mi vrak blangâmu.

Zla d’a d’ogolâ 16:29

Sama murud’umba mi mbut ir ndrama, mi tinim kur lovot ta tchod’a.

Matiye 7:15

Jesus mi had’azi kua ala: Agi gologi tagi djivi ki suma djok vun suma ka zla suma a nga mba atagi ki bak tumiyôna atazina, wani kuruzi krovo ni ngû ma ayîna.

Marik 13:14

Jesus mi had’azi kua ala: Ar sama ndumba mi wäd’u zla ndata djiviya. Wani fata agi mba wagi Vama ndjendje ma b’lak keina mi nga tchola ata yima mi ndak nga kam á tchola d’uo na, ata yi máma, ar suma kur Jude-na a ring ngei aduk ahuniyôna.

Sunda hi suma a sunuzinid’a 20:30

Suma a mba tchol nadigagi á hat hat ta tchod’a á tan suma a he gagazid’ina ad’uziya.

1 Jean 2:21

An b’irigi nala agi wagi nga gagazid’a d’uo na d’i, wani agi wad’u, agi wagi ala zla d’a kad’a nga ndeï kur gagazid’a d’i.

1 Jean 2:27

Christ mi vo Muzuk máma kagiya. D’igi Muzu’â nga kaka kurugi na, kid’ak magi d’ala sama dingâ mi had’agiya d’a ti nga d’i. Muzuk mama nga mi had’agi yam ahlena pet, ni zla d’a irat ta bei ka zla d’a ba d’a. Kayam ndata, agi gagi yagi kä ad’u hata hi Muzuk mamid’a, agi kagagi zlapa tu ki Christ mi.