Vama ndum mbeina 9:20 - Bible azumeina

²⁰ Ad’u suma a ar bei tchid’a abo ahle suma hindi ndazinina, a mbut nga huruzi yam ahle suma azi tazi lazina d’i. A ar nga bei kud’or muzuk ma tchona ki filei ma a lum ki lora ki ma kawei ma hapmina ki ma kawei ma hleuna kahinad’a kagunina d’i. Nahle suma ndak nga á wed’a d’oze á humba d’oze á tita d’uo na.

Vama ndum mbeina 9:20 ပူးပေါင်းရင်းမြစ်များ

2 Amuleina 22:17

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

2 Sunda Hamuleinid’a 28:22

Amulâ Ahas kur ndaka hina pî, nga mi i avogovok ki sun nda ata yat tuo d’a avok Ma didina.

2 Sunda Hamuleinid’a 34:25

Kayam azi aran ndei a ngal dubang ma his djivid’ina malo ma dingâ á zalan hurun ki sun nda lara ge d’a azi lat kabozid’a. Kayam ndata, hurun zal ngola yam yima wana, hurun nga mi vat tei d’i.

Sawal la giled’a 106:37

Azi nga he grozi suma andjofâ ki suma aropma vama ngat buzuna mi fileina.

Isai 2:8

Fileina mi oî yam ambas mazid’a. Azi nga grif kä avok sun nda azi lat kabozid’a, avok vama azi minim ki tchitchid’azina.

Isai 41:7

Sama d’alâ nga mi had’enga mi ma yor ahlena, sama nga mi min ahlena kabo tchafina mi had’enga mi sama nga mi tum ahlena yam tchafina, nga mi de yam vama a djagama ala: Mi djak djivid’a heî, nga mi b’al filei máma kä ki pondena tala mi giget tuo d’a.

Jeremi 1:16

An mba ni kazi sariyad’a kazi yam asa’at mazid’a, kayam a aran ndei a ngal dubang ma his djivid’ina malo ma dingâ, a grif kä avok sun nda azi lat kabozid’a.

Jeremi 25:6

Ma didina mi dala: Le agi zlabagi nga kalo ma dingâ á lum sunda á kud’urom mbuo, le agi zalan nga hurun ki filei ma agi tched’em kabogina d’uo mi ni, an mba ni lagi vama tcho hina nde d’i.

Jeremi 44:8

Ni kayam me ba, agi zalan hurun ki sun nda agi lat kabogid’a á ngalagi dubang ma his djivid’ina malo ma ding ma yam ambas sa Ezipte d’a agi mba á kagagi kua á dabagi tagi woi á mbud’ugi tagi vama ge vuna ki vama zulona aduk andjaf suma yam andagad’ina ge?

Jeremi 5:3

Ma didina, ang halî d’engzenga d’uo zu? Ang toziya, wani a gol to ndata ni va d’i. Ang lazi á dabazi woyo, wani azi hum nga gat ndata d’i. A le yam mba ad’enga, a noî á hulongî gevengû.

Jeremi 51:17

Kayam ndata, suma pet a mbut ni suma yazi nga d’uo na abo we mamba. Suma yor lora pet a mbut zulona kangus ahle suma azi yorozina, kayam filei mazina ni filei ma ka zlad’a, nga mi muzuk kuo mi.

Daniel 5:23

Wani ang hle yang akulo avok Alo ma sä akulona, ang yo kop ma a tinim iram vam ma kur gong mam mba kud’orina, ang ki mang suma nglona, amiyôngâ kamiyông suma gureina, agi tchagi ki süm guguzlud’a. Bugola, ang gile alo ma a lumî ki kawei ma hapma, ki lora, ki ma kawei ma hleuna, ki ma kawei ma wurana, kaguna kahinad’a suma a nga we d’i, a nga hum mbi, a nga wad’ud’a d’uo mi na. Ang subur nga Alo ma muzuk manga ki sun mang nga led’a pet nga aboma d’i.

Daniel 5:4

Bugol la a tche süm guguzlud’a dad’a, a nde gile alo ma lora, ma kawei ma hapma, ma kawei ma hleuna, ma kawei ma wurana, ma aguna, ma ahinad’a mi.

