Zla d’a d’ogolâ 10:2 - Bible azumeina

² Ndjondjoî d’a a fat ki mbut irid’a zlat nga d’i, wani d’ingêra nga d’i prut sana woi avun matna.

Zla d’a d’ogolâ 10:2 ပူးပေါင်းရင်းမြစ်များ

Zla d’a d’ogolâ 11:4

Ndjondjoîd’a nga d’i le va ki sa kur bur ma ayîna d’i, wani d’ingêra nga d’i prut sana woi avun matna.

Zla d’a d’ogolâ 12:28

Tit ta d’ingêra ni lovot ta ing kur arid’id’a, wani tit ta batranga ni lovot ta ing kur matnid’a mi.

Zla d’a d’ogolâ 13:11

Ndjondjoî d’a a fat ki mbut irid’a, mba d’i feyâ, wani sama nga mi tok ahlena ndendena, mba mi i avogovogo.

Zla d’a d’ogolâ 21:6

Suma a nga fe ndjondjoîd’a ki mbut irina ni suma lili suma nga hal matnina.

Ezekiyel 7:19

A mba tchuk bege mazi d’a hapa woi ir palumba, lor mazid’a mba d’i mbut ni vama ndjendjed’a. Bege mazid’a ki lor mazid’a a mba ndak á sud’uzi woi kur bur ma ayîna hi Ma didinina d’i. A mba hobozi hayazi d’uo mi na, a mba ndagazi d’uo mi, kayam ni azi ba, a tchuguzi kur tcho d’a led’a.

Daniel 4:27

Ni kayam ndata ba, amulâ, ar ang ve d’al ma an nga ni dangzina, ang ar tcho manga ki tchila manga woyo, ar ang le sun nda d’ingêra, ang we hohowa suma hohoud’a. Hina wani, dam kak mang nga djivid’a mba d’i i avogovok kla!

Sofoni 1:18

Bege mazi d’a hap poze lor mazid’a mba d’i prud’uzi woi kur bur ma ayî ma bibiliuna hi Ma didinina d’i. Mba mi ngal andagad’a woi ki zla tat pet kayî mam ma aku ma bibiliuna. Ma didina mba mi b’lak suma yam andagad’a woi kur bur máma. Ni vama mandarâ!

Romê-na 2:5

Wani yam hur mang ma b’ala, yam bei mbut hur mang ma yam tchod’ina, ang nga to’î ayî ma ngolâ hAlonina kang kur bur ma Alona mba mi nde ayî mama ki sariya mam mba d’ingêra woina.

Romê-na 5:21

D’igi tchod’a ti te leud’a ni yam matna na, hina mi, sumad’a hAlonid’a nga d’i te leud’a ni yam d’ingêra á ï kur ari d’a didinda yam Jesus Christ Saleinid’a na mi.

Filip-ma 3:9

á fan zlapa tu ki mamu. Ni yam d’ingêr manda á ge yan kä ad’u gata d’i, wani ni yam d’ingêr ra an he gagazid’a yam Christ-sa. Ni d’ingêr ra tcholï ata Alona yam he gagazid’id’a.