Vama ndum mbeina 3:7 - Bible azumeina

⁷ Ang b’ir mbaktumba mi malaika ma nga yam Tok ka Filadelfi-d’ina. Wana nahle suma Ma bei tchod’a ma gagazi ma nga ki lakled’a hamulâ David-ta aboma, le ni mala, sama ndak á duka nga d’i, le ni duga, sama ndak á mala nga d’uo mi na mi dazina:

Vama ndum mbeina 3:7 ပူးပေါင်းရင်းမြစ်များ

Wana ni mbaktumba hi Job-pa 11:10

Le mi kala, le mi ve sana, le mi yum ata yima ka sariyad’a ni, ni nge ba, mi d’elem ge?

Wana ni mbaktumba hi Job-pa 12:14

Le mi b’lak va woyo ni, sama hulong mi minim akulona nga d’i. Le mi ge sana dangeina ni, sama gum akulona nga d’uo mi.

Sawal la giled’a 145:17

Ma didina ni ma d’ingêrâ kur lovot mamba pet, mam mi ma djivina kur sun mam mba led’a pet mi.

Sawal la giled’a 16:10

Kayam ang mba aran kä ata yima azuleina d’i, ang mba ar mang ma d’engzengâ kä kur zula á tchimba d’i.

Sawal la giled’a 89:18

Kayam angî ad’eng mazi d’a kal papad’a. Ni yam suma manga ba, ami nga suburumi tamiya.

Isai 22:22

An mba ni hum lakle d’a avun azina hi David-nid’a abomu. Le mi malamu ni, sama duguma nga d’i, le mi dugumu ni, sama malama nga d’uo mi.

Isai 30:11

A ni suma a nga dazi ala: Agi d’ezegi woi kur lovota, agi walagi woi ki lovot ta gureid’a, agi hud’ugi sä woi ki Ma tin tam irat vat yam Israel-lîna hina dei avoromiya na.

Isai 41:14

Agi Israel suma hi Jakob-ma, agi suma suma a gologi d’igi ndjuvul ma gorâ na na, agi suma suma a mired’egi kä d’igi ndjuvulâ na na, agi lagi mandar ri! An tan nga ni mba á ndjunugiya! An Ma didin ma tin tan irat vat kagi Israel-lîna, ni dala: An nga ni hle zla magid’a hur abonu.

Isai 41:16

Agi mba sirizi woyo. Simetna mba mi siraziya, mbirlimba mba d’i ndjoyôzi woi mi. Wani agi mba lagi furîd’a kan an Ma didina, agi mba suburugi tagi kan an Ma tin tan irat vat kagi Israel-lîna mi.

Isai 41:20

kayambala suma pet a gola, a we, a we woi tetet ala Ni an Ma didina ba, ni lahle ndazina kabonu, ni an Ma tin tan irat vat yam Israel-lîna ba, ni laziya.

Isai 47:4

Ma wurak keina a yum ala Ma didin ma ad’engêm kal pet ma tin tam irat vat yam Israel-lîna.

Isai 48:17

Ma didin ma wurak kagi ma tin tam irat vat kagi Israel-lîna mi dala: An Ma didina Alo magina, an nga ni had’agi yam djivi magid’a, an nga ni tinigi kur lovot ta agi nga tid’igi kuad’a.

Isai 49:7

Ma didin ma wurak yam suma ma tin tam irat vat yam Israel-lîna, mi de mi sama suma a golom isâ, mi sama andjaf suma a golomî vama ndjendjed’ina, mi magoma hi suma te yambina ala: Amuleina a mba wangû, a mba tchol akulo avorong mi. Suma nglona a mba grif kä avorong yam an Ma didin ma d’engzeng ma an tin tan irat vat yam Israel ma ni manangâ.

Isai 54:5

Ma mi la’â ni ndjuvugu, simiyêm ala Ma didin ma ad’engêm kal petna. Ma mi wurak ka’â ni Ma tin tam irat vat yam Israel-lîna, a yum ala Alo ma te yam andagad’a petna.

Isai 55:5

Gola! Ang mba yi andjaf suma ang wazi nga yang tu d’uo na; andjaf suma a wang nga yazi tu d’uo na a mba ring geveng zuzuk, yam an Ma didina Alo mang ma tin tan irat vat yam Israel-lâ ma ni hang ngolîna.

Isai 6:3

A nga er ad’uzi akulo aduk tazi ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna! Subur mamba ti oî yam andagad’a pepet.

Matiye 16:19

An mba ni hang lakled’a hi leu d’a akulod’id’a abongû. Vama ang djinim ka hî yam andagad’ina, mba mi ka’î djinda sä akulo hina mi; vama lara ma ang bud’um ka hî yam andagad’ina, mba mi ka’î buta sä akulo hina mi.

Matiye 24:35

Akulod’a kandagad’a a mba kal leyo, wani zla manda mba d’i kal lei d’i.

Marik 1:24

Jesus ma Nazarat-na, vama ndolong ki sed’emi ni me ge? Ang mba á bami woi zu? An wang tetet ala angî Ma bei tcho ma Alona sunungîna.

