Vama ndum mbeina 4:8 - Bible azumeina

⁸ Ahle suma ari suma fid’i ndazina, ma lara pî mi nga ki gigingâ karagaya karagaya, azi nga ki ira ata yima lara ge pet, krovo, abu mi. Andjege ki falei azi nga ar bei hle sawala ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna, ni Ma nga adjeu deina, ni Ma nga na, ni Ma nga mi mbana mi.

Vama ndum mbeina 4:8 ပူးပေါင်းရင်းမြစ်များ

Ad’u Tinda 17:1

Kid’a Abram bizam ndak dok zlengâ yam zlengîd’a, Ma didina mi nde tam mbei iramu, mi dum ala: An nAlo ma ad’engên kal petna; ang tit avoron d’ingêr ndak memet.

Sawal la giled’a 91:1

Sama mi nga kaka ad’u angus Alo ma sä akulo ma kal teglesîna, mi nga ni kaka ad’u angus Alo ma ad’engêm kal petna.

Buzuk ka Abud’a 15:11

Ma didina, ni nge ba, aduk alo ma tetengâ d’igi ang na ge? Ni nge ba, ma kal papa ma yed’et ma kal tegles ma ndak á hud’a ma lahle suma ndandalâ d’igi ang na na ni nge ge?

Buzuk ka Abud’a 3:14

Alona mi de mi Moise ala: AN NI MA NGA NA. Mi dum kua ala: Wana ni zla d’a ang mba hulongôt ded’a mi Israel-lîd’a: Ma yi tam ala AN NGA na, mi sununï gevegi ni mamu.

Isai 13:6

Agi yorogi tagiya, kayam burâ hi Ma didinina mi ar wa go, nga mi mba ni d’igi b’lak ka ti tcholï ata Ma ad’engêm kal petnid’a na.

Isai 62:1

Ndak Jerusalem, yam o d’a an lat kaka, an nga ni ba vunan ndi; Ndak Siyon, yam o d’a an nga ni lat kaka, an mba ni tuk tan ndi gak prut mak ka woid’a mba d’i nde woi d’igi yima fod’a na, gak sut maka mba d’i ngal d’igi aku d’a ganda hina tua mi.

Ezekiyel 1:18

Fiyak mam mba akulod’a ni vama mandarâ, mam ki zla tam mba fid’id’a pet ni nguid’a woi ki ira d’uhl.

Ezekiyel 1:5

An wahle suma arina fid’i aduk aku ndata. A buzugï woi kua, a hle tazi d’igi suma na.

Ezekiyel 1:6

Nge nge pî adigazi mi nga ki ira fifid’i, gigingâ fifid’i mi.

Ezekiyel 10:12

Tcherebêna hliwizi pet, nala, huyogoziya, aboziya, ki gigingâziya, a ni oîd’a ki ira. Pusâ abom ma fid’ina pî mi ni oîd’a ki ira nguid’a woi d’uhl mi.

Joel 1:15

Alë! Ni bur ma me na ge? Kayam burâ hi Ma didinina mi ar wa go, nga mi djï d’igi b’lak ka tcholï ata Ma ad’engêm kal petnid’a na.

Sunda hi suma a sunuzinid’a 20:31

Kayam ndata, ar agi kagagi ki ndjola. Agi djib’eregiya, kur bizad’a hindi, andjege ki faleya, an gat nge nge pî adigagi ki simina iranu.

2 Korente-na 6:18

Ma didin ma ad’engêm kal petna mi dala: An mba ni ka’î Abugiya, agi mba kagagi gron suma andjofâ ki gron suma aropma mi.

1 Tasaloni’â 2:9

B’oziyomina, agi nga djib’eregi yam sun mamid’a ki ndak mamid’a. Kid’a ami tchagi wal Zla d’a Djivid’a hAlonid’a, ami lami sunda andjege ki faleya, kayam ami mbud’umi vama ane’â yam sa adigagi d’i.

1 Timote 4:16

Ang gol tang djivi ki hat manga mi, ang ve tang kur ahle ndazina. Le ang le na ni, ang mba sut tang ki suma a nga hum zla mangina mi.

2 Timote 4:2

Kayam ndata, ang tchi wal zlad’a hAlonid’a, ang ve tang kua kur yima djivina, d’oze ata yima tchona. Ang vazi ki zlad’a, ang ngobozi yam tcho mazid’a, ang gigid’ezi ki ve tad’a kur hata pet mi.

Hebre-na 13:8

Jesus Christ ni ma bei mbuta ba na, ni ma kama, ini gak didina mi.

Vama ndum mbeina 1:4

An Jean nga ni b’ir mbaktumba mi agi Tok ka kid’iziya d’a kur ambas sa Asi-d’id’a. Alo ma nga na, ma nga adjeu deina, ma nga mi mbana azi ki muzuk mam ma kid’iziya ma nga avok zlam mba amulina zlapa ki Jesus Christ ma glangâs ma d’engzengâ, ni Gor ma a vud’um avok ma tchol akulo avok kikidji aduk suma matna karid’ina, mam mi amul ma kal teglesâ hamulei suma yam andagad’ina, a vagi sumad’a ki b’leng nga halasa. Christ ni ma le keina, ni ma pad’ei woi kur tcho meid’a ki buzuwama.

