Vama ndum mbeina 7:2 - Bible azumeina

² An we malaika ma dingâ mi djagï akulo abo ma yorogona, mi nga ki geuna hAlo ma arina abomu. Mi de ki delem akulo mi malaika suma fid’i suma a hazi ad’enga á b’lak andagad’a kalum ma ngolâ woina ala:

Vama ndum mbeina 7:2 ပူးပေါင်းရင်းမြစ်များ

2 Amuleina 19:4

Amul ma Asiri-na mi sunï mam ma avun ma ngolîna á ngul Alo ma bei matna. Dam Ma didina Alo mangâ mi hum wa ngul ndata pet, dam mba mi ngobom yam zla d’a mam humuta kla. Ki tchetchemba, ang tchen Ma didina yam mam suma a arâ.

Sawal la kal teglesa 8:6

Ang tinin kurung d’igi tampongâ na, ang tinin bigang d’igi tampongâ na mi, kayam od’a tad’enga d’igi matna na, yungôrâ mad’enga d’igi yima azuleina na mi. Vat mam mba dudunuka takud’a d’igi sin akud’a hi Ma didinid’a na.

Isai 41:2

Ni nge ba, mi tcholï ki ma abo ma yorogo ma ayî ma kusa nga mi tit blogoma ge? Ni nge ba, mi hum andjaf suma, mi hulongôm yam amuleina kä avorom ge? Mbigeu mam mba fiyaka ti mbud’uzi d’igi andaga d’a gugud’upa na, yeû mamba ti mbud’uzi d’igi kuza d’a simetna nga mi felet teid’a na.

Ezekiyel 9:4

Mi dum ala: Ang i kur azì ma ngol ma Jerusalem-ma pet, ang b’ir vama taka avor suma a nga hat huruzi suma a nga tchi yam ndjendje d’a lara ge pet ta suma a nga lat kurumba.

Malatchi 3:1

Ma didin ma ad’engêm kal petna mi dala: Agi gologiya! An mba ni sunï man ma sunda; mba mi min lovota avoronu. Ata yi máma na wat Salad’a ma agi nga halama, mba mi kal kur gong mam mba kud’ora; gola! Sama an sunumî yam vun ma djinda ma agi minima nga mi djïya.

Matiye 16:16

Simon Pierre mi hulong dum ala: Angî Mesi máma, Alo ma arina Goroma.

Matiye 26:63

Wani Jesus ngruf kiki. Ma ngol ma ngat buzuna mi dum kua ala: An gunung ki simiyê Alo ma arina, ang le ni Mesi Alona Goroma ni, ang damiya.

Jean 6:27

Ar agi lagi sunda yam te ma mba mi b’lak keina d’i, wani lagi sunda ni yam te ma ndak á hagi ari d’a didinda ma an Gor Sana mba ni hagizina, kayam Abun mi kan geuna.

2 Korente-na 1:22

Mi kei geuna ki simiyêmu, mi hei Muzuk mama kuri d’igi vama gap ma djivi ma mam nga mi ngomom keina na mi.

Efes-sâ 1:13

Wani kid’a agi humugi zla d’a gagazid’a nala Zla d’a Djivi d’a sud’ugid’a, agi hagi gagazid’a yam Christ. Kayam ndata, Alona mi kagi geuna ki Muzuk mam ma bei tchod’a ba ma mi hle vunam kama.

Efes-sâ 4:30

Ar agi b’lagagi hur Muzuk ma bei tchod’a ba na hAlonina d’i; ni mam ba, kagi ki geuna gak bur ma Alona mba mi yoi sä akulona.

Gat ta a hat á mbàd’id’a 5:26

Ni nge ba, yam tu mi hum del Alo ma arina aduk akud’a d’igi ei na, mi nga ki iram ge?

1 Tasaloni’â 1:9

Kayam azi tazi ki yazi a nga de zla ve d’a agi vami adigagid’a, ni nana ba, agi aragi fileina woi agi mbud’ugi hurugi mAlona á lagi sunda mAlo ma ari ma gagazina,

2 Timote 2:19

Wani ad’u ge d’a Alona mi gata, ti nga tchola ngingring. Zla mam mba a b’irit ki geunid’a ti dala: Salad’a mi we sum mama; a b’ir kua ala: Sama lara pî ma nga mi yi simiyê Salad’ina, ar mi wal lei ki tchod’a.

Hebre-na 12:22

Wani agi mbagi go ata ahina d’a Siyon-nda, nazina hAlo ma arina, ni Jerusalem mba akulod’a, ni yima malaika suma bubupma a nga kuana.

Vama ndum mbeina 1:3

Sama nga mi ndum mbaktum mba wanda azi ki suma a nga hum zla d’a tcholï avun Alona d’a suma a nga djogot teid’a suma a nga ge yazi kä ad’u vama a b’irim kur mbaktum mba wandina, a le furîd’a, kayam yima ngam yam ahle ndazinina mi ar wa go.

Vama ndum mbeina 10:1

An gol malaika ma ad’engâ mi tcholï akulo mi tchugï asem kä. D’ugula ti kulubumu, vir ma b’al alona mi nga kam mi. Iram mba gola ni d’igi afata na, asemî d’igi kawei ma murguli ma a gum aduk akud’ina na.

Vama ndum mbeina 10:4

Ata yima an hum breî d’a kid’iziyad’a halonid’ina, an min ala ni b’ir ahle ndazina. Wani an hum del la tcholï akulod’a ti dan ala: Ang ve breî d’a kid’iziya ndata kurungû, ang b’irit ti.

Vama ndum mbeina 16:12

Malaika ma karagayana, mi vo mama kur alum ma Efrat-na. Alum máma mi so woi á min lovota avok amulei suma a tcholï abo ma yorogonina.

Vama ndum mbeina 5:2

An we malaika ma ad’engâ nga mi tchi wala ki delem akulo ala: Ni nge ba, mi ndak á hô dubangâ woi á mal mbaktum ndata woi ge?

Vama ndum mbeina 8:3

Malaika ma dingâ mi mba, mi tchol nga ata yima ngal dubang ma his djivid’ina. Mi nga kangal la lora abomu. A hum dubang ma his djivid’ina ngola, kayam mi hum zlapa ki tchenda hi suma hAlonid’a pet ata yima ngal dubang ma his djivid’a ma lor ma nga avok zlam mba amulina.

Vama ndum mbeina 9:14

Del ndata ti de mi malaika ma karagaya ma nga kadifa aboma ala: Ang but malaika suma fid’i suma a nga djinda kä ki kindjingâ avun alum ma Efrat-nina akulo.

Vama ndum mbeina 9:4

A dat ala: Ndak te asuna d’oze aguna d’oze vama zar ma ding ngi, wani ndak ge ni suma a kazi nga geuna hAlonina avorozi d’uo na hol.

1 Samuel 17:26

David mi de mi azigar suma gevem go na ala: Sama tchi ma Filistê máma woi mi pat zulona woi yam Israel-lîna, mba lumî nana ge? Ma Filistê ma bei ngat bayâ máma ni nge ko ba, mi ngul b’ranga hAlo ma bei matnina na ge?

1 Samuel 17:36

Ni hina ba, an tchi azlona azi ki ursâ, an mba ni le ki ma Filistê ma bei ngat bayâ máma ni hina mi, kayam mam ngul b’ranga hAlo ma bei matnina.