Wana ni Zla d’a Djivi d’a Luc mi b’irita 1:32

Mam mba mi kak ma ngolâ, a mba yum ala Alo ma sä akulo ma kal teglesâ Goroma. Salad’a Alona mba mi tinim amul ma ngolâ d’igi abum ngolo David na.

Wana ni Zla d’a Djivi d’a Luc mi b’irita 4:34

Hei, Jesus ma Nazarat-na, vama ndolong ki ami ni me ge? Ang mba á bami woi zu? An wang tetet, angî Ma bei tcho ma Alona sunungîna.

Jean 14:6

Jesus mi dum ala: An ni lovota, an ni gagazid’a, an narid’a mi. Sama i gen Abun bei an na nga d’i.

Sunda hi suma a sunuzinid’a 3:14

Wani agi noyôgi Ma bei tchod’a ma d’ingêrâ, agi tchenegi Pilat ala mi gagi ma tchi matna akulo.

1 Jean 5:20

Ei wei ala Alona Goroma mi mba wa da’, mi hei wa ned’a á wei Alo ma gagazina. Ei nga zlapa tu kAlo ma gagazi máma ni yam Goroma Jesus Christ. Mam nAlo ma gagazina, mam nari d’a didinda mi.

Vama ndum mbeina 1:11

Ti dan ala: Ang b’ir vama an wuma kur mbaktumba, ang sunut mi Tok ka kid’iziyad’a, nala, ta Efes-sa, ta Ismirin-nda, ta Pergam-mba, ta Tiyatir-ra, ta Sardes-sa, ta Filadelfi-d’a ki d’a Lawodise-d’a mi.

Vama ndum mbeina 1:18

An ma arina, an ma mit adjeuna, wani ki tchetchemba an nga karid’a gak didin. An nga kad’enga yam matna, an nga kad’enga yam yima zuleina mi.

Vama ndum mbeina 15:3

Azi nga hle sawala hi Moise azongâ hAlonid’a ki sawala hi Gor timinid’a ala: Salad’a Alo ma ad’engêm kal petna, sun manga ni sun nda ngol la kal papad’a. Amulâ handjaf sumina, nga hur mangâ ni d’ingêr gagazi.

Vama ndum mbeina 16:7

An hum del la tcholï ata yima ngal dubang ma his djivid’ina ti dala: Â, Salad’a Alo ma ad’engêm kal petna, sariya manga ni gagazi, ni d’ingêr mi.

Vama ndum mbeina 19:11

An we akulod’a ti mal leyo, akulum ma hapma mi nde woi kuru. Ma nga kama a yum ala Ma d’engzeng ma gagazina. Nga mi ka sariyad’a, nga mi dur ayî ma d’ingêrâ mi.

Vama ndum mbeina 19:2

Sariya mamba ni d’a gagazid’a ki d’ingêra, kayam mi ka sariyad’a yam atcha d’a gaulang nga ngol la ti b’lak andagad’a ki mizeu matnid’a. Mi kat sariyad’a kat kayam ti tchi azungeî mama.

Vama ndum mbeina 2:1

Ang b’ir mbaktumba mi malaika ma nga yam Tok ka Efes-sina. Wana nahle suma ma ve tchitchiu d’a kid’iziyad’a abom ma ndjufâ ma nga mi tit aduk agu ma tin lalam mba lora kam ma kid’iziyana mi dazina:

Vama ndum mbeina 21:5

Mam ma nga kaka yam zlamba amulina mi dan ala: Ki tchetchemba, an le wa ahlena pet awilid’a. Mi dan kua ala: Ang b’ir ahle ndazina kur mbaktumba, kayam zla manda ni zla d’a gagazi d’a ndak ang tin hurung kata.

Vama ndum mbeina 3:14

Ang b’ir mbaktumba mi malaika ma nga yam Tok ka Lawodise-d’ina. Wana nahle suma ma Amin ma glangâs ma d’engzeng ma gagazi ma nad’u tinda hahlena pet suma Alona mi lazina mi dazina:

Vama ndum mbeina 4:8

Ahle suma ari suma fid’i ndazina, ma lara pî mi nga ki gigingâ karagaya karagaya, azi nga ki ira ata yima lara ge pet, krovo, abu mi. Andjege ki falei azi nga ar bei hle sawala ala: Ma bei tchod’a, Ma bei tchod’a, Ma bei tchod’a ni Ma didina Alo ma ad’engêm kal petna, ni Ma nga adjeu deina, ni Ma nga na, ni Ma nga mi mbana mi.

Vama ndum mbeina 5:9

Azi nga hle sawal la awilid’a ala: Ang ndak á hle mbaktum ndata, á hô dubang máma woi mi. Kayam a tchang adjewe. Ang gus suma mAlona ki buzuwang ad’u andjafâ pet, ad’u vun ma ded’a pet ki suma pet, ad’u andjaf suma teteng pet mi.

Vama ndum mbeina 6:10

Azi de ki delezi akulo ala: Salami ma bei tcho ma gagazina, gak ni mindja ba, ang mba ka sariyad’a yam suma yam andagad’ina á sami atchugulumi kayamba azi tchamid’a ge?