Vama ndum mbeina 3:18 - Bible azumeina

¹⁸ Kayam ndata, an nga ni dangû, ar ang gus lor man nda a yorot kakud’id’a tala ang mbut sama ndjondjoîna d’a. Ang gus baru d’a hapa tala ang tchugut atang ang ngei zulo mang ma gandilad’a mi d’a. Ang gus kuma ma ira, ang gum irang kayam ang we woi tetet.

Vama ndum mbeina 3:18 ပူးပေါင်းရင်းမြစ်များ

Sawal la giled’a 107:11

kayam azi tchila yam gata hAlonid’a, kayam azi gol zla d’a ded’a hi ma sä akulo ma kal teglesîd’a is.

Sawal la giled’a 16:7

An nga ni suburung ang Ma didin ma nga dan d’alîna, andjege pî djib’er manda nga d’i han ad’enga.

Sawal la giled’a 32:8

Ma didina mi dala: An mba ni had’angû, an mba ni tagang lovot ta ang tit kuad’a, an mba ni dang d’alâ, an mba ni tin iran kang mi.

Sawal la giled’a 73:24

Ang nga tagan gat manga, bugola, ang mba van atang kur subur manga.

Zla d’a d’ogolâ 1:25

Agi aragi d’al man ma an dagizina woyo, agi gologi ngop manda tä mi.

Zla d’a d’ogolâ 1:30

agi min humugi d’al mana d’i, agi gologi ngop manda is mi.

Zla d’a d’ogolâ 19:20

Ang hum d’alâ, ang ve hata, kayam ang mba mbut sama ned’a kuru.

Zla d’a d’ogolâ 23:23

Ang gus gagazid’a, ned’a, hata ki wad’ud’a, ar ang guzuzi woi d’i.

Ma tchi wala 8:2

An nga ni dangû, ang ngom vun ma hed’a hamulîna, kayam gun nda ang gunum tang avok Alonid’a.

Isai 47:3

A mba fogok ahlena atak kei arak gandilad’a. Suma a mba we zulo ma’â. An mba ni sä atchugula, an mba ni ar sa tu d’i.

Isai 55:1

Ma didina mi dala: Êhê, agi suma vunagi sona, agi pet mbeyegi ata mbina. Le sa nga ki va abom mbuo pî, agi mbeyegiya, agi guzugiya, agi tagiya. Agi mbeyegi ata süm guguzlud’a kambira bei beged’a bei gusa ba.

Jeremi 13:26

An mba ni yok baru mak ka ad’uka gak ni iksi kak akulo, suma a mba wak gandila maka.

Daniel 12:2

Ablau suma a nga bona a mba zlit akulo. Suma dingâ a mba kak karid’a gak didin, suma dingâ a mba kak kur zulona kur gol la isa gak didin mi.

Mise 1:11

Agi suma Safir-râ, agi igi magomba ki gandilad’a ki zulona, suma Sänan-na a nga so tazi á buzuk kei abu d’i. Tchi ma hohou ma nga avo Bet-Esel-lâ, mba mi aragi lovota á ngei tagi kua d’i!

Nahum 3:5

Ma didin ma ad’engêm kal petna mi dala: An nga ki zlad’a ki sed’egu, an mba ni yok vun baru maka akulo woi iragu, an mba ni arak gandilad’a woi ir andjaf suma, an mba ni arak zulo ma’â woi ir suma kur leud’ina mi.

Malatchi 3:3

Mba mi kak kä d’igi sama mi yor kawei ma hapma á mbud’ut yed’etna na, mba mi mbut Levi andjavam yed’et, mba mi yorozi d’igi a nga yor lora ki kawei ma hapma na. Azi mba he he d’a hawad’a ata lovod’ot mi Ma didina mi.

Matiye 13:44

Jesus mi had’azi kua ala: Leu d’a akulod’a ti hle tat ni d’igi vama djivi ma nga ngeid’a kä kur asinenina na. Sana mi wumu, mi hulong mi ngeyem kä, kayam mi nga mi le furîd’a kamu. Mi iya, mi gus ahligiyem mbei pet, mi i gus asine máma.

Matiye 25:9

Wani suma ned’a a hulong dazi ala: Dam mbulâ mba mi ndak kami ki agi d’i. Agi igi gen suma a nga guzum mbeina, agi guzugi yam tagiya.

Wana ni Zla d’a Djivi d’a Luc mi b’irita 12:21

Jesus mi de kua ala: Hina mi, sama nga mi tok ahlena kayam mam tambina, mi nga ki ndjondjoîd’a avok Alona d’i.

2 Korente-na 5:3

Le ami tchugumi wa kur yi máma ni, ami mba kagami abu pid’ak ki.

2 Korente-na 8:9

Kayam agi wagi sumad’a hi Saleina Jesus Christ-sa. Mam mi sama ndjondjoîna pî, mi mbut sama houd’a kayam agiya, kayam agi mbud’ugi suma ndjondjoîna yam hou mamba.

1 Timote 6:18

Ang hazi vuna á le djivid’a, á i avogovok ki sun nda djivid’a, á hahle mazina mi suma, á b’rau ahlena mi suma ding mi.

Jacques 2:5

B’oziyon suma an le kagi heîna, agi humugiya. Alona mi man suma hou suma kur duniyad’a ka hina á mbud’uzi suma ndjondjoîna yam gagazi d’a hed’a, kayam azi kal kur leu d’a mam hle vunam kat mi suma a nga le kama.

1 Pierre 1:7

Hina, kuk ndata mba d’i tak djivid’a hi he gagazi magi d’a guzut kal lor ra b’lak kei d’a nga a kugut kakud’id’a woyo. Hina, he gagazi magi d’a guzut kal lorid’a a nga kugut hina á wad’eng mata. Hina wani, fata Jesus Christ mba mi nde woid’a, Alona mba mi gilegiya, mba mi suburugiya, mba mi hugi mi.

Vama ndum mbeina 16:15

Salad’a mi dala: Ang huma, an nga ni mba ni d’igi sama kula na. Sama nga kaka ndjola, mi ngom baru mamba tala mi tit gandilad’a ba, suma a wum zulo mama d’uo na, mi le furîd’a.

Vama ndum mbeina 19:8

Mi hat lovota á tchuk baru d’a hap pa luluî d’a nga d’i ngal wiwilika atat mi. Baru d’a hap pa luluî ndata ti ta’î sun nda d’ingêra hi suma hAlonid’a.

Vama ndum mbeina 2:9

An wang ndak manga ki hou manga, wani angî sama ndjondjoîna. An we zla d’a tcho d’a suma a yi tazi ala azi ni Juif-fâ na a nga dat kanga, wani azi ni Juif-fâ d’i, azi ni toka hi Seitan-nda.

Vama ndum mbeina 3:17

Ang nga dala: An ni sama ndjondjoîna, an nga kahlena pet, va kid’agan nga d’i. Wani ang we nga d’ala angî sama amangeî ma hawa ya’â angî ma houd’a angî ma gandilad’a angî ma duka mi d’a d’uo!

Vama ndum mbeina 4:4

Zlam mba amul ndata nga nguid’a ki zlam mba dinga dok mbà yam fid’i. Suma nglona dok mbà yam fid’i a nga kaka yam zlumiyô ndazina ki baru d’a hapa ataziya, avaval la lora nga kazi mi.

Vama ndum mbeina 7:13

Ma dingâ aduk suma nglona mi djobon ala: Suma a tchuk baru d’a fiyak ka hapa atazina, azi ni suma lara ge, a tcholï ni lara ge?