Vama ndum mbeina 6:15 - Bible azumeina

¹⁵ Amulei suma yam andagad’ina ki suma nglona ki nglo suma hi azigarîna ki suma ndjondjoîna ki suma ad’enga ki magumeina pet ki gro vuta a ngei tazi angra ahuniyôna, a ngei tazi akulo yam ahuniyôna mi.

Vama ndum mbeina 6:15 ပူးပေါင်းရင်းမြစ်များ

Ad’u Tinda 3:8

Wani sa máma kamamba a hum del Ma didina Alona nga mi tit hur asinena fladege, a ngei tazi avorom aduk agu ma nga hur asinenina.

Sawal la giled’a 76:12

Agi hlagi vunagi mi Ma didina Alo magina, agi ndagam vunam mi; agi suma nguyuma pet, agi mbagi ki he d’a hawad’a mAlo ma suma lum mandarama.

Isai 2:10

Ang kal kur zul ahuniyôna, ang tos tang aduk andaga d’a gugud’upa woi dei abo mandarâ hi Ma didinina, abo wiled’a hi ngol mambid’a mi.

Isai 2:19

Suma a mba tchuk kur zul ahuniyôna, a tos tazi aduk andaga d’a gugud’upa kä dei á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’ina mandarîd’a!

Isai 2:21

A mba tchuk angra ahuniyôna, a mba tchuk kur zul ahuniyôna á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’a mandarîd’a!

Isai 42:22

Gola! Nandjaf suma a yozi ahligiyezi a hurumuzina. Azi pet ni suma a tchuguzi kä kur zulina, a nga ngeid’a kä kur gongîyo suma dangeina ata yima nduvunda. Azi mbut ni vama hurumba, wani sama prud’uzi woina nga d’i, a yozi ahligiyeziya, wani sama mi dala: A hulongôziziya na nga d’i.

Mise 7:17

Azi mba trâ andaga d’a gugud’upa d’igi guguina na, d’igi ahle suma a dram kä yam andagad’ina na. A mba buzuk kei kur aziyazi ma ad’eng ma ngunguna ki zlaka á i gen ang Ma didina Alo mamina, a mba lang mandarang mi.

Hebre-na 11:38

Duniyad’a ndak nga yam sum ndazi suma a nga tcha tata hur fulâ, yam ahuniyôna, angra ahuniyôna, kä kur zula mi na d’i.

Vama ndum mbeina 18:23

Sa dok mi we b’od’a hi lalamba kurung nguo d’a, dok mi hum dela hazong ma vatcha d’a weid’a ki dela hi gor wei d’a ve mandjufîd’a d’uo mi. Mang suma mbut abozina ni suma ad’eng suma yam andagad’ina. Ni ki kuma mangâ ba, ang lop ki suma pet.

Suma ka sariyad’a 6:2

Suma Madiyan-na a nga djop vun Israel-lâ ngola. Kayam ndata, Israel-lâ a i ngei tazi angra ahuniyôna, kur zul ahuniyôna akulo yam ahuniyô suma fuyogeina abo suma Madiyan-na.

1 Samuel 13:6

Israel-lâ a wala azi navun bad’a, kayam suma Filistê-na a hebezi ped’et. Kayam ndata, nge nge pî mi hal yi mam ma ngei tama, suma dingâ aduk ahuniyôna, suma dingâ aduk azlupa, suma dingâ kur golongeî suma adjeuna, suma dingâ kur yima ngeid’a teteng mi.