Sunda hi suma hi Levi-nid’a 17:7

Ar azi ngat ahle mazi suma ngat buzuna mi filei ma mi hle tam dedege d’igi mbekmberena na na d’i. Ar azi mbut tazi ndjendjed’a ki sed’em mbi. Gat ndata ti arî gat ta didinda kazi kandjavaziya.

Mise 5:13

An mba ni kus agu ma agi pum malo d’a a yat ala Asera d’a na woyo, an mba ni b’lagagi azì magi ma nglona woyo.

Matiye 21:32

Kayam Jean ma le suma batemba mi mba atagi á tagagi lovot ta d’ingêra, wani agi hagi nga gagazid’a yam zla mamba d’i. Wani suma ve lombod’a azi karop suma gaulangâ a he gagazid’a yam zla mamba. Wani agi tagi wagi ahle ndazina hina pî, agi mbud’ugi nga hurugi á hagi gagazid’a yam zla mamba d’uo mi.

Sunda hi suma a sunuzinid’a 17:29

Le ei nAlona groma ni, ar ei djib’erei ala Alona ni d’igi filei ma lora d’oze ma kawei ma hapma d’oze ma ahina ma sana mi tched’em kur d’al mamina na d’i.

Sunda hi suma a sunuzinid’a 19:26

Agi wagiya, agi humugi mi, ni kur Efes hol li, wani ar go kur ambas sa Asi-d’a pet, Paul máma mi kal yam suma. Mi mbut hur suma kä ngola, nga mi dazi ala: Alo ma suma lum kabozina nalona d’i.

Sunda hi suma a sunuzinid’a 7:41

Kur bur máma a yor vama d’igi gor amuhlâ na na. A mba ki vama ngat buzuna mi filei máma, a le furîd’a yam sun nda a lat kabozid’a.

2 Korente-na 12:21

An nga ni le mandarâ ala fata an hulongza adigagid’a, Alo mana mba mi hulongôn yan kä kua avorogiya, an mba ni tchi yam ablau suma a le tchod’a adjeu a ar nga tcho mazid’a ki ndjendjed’a ki mizeuna ki gaulangâ woi d’uo na mi.

Gat ta a hat á mbàd’id’a 31:29

An we bugol mat mana, agi mba mbud’ugi ndjendjed’a, agi mba d’ezegi woi kur lovot ta an tagagizid’a. Ndaka mba d’i mba kagi kayam sun nda tcho d’a agi mba lat kabogi á b’lagagi hur Ma didina á zalam hurumba.

Gat ta a hat á mbàd’id’a 32:17

Azi nga ngat buzuna mi muzuk ma tcho ma fileina, malo mala nAlo ma gagazina d’uo na, malo ma a wum nga d’uo na, malo ma awili ma abuyozi ngolo a wum nga d’uo na mi.

Gat ta a hat á mbàd’id’a 4:28

Ata yi máma agi mba kud’urogi alo ma suma a lum kabozina, nala, aguna d’oze ahinad’a, nalo ma ndak á we d’oze á hum mboze á te va d’oze á his va d’uo na mi.

1 Timote 4:1

Wani Muzu’â hAlonina mi de woi pid’ak ala kur bur ma bugolâ suma dingâ a mba ar he gagazid’a woyo, a mba ge yazi kä ad’u suma lop suma ki hata hi suma a nga ki muzuk ma teteng ma tchona kuruzina.

Vama ndum mbeina 15:1

An we vama simat ma ding ma ngol ma atchapma sä akulo. Malaikana kid’iziya a nga ki tugud’ei d’a tchod’a kid’iziya aboziya. Ni tugud’ei d’a tcho d’a danan nda dap vun ayîna hAlonid’a.

Vama ndum mbeina 16:8

Malaika ma fid’ina, mi vo mama yam afata. Ni ma a hum ad’enga á ngal suma woi kakud’ina.

Vama ndum mbeina 9:19

Kayam akulumei ndazina ad’eng mazid’a navunazi kandjawazi mi. Andjawazi ni d’igi guguyona na. Azi nga ki yamba, ni d’a azi nga le ki suma tchod’id’a.

Vama ndum mbeina 9:21

Sum ndazina a mbut nga huruzi yam tchi mat mazina ki kum mazi ma ved’a ki mizeu mazina d’oze kul mazid’a d’i.