Vama ndum mbeina 6:12 - Bible azumeina

¹² Ata yima Gor timina mi hô dubang ma karagayana woina, an gol andagad’a ti yir gigidji, afata ti mbut wurad’a d’igi baru d’a dodora na, tilâ mi mbut hleud’a d’igi buzuna na mi.

Vama ndum mbeina 6:12 ပူးပေါင်းရင်းမြစ်များ

Isai 24:23

Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Isai 29:6

Ma didin ma ad’engêm kal petna mba mi mba á ndjun kangî ki breîd’a halonid’a. Andagad’a mba d’i yir ki siwel la kal teglesa ki babar ma bibi’â ki sin aku d’a mba d’i ngal ahlena woid’a.

Isai 34:4

Ahle suma akulona pet a mba lau woyo, a mba d’ut akulod’a d’igi sana mi d’ut mbaktumba na; ahle suma kurutna pet a mba yak kei d’igi hum guguzlud’a d’oze hum tuluma mi yak keina na mi.

Isai 50:3

An tchuk nduvunda ata akulod’a, an tchugut baru d’a dodora atat mi.

Joel 2:10

Andagad’a nga d’i yir avoroziya, akulod’a nga d’i giged’a, afata ki tilâ a mbut nduvunda, tchitchiud’a nga d’i wile d’uo mi.

Joel 3:15

Afata ki tilâ a mbut nduvunda, tchitchiud’a nga d’i wile d’uo mi.

Amos 1:1

Wana ni zlad’a hi Amos ma aduk suma pol d’uwarâ avo Tekowa-nid’a. Ahlena a nde tazi woi iram yam Israel-lâ kur atchogoid’a hi Oziyas amul ma Juda-nid’a katchogoid’a hi Jerobowam Jowas goroma amul ma Israel-lîd’a mi. Ahle suma a nde tazi irama a le ni bizad’a mbà tua ba, andagad’a ti giged’a.

Amos 8:9

Salad’a Ma didina mi dala: An mba ni nik afata falei d’ad’ar, an mba ni mbut andagad’a nduvunda falei mi.

Zakari 14:5

Ata yi máma agi mba ringîgi kur hor ra aduk ahuniyô manid’a, kayam hor ndata mba d’i i gak Asal. Agi mba ringîgi d’igi abuyogi ngolo a ring abo giget ta andagad’a ti giget kur atchogoid’a hi Oziyas amul ma Juda-nid’a na. Ata yi máma Ma didina Alo mana mba mi mba ki mam suma mi tinizi irazi vazina.

Matiye 11:21

Mi dazi ala: Ni zla d’a hohoud’a kagi agi suma Korazin-na. Ni zla d’a hohoud’a kagi agi suma Betsaida-na. Kayam an ladjï sun nda ndandal la wanda aduk suma Tir-râ ki suma Sidon-na d’igi an lat adigagi agi na ni, azi mbut wa huruzi dedei, a tchuk wa baru d’a dodora ki butna kazi mi.

Matiye 24:29

Jesus mi dazi kua ala: Bugol ndaka hi bur mámid’a, atogo hina zak afata mba d’i mbut nduvunda, tilâ mba mi b’o d’i, tchitchiud’a mba d’i tchugï kä, ahle suma ad’eng suma akulona a mba yira.

Matiye 24:7

Kayam andjaf ma dingâ mba mi tchol djangûna kandjaf ma dingâ, leu d’a dinga mba d’i tchol djangûna ki leu d’a dinga, baktarad’a mba d’i nde, andagad’a mba d’i yir gigidji ata yina teteng mi.

Matiye 27:45

Kid’a afata tchol falei d’ad’ara, yina mbut nduvunda yam andaga ndata pet gak afata tchuk siyad’u.

Matiye 27:54

Ma ngol ma azigarâ abom kis ma Romê-na azi ki suma a nga ki sed’em á ngom Jesus-na, kid’a a we yira handagad’a kahle suma a lenid’a, a le mandarâ, a dala: Gagazi, sa máma nAlona Goroma.

Matiye 28:2

Atogo hina zak, andagad’a ti yir ngola, kayam malaikana hi Salad’ina mi tcholï akulo, mi mba, mi ligat ahinad’a woyo, mi kak kad’u.

Marik 15:33

Kid’a afata tchol falei d’ad’ara, yina mbut nduvunda yam andaga ndata pet gak afata tchuk siyad’u.

Vama ndum mbeina 11:13

Ata yi máma na wat, andagad’a ti yir gigidji, abo azì ma a walam aduk dogona, ma dogona mi dris kä, suma a bo dudubud’a kid’iziya abo yir ndata. Suma a arâ a le mandarâ, a subur Alo ma akulona.

Vama ndum mbeina 16:18

Ata yi máma, alona mi wile, mi breyâ, dela ti de zlad’a, andagad’a ti yir gigidji mi. Kid’a Alona mi ge sana yam andagad’a deid’a, andagad’a ti yir nga yir ra ngola hina d’a yat tu d’i.

Vama ndum mbeina 16:8

Malaika ma fid’ina, mi vo mama yam afata. Ni ma a hum ad’enga á ngal suma woi kakud’ina.

Vama ndum mbeina 8:12

Malaika ma fid’ina, mi bu adif mamba. A tum afat ta a walat aduk hindid’a abot ma tuna, a tum til ma a walam aduk hindina abom ma tuna, a tum tchitchiu d’a a walat aduk hindid’a abot ma tuna, kayambala abozi ma tutuna mi b’o d’uo d’a, falei d’a a walat aduk hindid’a abot ma tuna mi ba bei b’od’a d’a, andjege d’a a walat aduk hindid’a abot ma tuna mi le ni na mi.

Vama ndum mbeina 8:5

Malaikana mi hle angala, mi oyôt kaku d’a nga ata yima ngal dubang ma his djivid’ina, mi gat yam andagad’a. Ata yi máma na wat, alona mi wile, mi breyâ, dela ti de zlad’a mi. Ata yi máma, andagad’a ti nde yira.