Vama ndum mbeina 6:16 - Bible azumeina

¹⁶ A nga de mahuniyô suma nglona ki suma gureina ala: Agi tchugugi tagi kami ngeyemi woi avok mam Ma nga kaka yam zlam mba amulina, avok ayîna hi Gor timinina mi.

Vama ndum mbeina 6:16 ပူးပေါင်းရင်းမြစ်များ

Sawal la giled’a 14:5

Fata Alona mba mi nde tam mbei aduk suma d’ingêrîd’a, suma le tcho ndazina a mba le mandarâ ngola.

Isai 2:10

Ang kal kur zul ahuniyôna, ang tos tang aduk andaga d’a gugud’upa woi dei abo mandarâ hi Ma didinina, abo wiled’a hi ngol mambid’a mi.

Jeremi 8:3

Andjaf suma a mba ar aduk andjaf suma asa’at suma an mba ni ndjoyôzi woi ata yima lara ge petna, a mba dala azi bo pî ni hotei kal la azi kak ki irazi d’a. An Ma didin ma ad’engên kal petna ni de na.

Wana ni mbaktumba hi Oze-d’a 10:8

Yima nding ma teteng ma a tinim iram vam ma Bet-Aven ma Israel-lâ a le tchod’a kuana, a mba b’lagam mbeyo. Kekerezeuna kaweid’a a mba deî ata yi mazi ma ngal ahle suma ngat buzu ma tetengâ. A mba de mahuniyôna ala: Agi ngeyemiya, a mba de mi yima nding ma tetengâ ala: Ang dris kä kamiya.

Matiye 26:64

Jesus mi dum ala: Ang de wa da’. Wani an nga ni dagiya, ki tchetchemba agi mba wagi an Gor Sana ni sä kaka ata bik ka ndjufa hAlo ma ad’engîd’a, agi mba wan an mbeï kur d’ugula mi.

Marik 3:5

Mi pret tam mi golozi ki zlazi pet, hurum zal ngola, kayam me mi fe hur ma wurana yam hur mazi ma b’ala. Mi de mi sa máma ala: Ang mat abong ngeyo. Mi mad’am mbeyo; abom mbut blangâm ma adjeuna.

Wana ni Zla d’a Djivi d’a Luc mi b’irita 23:30

Kur bur máma suma a mba de mahuniyôna ala: Agi tchugugï kä kamiya. A mba de mi yima ndingâ ala: Ang ngeyemiya!

Vama ndum mbeina 10:6

Mi gun tam ki simiyê Alo ma nga kaka karid’a gak didin ma lakulod’a kahle suma kurutna pet kandagad’a kahle suma kurutna pet kalum ma ngolâ kahle suma kuruma pet mi na. Mi de woi ala: Djupa nga d’uo d’a.

Vama ndum mbeina 19:15

Mbigeu d’a fiyak ka tena heîd’a, ti nde woi avunamu, ni d’a mba mi ka kandjaf sumid’a. Mba mi polozi ki totogo d’a kawei ma wurana, mba mi miret guguzlud’a, d’ala nayîna hAlo ma ad’engêm kal petna na.

Vama ndum mbeina 20:11

An we zlam mba amul la ngol la hapa. Ma nga kaka katna, andagad’a kakulod’a a nga ring ngei avoromu, a dok wazi d’uo d’a.

Vama ndum mbeina 4:2

Atogo hina zak, Muzu’â hAlonina mi van sä kur akulod’a, an we zlam mba amula tu nga, sana nga kaka kad’u.

Vama ndum mbeina 4:5

Wiled’a ki siwela ki breîd’a halonid’a a buzuk kei ata zlam mba amul ndata. Lalam mba akud’a kid’iziya nga d’i ngal avok zlam ndata, azi ni muzuk ma kid’iziyana hAlonina.

Vama ndum mbeina 4:9

Ata yima ahle suma ari suma fid’i ndazina a nga subur Alona, a nga lum ad’umu, a nga le mersi mi ma nga kaka yam zlam mba amula ma nga kaka gak didina,

Vama ndum mbeina 5:1

Bugola, an we mam ma nga kaka yam zlam mba amulina, mbaktum mba dut ta a b’ir kurut mi blogot mi d’a, ti nga ved’a abom ma ndjufâ. Ti nga b’ala ki dubangâ kid’iziya.

Vama ndum mbeina 6:10

Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?

Vama ndum mbeina 9:6

Kur til ma vahl máma, suma a mba hal matna, wani azi mba fum mbi, azi mba min ala matna mi tchaziya, wani mam mba mi ring ngei avoroziya.