Vama ndum mbeina 4:10 - Bible azumeina

¹⁰ ata yi máma na wat, suma nglo suma dok mbà yam fid’ina a grif kä avok mam ma nga kaka yam zlam mba amulina, a kud’or mam ma nga karid’a gak didina. A tchuk avaval mazid’a kä avok zlam mba amula, a dala:

Vama ndum mbeina 4:10 ပူးပေါင်းရင်းမြစ်များ

1 Sunda Hamuleinid’a 29:20

Ata yi máma David mi de mablaud’a kua ala: Ki tchetchemba, agi lagi mersi mAlo magina! Ablau d’a peta a le mersi mi Ma didina Alona habuyozi ngolona, a hud’o kä, a grif kä andaga avok Ma didina, avok amulâ David mi.

2 Sunda Hamuleinid’a 7:3

Israel-lâ pet a waku d’a tcholï akulod’a ki subura hi Ma didina d’a yam gongid’a, a hud’o kä, a grif kä ki irazi andaga hur gonga, a kud’or Ma didina, a gilem ala: Mam mi Ma djivina. O mamba nga d’i dap pi.

Wana ni mbaktumba hi Job-pa 1:20

Ata yi máma Job mi tchol akulo, mi haû baru mam mba ngola woi atamu, mi kar yam mbei karb’ahl, mi ge tam kä andaga mi grif kä,

Sawal la giled’a 115:1

Ma didina, subura nga ni mamid’a d’i, subura nga ni mi ami d’i, wani ni manga, yam o mang nga didinda, yam gagazi manga mi.

Sawal la giled’a 47:8

Kayam Alona namul ma ngol ma te yam andagad’a petna, agi gilegizi ki sawala.

Sawal la giled’a 72:11

Amuleina pet a mba grif kä avoromu, andjaf suma pet a mba mbut ni magumei mama mi.

Sawal la giled’a 95:6

Agi mbeyegïya, agi grivigi kä, ei kud’oreigi Ma didin ma leina.

Isai 6:1

Kur biza d’a amulâ Oziyas mi mita, an we Ma didina mi nga kaka yam zlamba sä akulo dei. Vun baru mam mba ngola ti oî hur gong nga kud’ora.

Daniel 12:7

Sama tchuk baru d’a luluîd’a atama, mi yo abom akulo hur alona ki zla tam djak. An hum mi dala: An gun tan ki simiyê Alo ma gak didina. Ahle ndazina a mba le gak bizad’a hindi ki nusa, a mba dap pei ni fata ad’enga hi suma hAlonina mba d’i dap peid’a.

Daniel 4:34

Nebukanezar mi de kua ala: Bugol biza d’a kid’iziyad’a an hle iran akulo, djib’er manda ti mba. Ata yi máma an le Alo ma sä akulo ma kal teglesâ mersi, an gilemu, an subur mam ma bei matna ba ma nga mi te yamba gak didin ma nga mi te leud’a kur atchogoid’a katchogoid’ina.

Matiye 2:11

Ata yima azi tchuk klavina, a we gorâ azi kasum Marie. A grif kä, a kud’uromu. A mal vun bud’omei mazi suma beged’a, a hum he d’a hawad’a, nala, lora ki lubana ki mirâ mi.

Wana ni Zla d’a Djivi d’a Luc mi b’irita 24:52

Azi kud’uromu, a hulong kur Jerusalem ki furî d’a ngola.

1 Korente-na 15:10

Wani yam sumad’a hAlonid’a, an ni ma nga na. Kayam mam van sumad’a ni hawa d’i, wani an le sunda kal suma a sunuzi suma dingâ pet. Nga ni an ndi, wani ni sumad’a hAlona d’a nga ki sed’enda.

Gat ta a hat á mbàd’id’a 32:40

An hlabon akulo hur alona, an gun tan ala: An ni ma nga kaka ki iran gak didina!

Vama ndum mbeina 10:6

Mi gun tam ki simiyê Alo ma nga kaka karid’a gak didin ma lakulod’a kahle suma kurutna pet kandagad’a kahle suma kurutna pet kalum ma ngolâ kahle suma kuruma pet mi na. Mi de woi ala: Djupa nga d’uo d’a.

Vama ndum mbeina 11:16

Suma nglo suma dok mbà yam fid’i suma a nga kaka yam zlam mazid’a avok Alonina, a grif kä avok Alona, a kud’uromu.

Vama ndum mbeina 15:4

Salamina, ni nge ba, mba mi lang mandarang nguo ge? Ni nge ba, mba mi suburung nguo ge? Kayam ang tu ni Ma bei tchod’a ba na. Andjaf suma pet a mba mba, a mba grif kä avorong á kud’urongû, kayam sun mang nga d’ingêra, ti nde wa woi abua.

Vama ndum mbeina 15:7

Ma dingâ tu aduk ahle suma ari suma fid’ina, mi he malaika suma kid’iziya ndazina kop ma kid’iziya ma lor ma nga oîd’a kayîna hAlo ma ari ma gak didinina.

Vama ndum mbeina 19:4

Suma nglo suma dok mbà yam fid’ina kahle suma ari suma fid’ina a grif kä á kud’or Alo ma nga kaka yam zlam mba amulina, a dala: Amin! Aleluya!

Vama ndum mbeina 4:2

Atogo hina zak, Muzu’â hAlonina mi van sä kur akulod’a, an we zlam mba amula tu nga, sana nga kaka kad’u.

Vama ndum mbeina 4:4

Zlam mba amul ndata nga nguid’a ki zlam mba dinga dok mbà yam fid’i. Suma nglona dok mbà yam fid’i a nga kaka yam zlumiyô ndazina ki baru d’a hapa ataziya, avaval la lora nga kazi mi.

Vama ndum mbeina 4:9

Ata yima ahle suma ari suma fid’i ndazina a nga subur Alona, a nga lum ad’umu, a nga le mersi mi ma nga kaka yam zlam mba amula ma nga kaka gak didina,

Vama ndum mbeina 5:14

Ahle suma ari suma fid’ina a dala: Amin! Suma nglona a grif kä, a kud’urom mi.

Vama ndum mbeina 5:8

Ata yima mi hle mbaktum ndatina, ahle suma ari suma fid’i ndazina ki suma nglo suma dok mbà yam fid’i ndazina, a grif kä avok Gor timi máma. Nge nge pî adigazi nga ki adingâ abom ki angulei suma wulak suma a nga oîd’a kahle suma his suma afufuînina, nala ni tchenda hi suma hAlonina.

Vama ndum mbeina 7:11

Malaikana pet a nga tchola a ngui zlam mba amula kä ki suma nglona kahle suma ari suma fid’ina. A grif kä ki irazi avok zlam mba amula, a kud’or Alona,