Vama ndum mbeina 4:11 - Bible azumeina

¹¹ Â, Salamina Alo mamina, ang ndak á subura, á hud’a, á vad’enga mi. Kayam ahlena pet ang lazi ni angû; nata min manga ba, azi nga, azi nga karid’a mi.

Vama ndum mbeina 4:11 ပူးပေါင်းရင်းမြစ်များ

Ad’u Tinda 1:1

Avok ka va nga d’uo tua d’a, Alona mi lakulod’a kandagad’a.

2 Samuel 22:4

An nga ni dala: An nga ni gile Ma didina, kayam me ata yima an yuma, mi sud’un ndei abo man suma djangûna.

Nehemi 9:5

Bugola, suma hi Levi-na Josue, Kadamiyel, Bani, Hasapneya, Serebiya, Hodiya, Sebaniya ki Petahiya a dazi ki delezi akulo ala: Agi tchologi akulo! Ar agi gilegi Ma didina Alo magina kur atchogoid’a katchogoid’a gak didin. A de kua ala: Ar ami gileng simiyêng ma subur ma kal lei yam subura ki giled’a petna.

Wana ni mbaktumba hi Job-pa 36:3

An mba ni feï ne manda nata yima deina, an mba ni de woi yam d’ingêra hAlo ma lanid’a.

Sawal la giled’a 18:3

Ma didina nahina man nda ndjununda, ni gulumun ma ad’eng ma sud’una; Alo mana nahina man nda an ngei tan kuad’a, mam mi mbarei manda, mam mi ad’eng man nda sud’unda, mam mi yima an sut tan kuana.

Sawal la giled’a 68:34

Mam ma nga nga yam akulod’a, akulo d’a dedeid’ina, gola, nga mi de zlad’a ki delem akulo ad’enga.

Buzuk ka Abud’a 20:11

Kayam kur burâ karagaya, an Ma didina ni lakulod’a kandagad’a kalum ma ngolâ kahlena pet suma a nga kuruma, an tuk tan kur bur ma kid’iziyana. Ni kayam ndata ba, an b’e vunan yam bur ma sabat máma, an tinim iram vam mi an mi.

Zla d’a d’ogolâ 16:4

Ma didina mi lahlena pet ni nga d’a yam va mbeî; sama asa’atna pî, mi lumî yam bur ma ndaka.

Isai 40:26

Agi hlagi iragi akulo, agi gologiya. Ni nge ba, mi lahle ndazina ge? Ni mam ba, mi lahle ndazina ki zla tazi wan pepet tuo zu? Mi yazi ki simiyêzi gagang, ata ad’eng mam mba ngola ki sib’ik mamba mi. Ma kid’ak siminina nga d’i.

Isai 40:28

Ang wum nga d’i? Ang humum nga zlam mbi? NAlo ma dedeina, ni Ma didin ma mi le andagad’a gak ata vunat ma dabid’ina, mi nga mi kau d’oze mi seî d’uo; wäd’u mamba ni d’a sana mi ndak á feget ad’ut tuo d’a mi.

Jeremi 10:11

Ang dazi ala: Alo ma teteng ma mi le nga akulod’a kandagad’a d’uo na, a mba b’lagam mbei yam andagad’a, a mba fum ka hî yam andagad’a d’uo d’a.

Jeremi 32:17

Salad’a Ma didina, ang ma lakulod’a kandagad’a ki sib’ik mang nga kal teglesa ki bigang nga zid’a kang akulo zid’a, vama mi hlang abod’ina nga d’i.

Sunda hi suma a sunuzinid’a 14:15

a de ki delezi akulo ala: Agi sumuna, agi lagi ni me na ge? Ami ni suma d’igi agi na mi. Ami mbagi ni Zla d’a Djivid’a ala agi aragi filei ma hawa ya’â woyo, agi mbud’ugi iragi yam Alo ma ari ma lakulod’a kandagad’a kalum ma ngolâ kahlena pet suma a nga kuruma.

Sunda hi suma a sunuzinid’a 17:24

Alo ma le duniyad’a kahle suma kurutna petna, mam mi Sala akulod’a kandagad’a. Mam nga mi kak kur gongîyo suma tok suma suma a minizi kabozina d’i.

Romê-na 11:36

Kayam ahlena pet a tcholï natamu, ahlena pet a nga ata yazi ni kayam mamu, a nga ni kayam mam tamba mi. Kayam ndata, ei suburi Alona gak didin. Amin!

Efes-sâ 3:9

á tak zla d’a mudurid’a Alo ma lahlena petna mi ngeyet kurum avok deid’a woi mi suma pet,

Gat ta a hat á mbàd’id’a 32:4

Ma didina nahina d’a ndjunid’a. Sun mam mba led’a ndak memet, nga hur mama pet ni ma iratna, ni ma d’engzengâ burâ ki burâ, ni Ma bei tchod’a ba na, ni ma d’ingêrâ, ni ma gagazina mi.

Hebre-na 1:10

Alona mi de kua ala: Ang Sala suma, kad’u tinda dei ang läd’u andagad’a; akulod’a ni sun nda ang lat kabonga.

Hebre-na 1:2

Wani kur atchogoi d’a dabi d’a tchetchem wanda, mi dei zlad’a navun Goroma, ni Ma mi tinim yam ahlena petna, mi landagad’a ni ki mam mi.

Vama ndum mbeina 1:6

Mi mbud’i sum mama, mi mbud’i suma ngat buzuna á le sunda mAbum Alonina. Subura kad’enga ni mamba gak didin. Amin!

Vama ndum mbeina 10:6

Mi gun tam ki simiyê Alo ma nga kaka karid’a gak didin ma lakulod’a kahle suma kurutna pet kandagad’a kahle suma kurutna pet kalum ma ngolâ kahle suma kuruma pet mi na. Mi de woi ala: Djupa nga d’uo d’a.

Vama ndum mbeina 14:7

Mi de ki delem akulo ala: Ar agi lagi mandara Alona, ar agi suburum mi, kayam yi mam ma ka sariyad’a yam suma mba wa, agi kud’urogi mam ma lakulod’a kandagad’a kalum ma ngolâ ki mbiyo ma laud’a mi na.

Vama ndum mbeina 19:1

Bugol ahle ndazina, an hum del la ngola d’igi dela hablau sumid’a na kur akulod’a, ti dala: Ei gilei Alona! Suta, subura kad’enga ni hAlo meinid’a.

Vama ndum mbeina 5:12

A hle sawala ki delezi akulo ala: Gor timi ma a tchum adjeuna, mi ndak á ve sib’ika ki ndjondjoîd’a ki ned’a kad’enga ki hud’a ki subura ki giled’a mi.

Vama ndum mbeina 5:2

An we malaika ma ad’engâ nga mi tchi wala ki delem akulo ala: Ni nge ba, mi ndak á hô dubangâ woi á mal mbaktum ndata woi ge?

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.