Vama ndum mbeina 6:1 - Bible azumeina

¹ An we Gor timina mi hô dubang ma avok ma kid’iziyana woyo. Aduk ahle suma ari suma fid’ina, an hum dela hi ma dingâ tu nga d’i siwel d’igi breîd’a halonid’a na ala: Ang mbeya!

Vama ndum mbeina 6:1 ပူးပေါင်းရင်းမြစ်များ

Jean 1:29

Tcha ndjivinda Jean mi we Jesus nga mi djï gevemu, mi dala: Agi gologi Gor timina hAlona ma nga mi hle tchod’a hi suma duniyad’a kama.

Sunda hi suma a sunuzinid’a 4:20

Wani ami ndak á arami bei de zlad’a yam vama ami wamizina ki vama ami humumizina d’uo mi.

Vama ndum mbeina 11:19

Ata yi máma, a mal vun gong nga kud’ora hAlona d’a akulod’a woyo, a we zanduk ma vun ma djinda hAlonina mi nga tinda kur gong mamba. Ata yi máma, alona mi wile, dela ti de zlad’a, alona mi breyâ, andagad’a ti yira, alona mi se mogoina ngola mi.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Vama ndum mbeina 14:2

An hum dela ti tcholï akulo, nga d’i siwel d’igi mbiyo ma avun vorina na, d’igi breîd’a halonid’a na mi. An hum dela ti hle tat d’igi dela hi suma a nga bu adingîna na.

Vama ndum mbeina 19:6

An hum dela d’igi dela hablau sumid’a na nga d’i siwel d’igi mbiyo ma avun vorina na, d’igi breîd’a halonid’a na mi. An hum ti dala: Aleluya! Kayam Salad’a Alo mei ma ad’engêm kal petna nga mi te leud’a.

Vama ndum mbeina 4:8

Ahle suma ari suma fid’i ndazina, ma lara pî mi nga ki gigingâ karagaya karagaya, azi nga ki ira ata yima lara ge pet, krovo, abu mi. Andjege ki falei azi nga ar bei hle sawala ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna, ni Ma nga adjeu deina, ni Ma nga na, ni Ma nga mi mbana mi.

Vama ndum mbeina 5:1

Bugola, an we mam ma nga kaka yam zlam mba amulina, mbaktum mba dut ta a b’ir kurut mi blogot mi d’a, ti nga ved’a abom ma ndjufâ. Ti nga b’ala ki dubangâ kid’iziya.

Vama ndum mbeina 5:12

A hle sawala ki delezi akulo ala: Gor timi ma a tchum adjeuna, mi ndak á ve sib’ika ki ndjondjoîd’a ki ned’a kad’enga ki hud’a ki subura ki giled’a mi.

Vama ndum mbeina 5:8

Ata yima mi hle mbaktum ndatina, ahle suma ari suma fid’i ndazina ki suma nglo suma dok mbà yam fid’i ndazina, a grif kä avok Gor timi máma. Nge nge pî adigazi nga ki adingâ abom ki angulei suma wulak suma a nga oîd’a kahle suma his suma afufuînina, nala ni tchenda hi suma hAlonina.

Vama ndum mbeina 6:3

Ata yima Gor timina mi hô dubang ma mbàna woina, an hum vama ari ma mbàna mi dala: Ang mbeya!

Vama ndum mbeina 6:5

Ata yima Gor timina mi hô dubang ma hindina woina, an hum vama ari ma hindina mi dala: Ang mbeya! An gola, an we akulum ma wurana. Ma mi nga kama mi nga ki vama nga ahlena abomu.

Vama ndum mbeina 6:7

Ata yima Gor timina mi hô dubang ma fid’ina woina, an hum vama ari ma fid’ina mi dala: Ang mbeya!

Vama ndum mbeina 8:1

Ata yima Gor timina mi hô dubang ma kid’iziyana woina, yima akulona mi seng silil ndak d’igi nus ler ra tud’a na.