Zla d’a d’ogolâ 10:4 - Bible azumeina

⁴ Sama nga mi le sunda ndjondjoîna mi mbut ni ma houd’a, wani suma a nga le sunda akud’a kekengâ a mbut ni suma ndjondjoîna mi.

Zla d’a d’ogolâ 10:4 ပူးပေါင်းရင်းမြစ်များ

Ad’u Tinda 26:32

Wani kur bur máma tamba azungeîna hi Isa’â a mba, a dum ala: Ami kami golonga, ami fami mbina da’.

Zla d’a d’ogolâ 10:5

Sama nga mi tok awuna awalina ni sama ned’a, wani sama nga mi bur sena ata yima fet awunina ni sama mi mba ki zulonina.

Zla d’a d’ogolâ 11:24

Sama nga mi he bei djib’era ba na, ahligiyem nga zul avogovok ngola, wani sama abom nga mi he woi d’uo na, mi mbut ni tam houd’a.

Zla d’a d’ogolâ 12:24

Suma a nga le sunda akud’a kekengâ, a mba te yam suma, wani suma a nga le sunda ndjondjôna a mba ka’î magumeina hi sumina mi.

Zla d’a d’ogolâ 12:27

Sama azulomba nga mi sor hliu mama dei d’i, wani vama djivi ma kal tegles ma yam sanina ni sun nda led’a.

Zla d’a d’ogolâ 13:4

Minda hi sama azulombid’a nga d’i mba ki va tu d’i, wani minda hi suma a le sunda akud’a kekengâ mba d’i mbazi ki duzîd’a.

Zla d’a d’ogolâ 18:9

Sama mi le sunda ndjondjôna ni sama b’lak yina wiyema.

Zla d’a d’ogolâ 19:15

Azulomba ti burî sana sena d’ad’ak, sama mi le sunda ndjondjôna, meid’a mba d’i tchumu.

Zla d’a d’ogolâ 19:24

Sama azulomba nga mi nik abom kä kur angota, wani nga mi hulongôm hled’a woi á im avunam mbi.

Zla d’a d’ogolâ 20:13

Le ang kal yang ki sen ma burâ ni, ang mba mbut sama houd’a, wani le ang bur sena djedjeged’a ni, ang mba hop ki tena.

Zla d’a d’ogolâ 20:4

Sama azulomba nga mi zum mbuo nabo ab’lenga, wani ata yima duta nga mi hala, nga mi fe va d’i.

Zla d’a d’ogolâ 21:5

Djib’era hi sama nga mi le sunda akud’a kekengâ, ti imî kur duzîd’a, wani sama nga mi latogo zazak bei djib’era ba na, mi i ni kur houd’a.

Ma tchi wala 10:18

Sama azulomba heîna, azid’a ti beu ni kam kä; sama mi min le sunda d’uo na, azid’a ti tchut ni kam mi.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

1 Korente-na 15:58

Kayam ndata, b’oziyon suma an le kagi heîna, agi tchologi ngingring bei gigeta ba. Agi igi avogovok kur sunda hi Salad’id’a, kayam agi wagi ala sun magi d’a yam Salad’id’a nga ni hawa d’i.