Vama ndum mbeina 7:15 - Bible azumeina

¹⁵ Kayam ndata, azi nga tchola avok zlam mba amula hAlonid’a, a nga le sunda mAlona andjege ki falei kur gong mamba. Mam ma nga kaka yam zlam mba amulina mba mi tin iram kaziya, mba mi ngomozi mi.

Vama ndum mbeina 7:15 ပူးပေါင်းရင်းမြစ်များ

1 Amuleina 6:13

An mba ni kak kur gong nga wanda aduk Israel-lâ, an mba ni ar man suma Israel-lâ woi d’i.

1 Sunda Hamuleinid’a 23:25

Kayam David mi dala: Ma didina Alona hi Israel-lîna, mi he wa tuk tad’a mi sum mama, mba mi kak Jerusalem burâ ki burâ mi.

Buzuk ka Abud’a 29:45

An mba ni kak aduk Israel-lâ, an mba ni arî Alo mazina.

Ezekiyel 37:27

An mba ni min yan ma kaka nadigaziya. An mba ni ka’î Alo mazina, azi mba ka’î sum mana mi.

Sunda hi suma hi Levi-nid’a 26:11

An mba ni min yi man ma kaka adigagiya, an mba ni gologi d’igi vama ndjendjed’a na d’i.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

1 Korente-na 3:16

Agi wagi nga d’ala agi ni gong nga kud’ora hAlona d’a Muzuk mama nga kaka kuruta d’uo zu?

2 Korente-na 6:16

Na ni gong nga kud’ora hAlonid’a ti zlap darigïd’a ki gong nga tuwal fileina zu? Kayam ei tei ni gong nga kud’ora hAlo ma arinid’a, d’igi Alona tamba mi de na ala: An mba ni kak aduk sum mana, an mba ni tit adigazi mi. An mba ni ka’î Alo mazina, azi mba ka’î sum mana mi.

Hebre-na 12:2

Ei tini irei yam Jesus ma nad’u tinda hi he gagazi meid’a ma nga mi ndagat memetna. Ni ma ve tam kur ndaka ata agu ma b’alina, ni ma mi gol zulona ni va d’uo yam furî d’a sä avorombina. Ki tchetchemba, mi kak sä akulo ata bik ka ndjufa hi zlam mba amula hAlonid’a.

Hebre-na 8:1

Zla d’a kal papa d’a ami dagizid’a ba wana: Ei nga ki ma ngol ma ngat buzu ma i kak sä akulo ata bik ka ndjufa hi zlam mba amula hAlo ma ad’eng ma kal papanina.

Vama ndum mbeina 11:19

Ata yi máma, a mal vun gong nga kud’ora hAlona d’a akulod’a woyo, a we zanduk ma vun ma djinda hAlonina mi nga tinda kur gong mamba. Ata yi máma, alona mi wile, dela ti de zlad’a, alona mi breyâ, andagad’a ti yira, alona mi se mogoina ngola mi.

Vama ndum mbeina 13:6

Mi nde mi las Alona, nga mi ngulum simiyêm ki yi mam ma kaka ki suma sä kaka akulona pet mi.

Vama ndum mbeina 20:10

Wani Diable ma lobozina, a gum kur apo d’a aku d’a bibiliu d’a ngal ki sufred’id’a ata yima ambur máma ki ma djok vun ma ka zlad’a a nga kuana. A mba djobozi vunazi andjege ki falei gak didin.

Vama ndum mbeina 21:22

An we nga gong nga kud’ora hAlonid’a kur azì máma d’i, kayam Salad’a Alo ma ad’engêm kal petna azi ki Gor timina a ni gong mamba.

Vama ndum mbeina 22:3

A mba fe vama Alona mi gum vunina kua d’i. Zlam mba amula hAlona d’a hi Gor timinid’a ti mba d’i kak kua, azungeîna hAlonina a mba kud’uromu.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.

Vama ndum mbeina 4:4

Zlam mba amul ndata nga nguid’a ki zlam mba dinga dok mbà yam fid’i. Suma nglona dok mbà yam fid’i a nga kaka yam zlumiyô ndazina ki baru d’a hapa ataziya, avaval la lora nga kazi mi.

Vama ndum mbeina 4:8

Ahle suma ari suma fid’i ndazina, ma lara pî mi nga ki gigingâ karagaya karagaya, azi nga ki ira ata yima lara ge pet, krovo, abu mi. Andjege ki falei azi nga ar bei hle sawala ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna, ni Ma nga adjeu deina, ni Ma nga na, ni Ma nga mi mbana mi.

Vama ndum mbeina 4:9

Ata yima ahle suma ari suma fid’i ndazina a nga subur Alona, a nga lum ad’umu, a nga le mersi mi ma nga kaka yam zlam mba amula ma nga kaka gak didina,

Vama ndum mbeina 7:9

Bugol ahle ndazina, an wablau suma mimiyâ’â a nga toka, ni suma sana mi ndak á ndumuzi d’uo na. Azi nad’u andjaf ma yam andagad’ina pet, nad’u andjafâ hi sumina pet ki suma pet ki vun ma ded’a pet. Azi nga tchola avok zlam mba amula, avok Gor timina mi, a tchuk baru d’a fiyak ka hapa ataziya, ki hum tumura abozi mi.