Vama ndum mbeina 22:19 - Bible azumeina

¹⁹ Le sama nga mi pat zla d’a a djogot vunat tei kur mbaktum ndatid’a woyo ni, Alona mba mi d’elem bei te vud’agu ma he arid’ina, mba mi d’elem bei kal kur azì ma ngolâ hAlonina, d’igi a b’ir kur mbaktum ndata na mi.

Vama ndum mbeina 22:19 ပူးပေါင်းရင်းမြစ်များ

Sawal la giled’a 69:28

Ang ndumuzi tcho mazid’a yam ndrat tchod’a, ar azi kal kur d’ingêr manga d’uo mi.

Buzuk ka Abud’a 32:33

Ma didina mi de mi Moise ala: Ni sama le tchod’a avogona ba, an mba ni tchum simiyêm mbei kur mbaktum manda!

Zla d’a d’ogolâ 30:6

Ar ang tchuk zla d’a ding yam zla mamba ba, mi ngobong ang mbut sama ka zlad’a d’i.

Wana ni Zla d’a Djivi d’a Luc mi b’irita 11:52

Ni zla d’a hohoud’a kagi agi suma hat gata, kayam agi hlagi vun lakled’a hi ned’id’a woyo. Agi tagi nga kalagi kua d’i, wani suma a min á kal kuana, agi nga d’eleziya.

Gat ta a hat á mbàd’id’a 12:32

Agi tid’igi yam vun ma he ma an hagizina, agi ngomogiziya, agi tinigi vama ding kam kua d’uo mi na, agi pad’agi va woi kua d’uo mi.

Gat ta a hat á mbàd’id’a 4:2

Agi tinigi zla d’a ding yam vun ma he ma an hagizina d’i, agi pad’agi va woi kua d’uo mi, wani agi tid’igi yam vun ma hed’a hi Ma didina Alo maginina d’igi an hagizi na.

Vama ndum mbeina 1:3

Sama nga mi ndum mbaktum mba wanda azi ki suma a nga hum zla d’a tcholï avun Alona d’a suma a nga djogot teid’a suma a nga ge yazi kä ad’u vama a b’irim kur mbaktum mba wandina, a le furîd’a, kayam yima ngam yam ahle ndazinina mi ar wa go.

Vama ndum mbeina 11:2

Wani ang ar yima huyok gong nga kud’ora hAlonid’a bei ngad’a, kayam a humî mi suma bei wAlona. Azi mba miret azì ma ngolâ hAlonina kä kasezi gak tilâ dok fid’i yam mbà.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Vama ndum mbeina 14:13

An hum dela ti tcholï akulo, ti dan ala: Ang b’ir kur mbaktumba ala: Suma a nga bo kur sunda hi Salad’id’a ki tchetchembina, a mba le furîd’a. Muzu’â hAlonina mi de na ala: Gagazi, azi ndak á tuk tazi kur sun mazi d’a kaud’a, kayam sun mazi d’a djivid’a nga d’i tit ad’uziya.

Vama ndum mbeina 2:11

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, mat ma mbàna mba mi tchazi d’i.

Vama ndum mbeina 2:26

Suma a kus ayîna suma a ngom sun manda gak dabid’ina, an tanda mba ni hazi ad’eng nga Abun handjid’a, an mba ni hazi ad’enga á te yam andjaf suma mi. Azi mba gad’azi ki totogo d’a kawei ma wurana, a mba tozi woi d’igi suma a to dei ma sana minima woi na.

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

Vama ndum mbeina 21:2

An we azì ma ngolâ hAlonina, ni Jerusalem mba awili d’a tcholï akulo gen Alonid’a, ti tchugï aset kä, ti min tat d’igi a min gor weid’a á gat avo mi ndjuvut na.

Vama ndum mbeina 21:5

Mam ma nga kaka yam zlamba amulina mi dan ala: Ki tchetchemba, an le wa ahlena pet awilid’a. Mi dan kua ala: Ang b’ir ahle ndazina kur mbaktumba, kayam zla manda ni zla d’a gagazi d’a ndak ang tin hurung kata.

Vama ndum mbeina 22:12

Jesus mi dala: Agi humugiya! An nga ni mba ka tchetchem ki wurak manda abon á he mi nge nge pî yam sun mam mba mi lata.

Vama ndum mbeina 22:2

nga mi djang ir palumba hazì mámid’a. Agu ma he arina mi nga avun alum máma abo hî abo hî, nga mi vut yam dogo yam mbà kur bizad’a tu, til ma lara ge pî, nga mi vut yam tutu. Humam ni vama sut andjaf suma.

Vama ndum mbeina 22:7

Jesus mi dala: Agi humugiya! An nga ni mba ka tchetchem. Suma a ge yazi kä ad’u zla d’a djok vun Alona d’a a nga djogot tei kur mbaktum ndatid’ina, a le furîd’a.

Vama ndum mbeina 3:12

Sama kus ayînina, an mba ni mbud’um gafa kur gonga hAbun Alonid’a, mam mba mi nde woi abu d’i. An mba ni b’ir simiyê Alo mana ki simiyê azina hAlo manina, nala, Jerusalem mba awili d’a nga d’i tcholï akulo gen Alo mana d’a nga d’i tchugï aset kä d’a. An mba ni b’ir simi ma awili ma an nga ki na atam mi.

Vama ndum mbeina 3:21

Suma kus ayînina, an mba ni hazi yima kaka ki sed’en yam zlam man nda amula d’igi an tanda ni kus ayîna an nga kaka gen Abun yam zlam mam mba amula na mi.