Vama ndum mbeina 7:14 - Bible azumeina

¹⁴ An hulong dum ala: Salana, ang ba we. Mi dan ala: Azi ni suma a buzuk kei kur djop vun ma ngolâ, azi ni suma mbus baru mazi d’a fiyaka woi a mbud’ut hapa ki buzuna hi Gor timinina.

Vama ndum mbeina 7:14 ပူးပေါင်းရင်းမြစ်များ

Wana ni mbaktumba hi Job-pa 11:16

Ang mba mar rei yam ndak manga d’igi sana mi mar rei yam mbiyo ma djang ngeina na.

Buzuk ka Abud’a 37:3

Mi yor b’alang ma lora fid’i, mi nigim ata kengêm ma fid’ina, mbà abo hî, mbà abo hî mi.

Isai 1:18

Ma didina mi dala: Mbeigïya, ei dei tei zlad’a. Le tcho magid’a ti ni hleud’a diliu pî, mba d’i mbut hapa d’igi nesâ na; le d’i ni hleud’a kekeng d’igi gangeîna na pî, mba d’i b’o hapa d’igi b’od’a hi tamasid’a na.

Daniel 11:35

Suma hiuna aduk suma ned’a a mba tchaziya, wani mat mazina mba mi ndjun suma dingâ á mbud’uzi yed’et hapa titil gak yima dabid’a, kayam ahle ndazina a mba mba nata yima a ngama.

Daniel 12:1

Malaika máma mi dan kua ala: Kur atchogoi ndata Michel ma ngolâ hi malaika ma ngom sum mangîna mba mi tchola. Atchogoi ndata natchogoi d’a ndaka. Kid’a andjaf suma a nga yam andagad’a deid’a gak kur atchogoi ndata, ndak ka hina d’a ti le nga yat tu d’i. Kur atchogoi ndata mang suma a b’irizi simiyêzi kur mbaktumba hAlonid’ina a mba fe suta.

Daniel 7:16

An hut go gen ma ding ma nga ata yi mámina, an djobom ala mi van ad’u gagazid’a hahle ndazinid’a pet go ge. Mi van ad’u ahle ndazina, mi dan ala:

Zakari 13:1

Kur bur máma ir mbiyo ma laud’a mba mi mal lei á mbus tchod’a ki ndjendjed’a handjafâ hi David-na ki d’a hi suma Jerusalem-mid’a woyo.

Matiye 24:21

Ndak ka ngol la mba d’i le suma kur bur mámid’a, kad’u tinda hi duniyad’id’a dei gak ki tchetchemba, andjaf ndak ka hina d’a ti le nga yat tu d’uo tua. Wani andjaf ndak ka hina d’a mba d’i le bugol luo d’a.

Marik 13:19

Ndak ka ngol la mba d’i le suma kur bur mámid’a kad’u tinda hi duniyad’id’a dei kid’a Alona mi lahlena peta gak ki tchetchemba, andjaf ndak ka hina d’a ti le nga yat tu d’uo tua. Wani andjaf ndak ka hina d’a mba d’i le bugol luo d’a.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

Sunda hi suma a sunuzinid’a 14:22

Azi nga he suma a he gagazid’ina ad’enga, a nga gigid’ezi ala a kak kur he gagazid’a. A dazi ala: Ni ki djop vuna ngola tua ba, ei mba kalei ki kur leud’a hAlonid’a.

Romê-na 5:3

Ni kayam ndata hol li, wani ei lei furîd’a kur ndak meid’a mi, kayam ei wei ala ndaka nga d’i mba ki ve tad’a,

1 Korente-na 6:11

Suma dingâ adigagi adjeu ni hina mi. Wani ki tchetchemba, Salad’a Jesus Christ ki Muzu’â hAlo meinina a mbud’ugi wa woi yed’et kur tchod’a, a tinigi wa iragi vagi mAlona, a mbud’ugi wa d’ingêr avok Alona mi.

2 Tasaloni’â 1:4

Kayam ndata, ami nga suburumi tami kur Tok ka tetenga hAlonid’a kagi yam ve ta magid’a ki he gagazi magi d’a kur ndakid’a ki djop vun ma agi nga kurâ mi.

Hebre-na 13:12

Kayam ndata, Jesus mi fe ndaka woi bugol azina á mbus suma woi yed’et ki buzuwamu.

Hebre-na 9:14

buzuna hi Christ ma he tam mAlona bei ndala yam minda hi Muzuk ma gak didinina, mi ndak á mbuzi djib’er ra kurid’a hi sun nda hawa yaka woi á le sunda mAlo ma arina kal luo zu?

1 Pierre 1:19

Wani mi wuragagi woi ni ki buzu ma kal teglesâ hi Christ-sâ. Christ ni d’igi Gor timi ma bei tchod’a ma bei ndala atam ba na na.

1 Jean 1:7

Wani le ei nga tid’i kur b’od’a d’igi mam tamba nga mi tit kur b’od’a na ni, ei lei darigïd’a aduk teya, buzuna hi Goroma Jesus-na nga mi mbuzi woi yed’et kur tcho meid’a pet mi.

Vama ndum mbeina 12:11

B’oziyoina a kal kamî kad’enga hi buzuna hi Gor timinina ki zla d’a gagazi d’a azi tchat walata, a he tazi woi gak matna mi.

Vama ndum mbeina 15:2

An we vana d’igi alum ma ngol ma ngal tchitchilingâ na, gizeîd’a kakud’a. An we suma a kus ayîna yam ambur máma, yam vama a yorom d’igi mam na na yam nomrod’a hi simiyêmbina mi. Azi nga tchola avun alum ma ngol ma ngal tchitchiling máma. Ading ma Alona mi hazizina mi nga abozi mi.

Vama ndum mbeina 17:6

An we atcha ndata nga d’i gurut ki buzuna hi suma hAlonina ki buzuna hi suma a tchazi yam glangâs mazi ma d’engzeng ma azi lum yam Jesus-na. Ata yima an watna, an le atchap ngola.

Vama ndum mbeina 2:9

An wang ndak manga ki hou manga, wani angî sama ndjondjoîna. An we zla d’a tcho d’a suma a yi tazi ala azi ni Juif-fâ na a nga dat kanga, wani azi ni Juif-fâ d’i, azi ni toka hi Seitan-nda.

Vama ndum mbeina 22:14

Suma a nga mbus baru mazid’a a mba le furîd’a. Ni azi ba, mba fe lovota á te vud’agu ma he arid’ina, a mba kal ata vun azì ma ngol máma krovo mi.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.

Vama ndum mbeina 7:9

Bugol ahle ndazina, an wablau suma mimiyâ’â a nga toka, ni suma sana mi ndak á ndumuzi d’uo na. Azi nad’u andjaf ma yam andagad’ina pet, nad’u andjafâ hi sumina pet ki suma pet ki vun ma ded’a pet. Azi nga tchola avok zlam mba amula, avok Gor timina mi, a tchuk baru d’a fiyak ka hapa ataziya, ki hum tumura abozi mi.