Vama ndum mbeina 8:7 - Bible azumeina

⁷ Malaika ma avo’â, mi bu adif mamba. Mogoina kakud’a gizeîd’a ki buzuna a tchugï kä yam andagad’a. Andaga d’a a walat tei aduk hindid’a abot ma tuna mi ngal leyo, agu ma yam andaga ma a walam mbei aduk hindina mi ngal leyo, asu ma ngloma pet mi ngal lei mi.

Vama ndum mbeina 8:7 ပူးပေါင်းရင်းမြစ်များ

Sawal la giled’a 105:32

Mi ar zla d’a mi sazi alona kazid’a ta, mi sazi ni mogoina kazi kaku d’a ngal bibiliud’a yam ambas mazid’a zang.

Buzuk ka Abud’a 9:33

Moise mi nde woi avo hi Faron bugol azina, mi yo abom akulo avok Ma didina. Alona mi ar bei breîd’a, mogoina ad’um ka, alona mi yo woi mi.

Isai 28:2

Gola! Sama ad’eng ma sib’ik ma Salad’a mi sunumina nga mi djïya. Mi ni d’igi alo ma se ki mogoinina na, mi ni d’igi babar ma ngol ma mi b’lak ahlenina na, mi ni d’igi alo ma mi se mbina heî ma hle yina d’igi toliyonda na na. Mam mba mi b’lak yam andagad’a woi kad’enga na mi.

Isai 29:6

Ma didin ma ad’engêm kal petna mba mi mba á ndjun kangî ki breîd’a halonid’a. Andagad’a mba d’i yir ki siwel la kal teglesa ki babar ma bibi’â ki sin aku d’a mba d’i ngal ahlena woid’a.

Isai 30:30

Ma didina mba mi de ki delem mba kal papad’a, mba mi tak abom ma zid’a woi zi á to ki suma kur ayî mam ma bibiliuna, aduk sin aku d’a nga d’i ngal yinid’a, aduk alo ma mi se ki babarâ ki mogoina mi na.

Isai 32:19

Wani mogoina mba mi kizak agud’a woi atogo zak, azì ma ngolâ mba mi feî mi.

Ezekiyel 38:22

An mba ni kang sariyad’a kang ki tugud’ei d’a tcho d’a tchi matna ki mat ma tchid’a mi. An mba ni salo ma kûkûna kang ki mogei ma nglona, zlapa kakud’a ki sufred’a yam andjaf suma ablau suma a nga zlapa ki sed’engâ mi.

Joel 2:30

An mba ni lahle suma atchapma kur akulod’a, kä yam andagad’a mi, nala, buzuna, akud’a kandos ma tchola gozongâ.

Jacques 1:11

Kayam afata ti deyâ, ayât mi nde kä, asuna mi so woyo, b’o mamba ti yak keyo, djif mama mi dap pei mi. Sama ndjondjoîna mba mi wal lei kahle mama ni hina mi.

Josue 10:11

Kid’a azi nga ring avok Israel-lâ a sulugot kä Bet-Horon-nda, Ma didina mi sazi mogoi ma nglona kazi ei akulo gak a mba Azeka; a bo ablaud’a. Suma a bo abo mogoinina ablaud’a kal suma Israel-lâ a tchazi ki mbigeu d’a fiyakina.

1 Pierre 1:24

D’igi mbaktumba hAlonid’a ti de na ala: Suma pet a ni d’igi asuna na, subur mazid’a ti ni d’igi b’od’a hasu ma abageinid’a na mi. Asuna mi so, b’o mamba ti yak keyo,

Vama ndum mbeina 12:4

Andjawam nga d’i tan tchitchiu d’a a walat aduk hindid’a abot ma tuna, nga d’i tchugut kä yam andagad’a. Mi nga tchola avok atcha d’a nga d’i vuta, kayam mi lik gor ma ndat nga d’i vud’uma.

Vama ndum mbeina 16:2

Malaika ma avo’â, mi vo mama yam andagad’a. Ata yi máma, ndod’i ma tcho ma bei tchila ba na, mi wet tei yam suma a nga ki nomrod’a hambur máma atazina ki suma a kud’or vama a yoromzina.

Vama ndum mbeina 16:21

Mogoi ma nglona mi tcholï akulo, nga mi yak kä yam suma. Anek mamba ni kilona dok fid’i. Suma a ngul Alona abo mogoi ma tcho mama kayam mi yagï kä ngola heî.

Vama ndum mbeina 6:8

An gola, an we akulum ma bolona. Ma nga kama a yum ala Matna. Yima azuleina nga mi tit blogomu. Andagad’a abot ma fid’ina, a hazi ad’enga yam abot ma tuna á tchi suma woi ki mbigeu d’a fiyaka ki baktarad’a ki tugud’eid’a kazurei suma ayî suma yam andagad’ina mi.

Vama ndum mbeina 7:1

Bugol ahle ndazina, an we malaikana fid’i a nga tchola ata andaga d’a kengêt ma fid’ina. Azi ve nga simet ma fid’i ma yam andagad’ina aboziya, kayam mi sir yam andagad’a d’oze yam alum ma ngolâ d’oze yam agu ma ding tu d’uo mi.

Vama ndum mbeina 9:15

Mi but malaika suma fid’i ndazina. A minizi wa yam ler ndata, yam bur máma, yam til máma, yam biza ndata mi, kayam azi tchi suma a walazi aduk hindina abozi ma tuna woyo.

Vama ndum mbeina 9:18

Ahle suma tcho suma hindi ndazina a tchi abo suma a walazi aduk hindina abozi ma tuna woi kakud’a kandosâ ki sufred’a suma a buzuk kei avun akulumeinina.

Vama ndum mbeina 9:4

A dat ala: Ndak te asuna d’oze aguna d’oze vama zar ma ding ngi, wani ndak ge ni suma a kazi nga geuna hAlonina avorozi d’uo na hol.