Vama ndum mbeina 6:10 - Bible azumeina

¹⁰ Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?

Vama ndum mbeina 6:10 ပူးပေါင်းရင်းမြစ်များ

Ad’u Tinda 4:10

Alona mi hulong dum ala: Ni kayam me ba, ang le hina ge? An hum buzu wiyengâ nga mi tchi d’igi del sana na, ei kä andaga dei, ti fan sä, kayam an sam atchugulumu.

Sawal la giled’a 119:84

An azong mangâ burun mi ni ga ge? Ni mindja ba, ang mba ka sariyad’a yam suma a nga djobon vunana ge?

Sawal la giled’a 13:1

Ni sawal la David mi hlat mi hat mi ma ngolâ hi suma hle sawalina.

Sawal la giled’a 35:17

Salad’a, ang golon hina tä ni nana ge? Ang ngomonu, ar azi b’lagan ndi, ang ngomonu, ar azlo máma mi van ndi.

Sawal la giled’a 79:10

Ni kayam me ba, ang ar andjaf suma dingâ a nga dala: Alo mazina mi nga ni lara ge ge? Ar suma a we woi pid’ak avoromi ala ang nga sä atchugul azungeî mang suma a tchazina.

Sawal la giled’a 9:12

Agi gagi sawala ki simiyê Ma didin ma nga kaka kur Siyon-na, agi dagi sun mam mba ngol la mi lata woi aduk suma.

Isai 61:2

á tchi wala ala biza d’a Ma didina mba mi tak suma mamba woi yam bur ma sä atchugula hAlo meina, á b’leng hur suma pet suma ang yor tazina,

Hor ma tchina 3:64

Ma didina, ang lazi d’igi azi lan an na mi.

Daniel 12:6

Ma dingâ tu mi de mi sama tchuk baru d’a luluîd’a atam ma nga tchola akulo yam mbiyo alumina ala: Ahle suma yoyou ndazina a mba dap mi mindja ge?

Daniel 8:13

An hum malaikana tu mi de zlad’a. Malaika ma dingâ mi djobom ala: Vama nde tam mbei yam vama ngat buzu ma burâ ki burîna, yam tchod’a hi ma b’lak yina, yam miret ta a mba miret gong nga kud’ora hAlonid’a ki azigar suma akulona kä d’a, a mba mba ni mindja ge?

Zakari 1:12

Ata yi máma malaika máma mi dala: Ma didin ma ad’engêng kal petna, ni mindja ba, ang mba we hohowa suma Jerusalem-ma ki suma kur azì ma nglo ma Juda suma ang hurung zal kazi gak bizad’a dok kid’iziyana ge?

Wana ni Zla d’a Djivi d’a Luc mi b’irita 2:29

Ki tchetchemba, Salad’a, ar an azong mangâ ni mit ki b’leng nga halasa d’igi ang de na.

Wana ni Zla d’a Djivi d’a Luc mi b’irita 21:22

Kayam bur máma ni bur ma sä atchugula á ndak vun ahle suma a b’irizi kur mbaktumba hAlonid’ina.

Romê-na 12:19

Buniyôn suma od’a, sagi atchugulugi d’i, wani aragi ayîna hAlonina mi le sun mamba. Kayam Ma didina mi dala: Atchugul la sad’a ni manda; ni an ba, mba ni sad’u.

Hebre-na 12:24

Agi mbagi go gen Jesus ma aduk suma kAlona yam vun ma djin ma awilina ki buzuwam ma yama a nga dum zlam djivid’a kal buzuna hi Abel-lîna.

2 Pierre 2:1

Wani adjeu suma djok vun suma ka zlad’a a nga aduk suma. Hina mi, suma hat suma ka zlad’a a mba kal adigagi ki ngeid’a ki hat ta nga ata yat tuo d’a. Azi mba tin vunazi yam Salazi ma sud’uzina, a mba mba ki b’laka kazi atogo zak.

Vama ndum mbeina 11:18

Andjaf suma a nga ki hur ma zala. Wani yina mba wa á tak ayî mangâ woyo, á ka sariyad’a yam suma matna, á wurak magumei mang suma djok vuna ki mang suma pet suma a nga lang mandarangâ, suma nglona ki gugureina, á b’lak suma a b’lak andagad’ina woi mi.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Vama ndum mbeina 18:24

A ka sariyad’a yam azì ma Babilon-na ni kayamba a tchi suma djok vun Alona azi ki suma hAlonina ki suma a tchazi yam andagad’a ka hina pet kurumba.

Vama ndum mbeina 19:2

Sariya mamba ni d’a gagazid’a ki d’ingêra, kayam mi ka sariyad’a yam atcha d’a gaulang nga ngol la ti b’lak andagad’a ki mizeu matnid’a. Mi kat sariyad’a kat kayam ti tchi azungeî mama.

Vama ndum mbeina 3:10

Kayam ang ngom wa zla manda ki ve tad’a, an mi, an mba ni ngomong ata yima kuka mba d’i mba yam suma kur duniyad’a pet á kuk suma a nga kaka yam andagad’ina.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina:

Suma ka sariyad’a 16:28

Ata yi máma Samson mi tchen Ma didina ala: Salad’a Ma didina, an nga ni tchenengû, Alo mana, ang djib’er kanu! Ang han ad’enga ki tchetchem mba wanda hina go, ar an sä atchugulun ki suma Filistê-na yan hina tu yam iran nda mbà d’a a tchot teid’a.

1 Samuel 24:12

Abunu, ang gol vun baru mang nga ngola abon wana! Kid’a an ngat vun baru manga an tchang nga d’uo d’a, ang wala an nga ki zla ki sed’eng ngi, d’oze tcho nga kurun ki sed’eng ngi, an le nga tcho avorong nguo mi. Wani ang nga burun kä á tchid’a.