Vama ndum mbeina 9:1 - Bible azumeina

¹ Malaika ma vahlâ, mi bu adif mamba. An we tchitchiud’a tu ti ndeï kä yam andagad’a. A hat lakled’a hi zul la yiyika abod’u.

Vama ndum mbeina 9:1 ပူးပေါင်းရင်းမြစ်များ

Isai 14:12

Ang avevel ma fo yina, ni nana ba, a gangî kä woi ge? Ang ma kus yam andjaf sumina, a gangî kä woi andaga!

Wana ni Zla d’a Djivi d’a Luc mi b’irita 10:18

Mi hulong dazi ala: An we Seitan mi tcholï akulo, mi nde kä d’igi wiled’a na.

Wana ni Zla d’a Djivi d’a Luc mi b’irita 8:31

Azi tchen Jesus ki labiyad’a ala mi hazi vuna á i kur zul la nduvun nda i’îlika d’i.

Romê-na 10:7

D’oze ala: Ni nge mba mi surop kä kur zul la yiyika ge? (Nala, á tchol Christ akulo aduk suma matna.)

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.

Vama ndum mbeina 1:20

Ang we zla d’a mudurid’a hi tchitchiu d’a kid’iziya d’a ang wat abon ma ndjufâ kagu ma tin lalam mba lora kama kid’iziyad’a. Tchitchiu d’a kid’iziya ti ni malaika suma kid’iziya suma yam Tok ka kid’iziyad’ina; agu ma tin lalamba kam ma kid’iziyana mi ni Tok ka kid’iziyad’a mi.

Vama ndum mbeina 11:7

Fata azi dap wal mazi d’a tchid’id’a, amburâ mba mi ndeï woi kur zul la yiyikina mba mi dur ayîna ki sed’eziya, mba mi kus kaziya, mba mi tchazi mi.

Vama ndum mbeina 17:8

Ambur ma ang wum adjewe ki tchetchemba mi nga d’uo na, nga mi ndeï woi kur zul la yiyika á i kur ba mamba. Suma yam andagad’a suma a fazi nga simiyêzi b’ira kur mbaktum mba arid’a avok dei bei ad’u tinda hi duniyad’a d’uo na, a mba le atchap ata yima azi wambur mámina, kayam mi nga adjewe, ki tchetchemba mi nga d’i, wani mam mba mi ndeï woi kua d’ei.

Vama ndum mbeina 20:1

Bugola, an we malaikana mi tcholï akulo, mi tchuk asem kä. Lakled’a hi zul la yiyika ki kindjing ma ngolâ a nga abomu.

Vama ndum mbeina 20:10

Wani Diable ma lobozina, a gum kur apo d’a aku d’a bibiliu d’a ngal ki sufred’id’a ata yima ambur máma ki ma djok vun ma ka zlad’a a nga kuana. A mba djobozi vunazi andjege ki falei gak didin.

Vama ndum mbeina 6:13

Tchitchiud’a ti tchugï kä d’igi tulum ma simetna mi yagam kä woi bei ned’ina na.

Vama ndum mbeina 8:10

Malaika ma hindina, mi bu adif mamba. Tchitchiu d’a ngola ti tcholï akulo nga d’i ngal d’igi akud’a na. Ti ndeï kä yam alum ma a walam mbei aduk hindina abom ma tuna, yam mbiyo ma laud’a mi.

Vama ndum mbeina 8:12

Malaika ma fid’ina, mi bu adif mamba. A tum afat ta a walat aduk hindid’a abot ma tuna, a tum til ma a walam aduk hindina abom ma tuna, a tum tchitchiu d’a a walat aduk hindid’a abot ma tuna, kayambala abozi ma tutuna mi b’o d’uo d’a, falei d’a a walat aduk hindid’a abot ma tuna mi ba bei b’od’a d’a, andjege d’a a walat aduk hindid’a abot ma tuna mi le ni na mi.

Vama ndum mbeina 8:2

Ata yi máma, an we malaikana kid’iziya a nga tchola avok Alona. A hazi adifa kid’iziya mi.

Vama ndum mbeina 9:2

Ti mal vun zul la yiyika woyo. Andosâ mi buzuk kei kur zul ndata d’igi andosâ halamba ngolina na, afata ki simetna a mbut nduvunda abo andosâ hi zula ngol ndatina.