Vama ndum mbeina 1:8

Salad’a Alo ma ad’engêm kal petna, Ma nga na, Ma nga adjeu deina, Ma nga mi mbana, mi de woi ala: An ni Alfa, an ni Omega mi.

Vama ndum mbeina 11:17

A dala: Salad’a Alo ma ad’engêm kal petna, ang Ma nga na, ang Ma nga adjeu deina, ami lang mersi kayam ang hle wa sib’ik mang nga kal papad’a, ang nga te yam suma.

Vama ndum mbeina 14:11

Andosâ haku d’a nga d’i lazi ndakid’a, nga mi d’us gak didin. Suma a kud’or ambur máma ki vama a yoromzina ki sama lara ge ma a b’irim simiyêm atama, andjege ki faleya tuk ta mazid’a nga d’i.

Vama ndum mbeina 14:3

Suma bubup ndazina a nga tchola avok zlam mba amula, avok ahle suma ari suma fid’ina, avok suma nglona mi, a nga hle sawal la awilid’a. Sama ndak á hat sawal ndatina nga d’i, ni suma dudubud’a kis yam dudubud’a dok fid’i yam dudubud’a fid’i suma a guzuzi ka hî yam andagad’ina hol.

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.

Vama ndum mbeina 15:7

Ma dingâ tu aduk ahle suma ari suma fid’ina, mi he malaika suma kid’iziya ndazina kop ma kid’iziya ma lor ma nga oîd’a kayîna hAlo ma ari ma gak didinina.

Vama ndum mbeina 16:14

Azi ni muzu’â hi Seitan-nina. Azi nga lahle suma atchapma. Azi nga i á tok amulei suma yam andagad’ina pet á dur ayîna kur bur ma ngolâ hAlo ma ad’engêm kal petnina.

Vama ndum mbeina 16:7

An hum del la tcholï ata yima ngal dubang ma his djivid’ina ti dala: Â, Salad’a Alo ma ad’engêm kal petna, sariya manga ni gagazi, ni d’ingêr mi.

Vama ndum mbeina 19:15

Mbigeu d’a fiyak ka tena heîd’a, ti nde woi avunamu, ni d’a mba mi ka kandjaf sumid’a. Mba mi polozi ki totogo d’a kawei ma wurana, mba mi miret guguzlud’a, d’ala nayîna hAlo ma ad’engêm kal petna na.

Vama ndum mbeina 19:4

Suma nglo suma dok mbà yam fid’ina kahle suma ari suma fid’ina a grif kä á kud’or Alo ma nga kaka yam zlam mba amulina, a dala: Amin! Aleluya!

Vama ndum mbeina 21:22

An we nga gong nga kud’ora hAlonid’a kur azì máma d’i, kayam Salad’a Alo ma ad’engêm kal petna azi ki Gor timina a ni gong mamba.

Vama ndum mbeina 3:7

Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina:

Vama ndum mbeina 4:4

Zlam mba amul ndata nga nguid’a ki zlam mba dinga dok mbà yam fid’i. Suma nglona dok mbà yam fid’i a nga kaka yam zlumiyô ndazina ki baru d’a hapa ataziya, avaval la lora nga kazi mi.

Vama ndum mbeina 4:6

Vana nga avok zlam ndata d’igi alum ma ngol ma ngal tchitchilingâ na, mi wile d’igi kristal na. Ata yi máma na wat, ahle suma ari suma fid’i suma a nga ki ira avorozi mi blogozi mi na, a ngui zlam ndata kä.

Vama ndum mbeina 4:9

Ata yima ahle suma ari suma fid’i ndazina a nga subur Alona, a nga lum ad’umu, a nga le mersi mi ma nga kaka yam zlam mba amula ma nga kaka gak didina,

Vama ndum mbeina 5:6

An we Gor timi ma hle tamî d’igi ma tchuma na na mi nga tchola aduk zlam mba amula kahle suma ari suma fid’ina ki suma nglona. Mi nga kadifa kid’iziya ki ira kid’iziya mi, azi ni muzuk ma kid’iziya ma hAlona ma mi sunum mbei yam andagad’a petna.

Vama ndum mbeina 6:1

An we Gor timina mi hô dubang ma avok ma kid’iziyana woyo. Aduk ahle suma ari suma fid’ina, an hum dela hi ma dingâ tu nga d’i siwel d’igi breîd’a halonid’a na ala: Ang mbeya!

Vama ndum mbeina 6:6

An hum dela d’igi hi ma aduk ahle suma ari suma fid’i ndazina na, mi dala: Ang nga gemena angota tu ndak yam wurak ka yam sun nda bur ma tunid’a, ang nga awu orsâ angota hindi ndak yam wurak ka yam sun nda bur ma tunid’a mi. Wani ang b’lak mbulâ ki süm guguzlud’a woi d’i.

Vama ndum mbeina 7:11

Malaikana pet a nga tchola a ngui zlam mba amula kä ki suma nglona kahle suma ari suma fid’ina. A grif kä ki irazi avok zlam mba amula, a kud’or Alona,

Vama ndum mbeina 7:15

Kayam ndata, azi nga tchola avok zlam mba amula hAlonid’a, a nga le sunda mAlona andjege ki falei kur gong mamba. Mam ma nga kaka yam zlam mba amulina mba mi tin iram kaziya, mba mi ngomozi mi.