Vama ndum mbeina 8:11 - Bible azumeina

¹¹ Tchitchiu ndata, simiyêt ala Aglara. Mbiyo ma a walam mbei aduk hindina abom ma tuna mi mbut aglara, suma ablaud’a a bo kayam azi tche mbiyo máma, kayam mi mbut aglara.

Vama ndum mbeina 8:11 ပူးပေါင်းရင်းမြစ်များ

Buzuk ka Abud’a 15:23

Azi mbaza Mara, wani azi ndak á tche mbiyo ma Mara-na d’i, kayam ma aglara. Ni kayam ndata ba, a yum ala Mara ni na.

Zla d’a d’ogolâ 5:4

Wani dabid’a ti naglara d’igi bid’era na, ti te ni d’igi mbigeu d’a fiyak ka siyat mbàd’a na.

Jeremi 23:15

Ni kayam ndata ba, Ma didin ma ad’engêm kal petna mi de zlad’a yam suma djok vuna ala: Gola! An mba ni hazi te ma aglarâ, an mba ni hazi mbiyo ma tchi matna. Ni yam suma djok vun suma Jerusalem-ma ba, tchod’a ti b’rau woi kur ambas sa wana.

Jeremi 9:15

Kayam ndata, an Ma didin ma ad’engên kal petna, Alona hi Israel-lîna, nga ni he te ma aglarâ mi sum ndazina, an mba ni hazi mbiyo ma tchi matna á tched’a mi.

Hor ma tchina 3:19

Ata yima an djib’er yam hohou manda ki tcha man nda tatad’ina, an golozi ni d’igi vama aglarâ ki kuma ma tchi matna na mi.

Hor ma tchina 3:5

Mi nguyun kahle suma aglarâ ki ndaka d’igi sana mi ge gulumuna kam na.

Amos 5:7

Agi ni suma mbud’ugi zla d’a irata yat kä na, agi ni suma mired’egi d’ingêra kä andagana.

Amos 6:12

Akulumeina a ndak á djang akulo yam ahinad’a zu? Suma a ndak á zum akulo yam ahinad’a kamuzleina zu? Ni kayam me ba, agi mbud’ugi zla d’a irata d’igi kuma ma tchi matna na, agi mbud’ugi d’ingêra d’igi vama aglarâ na mi ge?

Zakari 13:8

Ma didina mi de kua ala: Andagad’a abot ma wal ad’u hindina abot ma mbàna suma kuruma a mba tchazi woyo, abot ma hindina suma kuruma a mba arî aziya.

Zakari 13:9

An mba ni tchuk suma kur abo ma hindi mámina akua, an mba ni yorozi d’igi a yor kawei ma hapma na, an mba ni kuguzi d’igi a kuk lora na, a mba tchenenu, an mba ni humuzi mi. An mba ni dala: Sum ndazina a ni sum mana; azi mba dala: Ma didina nAlo meina mi.

Gat ta a hat á mbàd’id’a 29:18

Ar sa adigagi mandjuf foze atcha d’oze andjaf foze ades mi ar Alo meina ini woi á hulong á kud’or alona handjaf sum ndazina d’i. Ar sa adigagi mi mbut d’igi sidei agu ma aglarâ na d’uo mi.

Hebre-na 12:15

Agi gologi tagi djiviya, sa mi kid’ak kei ata sumad’a hAlonid’a d’i. Ar sa mi tchol adigagi d’igi agu ma aglarâ na á djok suma ablaud’a ki tcho mamba d’i.

Vama ndum mbeina 12:4

Andjawam nga d’i tan tchitchiu d’a a walat aduk hindid’a abot ma tuna, nga d’i tchugut kä yam andagad’a. Mi nga tchola avok atcha d’a nga d’i vuta, kayam mi lik gor ma ndat nga d’i vud’uma.

Vama ndum mbeina 8:7

Malaika ma avo’â, mi bu adif mamba. Mogoina kakud’a gizeîd’a ki buzuna a tchugï kä yam andagad’a. Andaga d’a a walat tei aduk hindid’a abot ma tuna mi ngal leyo, agu ma yam andaga ma a walam mbei aduk hindina mi ngal leyo, asu ma ngloma pet mi ngal lei mi.

Vama ndum mbeina 9:15

Mi but malaika suma fid’i ndazina. A minizi wa yam ler ndata, yam bur máma, yam til máma, yam biza ndata mi, kayam azi tchi suma a walazi aduk hindina abozi ma tuna woyo.

Vama ndum mbeina 9:18

Ahle suma tcho suma hindi ndazina a tchi abo suma a walazi aduk hindina abozi ma tuna woi kakud’a kandosâ ki sufred’a suma a buzuk kei avun akulumeinina.

Wana ni mbaktum mba a b’irit yam Rut-ta 1:20

Ti dazi ala: Ar agi yan ala Naomi d’uo d’a, wani agi yan ala Mara, kayam nAlo ma ad’engêm kal petna ba, mi tinin hat hur ma ngolâ kanu.