Vama ndum mbeina 9:3 - Bible azumeina

³ Djera ti buzuk kei aduk andos máma, ti wet tei yam andagad’a. A hat ad’enga d’igi ad’enga hi hurd’ud’id’a na.

Vama ndum mbeina 9:3 ပူးပေါင်းရင်းမြစ်များ

1 Amuleina 12:11

Abun mi tinigi sun nda aneka kagi d’igi magumeina na, wani an mba ni tinigi sun nda aneka kagi kala! Abun mi togi ni ki blafâ, wani an mba ni togi ni ki blaf ma sinam mbàna!

2 Sunda Hamuleinid’a 10:11

Abun mi tinigi sun nda aneka kagi d’igi magumeina na, wani an mba ni tinigi sun nda aneka kagi kala! Abun mi togi ni ki blafâ, wani an mba ni togi ni ki blaf ma sinam mbàna!

2 Sunda Hamuleinid’a 10:14

Mi ve ni d’alâ hazungeînina, mi de mi sum ndazina ala: Abun mi tinigi sun nda aneka kagi d’igi magumeina na, wani an mba ni tinigi sun nda aneka kagi kala! Abun mi togi ni ki blafâ, wani an mba ni togi ni ki blaf ma sinam mbàna!

Isai 33:4

Agi andjaf suma, a mba b’lagagi ahle magi suma agi hurumuzina d’igi djera ti b’lak ahlena woi na. A mba b’at tazi kazi d’igi djera ti b’at tat á tahlena na mi.

Ezekiyel 2:6

Ang gor sana, ang le mandarâ abo zla mazi d’a ded’a d’i, kayam ang mba kak adigazi ni d’igi sana mi kak aduk kekerezeuna kaweid’a d’oze yam hurd’ud’a na. Wani ang le mandarâ abo zla mazi d’a ded’a d’i, ar vunadigang pat avorozi d’uo mi, kayam azi nandjaf ma bei hum vuna ba na.

Joel 1:4

Vama dodob’odjod’a ti arama, djera mba d’i tumu; vama djera ti arama, teb’rezena mba mi tumu; vama teb’rezena mi arama, djer galagana mba mi tum mi.

Joel 2:25

An mba ni wuragagi yam biza d’a dodob’odjod’a ki djera ki teb’rezena ki djer galagana suma an sunuzi á b’lagagi ahligiyegi woi kuad’a.

Nahum 3:15

Ata yi máma akud’a mba d’i ngalangû, mbigeu d’a fiyaka mba d’i kang ngeyo, a mba tang d’igi abureina a tahlena na. Ar sum mangâ a zul d’igi abureina na, ar a zul d’igi djera na mi.

Nahum 3:17

Mang suma nglona a ni d’igi djera na. Mang suma nglo suma avok sumina a ni d’igi aburei suma a kak hum azlupa ata yima ab’lengina na. Ata yima afata ti deîna, a pira; sa nga mi we yima azi i kuana d’i!

Wana ni Zla d’a Djivi d’a Luc mi b’irita 10:19

Gola! An hagi ad’enga á miret guguyona ki hurd’ud’a kä ad’u asegiya, á kal yam ad’enga hi ma djangûnid’a pet mi; vama mba mi lagi tchod’ina nga d’i.

Gat ta a hat á mbàd’id’a 8:15

Ni mam ma mi tid’ï ki sed’egi hur ful ma tcho ma duwak ma guguyo suma ayîna ki hurdud’a a nga kuana; ata yima ga’al ma bei mbina ba na, mi ndagi mbina ata ahina d’a ad’eng mata kal teglesa mi.

Vama ndum mbeina 9:5

Djer ndata a hat nga lovota á tchi suma d’i, wani ti lazi ni ndaka tilâ vahl. Te mat ma tazi tazina mi ni d’igi hurd’ud’a ti ge sanid’a na.

Vama ndum mbeina 9:7

Djer ndata ti hle tat ni d’igi akulumei suma a minizi á dur ayînina na, avaval la kazid’a ni d’igi avaval la lora na, irazi ni d’igi ir suma na mi.

Suma ka sariyad’a 7:12

Suma Madiyan-na, suma Amale’â ki suma pet suma a nga kaka abo ma yorogonina, a nga oîd’a kä kur hora ni d’igi djera na. Djambal mazid’a ti ndak nga á ndum mbi, ti ni ablaud’a d’igi les ma avun alum ma ngolîna na.