Vama ndum mbeina 3:15 - Bible azumeina

¹⁵ An wahlena pet suma ang lazina. An we ang nga ab’lenga d’uo mi na, ang nga akud’a d’uo mi. An min ang ka’î ab’lenga d’oze akud’a.

Vama ndum mbeina 3:15 ပူးပေါင်းရင်းမြစ်များ

1 Amuleina 18:21

Wani Elie mi hut avok ablau suma petna, mi dazi ala: Ni mindja tua ba, agi mba aragi bei tcha tatad’a ge? Le agi wagi ala Ma didina nAlo ma gagazina ni, agi lum sunda! D’oze, le Bäl lî alo ma gagazina ni, agi lum sunda! Wani ablau suma sa mi hulongôm nga zlad’a de tu d’i.

Zla d’a d’ogolâ 23:26

Gorona, ang han hurungû, ang hle ni balum asen mi.

Wana ni mbaktumba hi Oze-d’a 10:2

Azi mbut suma hur ma mbàmbàna, a mba zi tcho mazid’a kaziya. Ma didina mba mi b’lagazi yi mazi ma ngal ahle suma ngat buzu ma tetengâ kä woyo, mba mi b’lagazi ahle mazi suma azi tinizi á ge humbina woi mi.

Wana ni mbaktumba hi Oze-d’a 7:8

Suma Efraim-ma a tugut tazi kandjaf suma dingâ, azi ni d’igi woî ma bei mbud’um ad’um ba na na.

Matiye 10:37

Sama le yam abum mboze asum kalan ana, mi ndak nga sa mana d’i. Sama le yam goroma d’oze goromba kalan ana, mi ndak nga sa mana d’uo mi.

Matiye 24:12

Kayam tchod’a mba d’i zul ngola, od’a hablau sumid’a mba d’i b’leng mi.

Matiye 6:24

Jesus mi had’azi kua ala: Azong ma tuna mi ndak á le sunda mi suliyod’a mbà d’i, wani mba mi noî ma tuna, mba mi le yam ma dingâ mi, d’oze mba mi kak ki ma tuna, mba mi ar ma dingâ woi mi. Agi ndagagi á lagi sunda mAlona ki beged’a djak ki.

Romê-na 12:11

Ar agi lagi azulomba kur sun nda led’a d’i. Ar agi lagi sunda mi Salad’a ni ki zlezleûd’a.

1 Korente-na 16:22

Sama nga mi le yam Salad’a d’uo na, ar Alona mi gum vuna. Maranata, nala, Salamina, ang mbeya!

2 Korente-na 12:20

An nga ni le mandarâ, fata an mbaza hatagid’a, dam an mba ni fagi d’igi an min na d’uo kla. Agi mba fan d’igi agi minigi na d’uo kla mi. An nga ni le mandarâ, dam yalâ ki yungôra kayîna, ngengâ, ngula, zla d’a de d’a tchod’a, tum didi’â ki batranga a nga adigagi kla.

Gat ta a hat á mbàd’id’a 5:29

Djiviya! Ladjï huruzi nga ni tinda kan hina teteu á ringîn mandaran á ngom gat manda mi ni, azi ki grozina a mba ka’î ki djivid’a teteu.

Filip-ma 1:9

Vama an tchen Alona kagina ba wana: Ar o magid’a ti zul avogovok zlapa ki wed’a ki wad’ud’a pet mi,

2 Tasaloni’â 1:3

B’oziyomina, ami nga lami mersi mAlona teteu kagi nata yad’u, kayam he gagazi magid’a nga d’i wul heî, o magi d’a agi nga lat yam tagid’a nga d’i zul avogovok mi.

Jacques 1:8

kayam mam mi sama hurum mbàmbàna, ni sama djib’er mamba afefetna mi.

1 Pierre 1:22

Agi mbud’ugi wa yed’et, agi gagi yagi kä ad’u zla d’a gagazid’a á lagi yam b’oziyogi suma a he gagazid’ina ki o d’a bei lop ira. Kayam ndata, agi lagi yam tagi ngola ki hur ma tuna.

Vama ndum mbeina 2:2

An wahlena pet suma ang lazina, an we sun mang nga kaud’a. Ang nga ve tang ki suma tchona d’i, ang kuk wa suma a yi tazi ala azi ni suma a sunuzina na, wani azi ni suma a sunuzi d’uo na, ang vazi ad’uzi woi ala azi ni suma ka zlad’a.

Vama ndum mbeina 2:4

Wani vama an mining nguo kama ba wana, kayam ang ar o mang nga avoka woyo.

Vama ndum mbeina 3:1

Ang b’ir mbaktumba mi malaika ma nga yam Tok ka Sardes-sina. Wana nahle suma ma nga ki muzu’â hAlonina kid’iziya ki tchitchiud’a kid’iziya aboma mi dazina: An wahlena pet suma ang nga lazina, an we simiyêng nga mi yi d’igi sama arina na, wani angî matna.

Vama ndum mbeina 3:16

Kayam angî aku d’a lulumur, nala, zala d’oze ab’lenga d’uo mi. Kayam ndata, an mba ni vining ngei avunanu.