Vama ndum mbeina 22:15 - Bible azumeina

¹⁵ Wani suma a le sun nda ndjendjed’a ki suma ve kumana ki suma mizeuna ki suma tchi matna ki suma tuwal fileina ki suma ka zlad’a pet, a nga tchola bugol azina woi hina dei.

Vama ndum mbeina 22:15 ပူးပေါင်းရင်းမြစ်များ

1 Amuleina 22:8

Amul ma Israel-lâ mi dum ala: Ma dingâ tu mi nga ka hî, a yum ala Mise ni Jimla goroma, ni ma ndak á djop Ma didina atama. Wani an minim mbi, kayam mam nga mi djogon vun ma djivi d’i; mi djogon ni vun ma tchona burâ ki burâ. Josafat mi dum ala: Amulâ, ar ang de hina d’i!

Zla d’a d’ogolâ 12:22

Suma a de zla d’a kad’ina ni vama ndjendjed’a ir Ma didina, wani suma a le sun nda iratina, tam nga d’i lum djivid’a kaziya.

Zla d’a d’ogolâ 7:27

Aziyat ni lovot ta i ata yima azuleinid’a, ni lovot ta i avo hi matnid’a mi.

Isai 47:12

Djiviya ndak kak kur mbut maka ki kuma mak ma zul heî ma ndak he tak á lum sunum ki gogorok deina! Dam ndak mba d’i fe mbina kua, d’oze ndak mba d’i mbut ta suma a lak mandarak heîd’a kla!

Isai 47:9

Atogo hina zak kur bur ma tuna, gro’â a mba dap peyo, ndak mba d’i ar modonod’a mi. Ndak ki mbut maka ki kuma mak ma zul heîna hina pet pî, ahle suma mbà ndazina a mba surop kak kä kad’engêzi pet.

Isai 57:3

Agi atcha d’a djop fileina grotna, andjaf fa mizeu d’a gaulangâ, agi hud’ugi ka hî.

Jeremi 5:31

Suma djok vuna a nga djok vun ma ka zlad’a, suma ngat buzuna a nga te yamba kad’eng mazid’a, sum mana a min ala ahle ndazina a le hina mi. Wani dabid’a hahle ndazinid’a agi mba lagi ni nana ge?

Malatchi 3:5

Ma didin ma ad’engêm kal petna mi dala: An mba ni hud’ï atagi go á ka sariyad’a, mba ni b’at tan á le glangâsa yam suma kuma suma fileina ki suma mizeuna, yam suma a nga gun tazi ir gurzulina, yam suma a nga he wuraka d’uo mi suma a nga lazi sundina, yam suma a nga le ir arop suma modonod’a ki suma hokuyod’ina, yam suma a nga we angoyogeina tchet tuo na, yam suma a nga ringîn mandaran nduo na mi.

Matiye 7:6

Ar agi hagi vama a tinim iram vam mAlonina madureina d’i. Ar agi tchugugi hed’eu magina kä avok kozongâ d’uo mi, dam azi mired’em kä kaseziya, a mba hulong hôgi mbilâ.

Matiye 8:12

Wani sumala leud’a ni mazid’a na, a mba tchuguzi woi abu kur nduvunda; sä kua a mba tchiya, a mba mut siyazi mi.

Jean 8:46

Ni nge adigagi ba, mi van ki zla d’a yam tcho d’a an lata ge? Le an nga ni de ni zla d’a gagazid’a ni, ni kayam me ba, agi hagi gagazid’a kan nduo ge?

Sunda hi suma a sunuzinid’a 8:11

Azi humumu, kayam mi kak ngola ki sed’eziya. A nga le atchap yam sun mam mba mbuta.

Gat ta a hat á mbàd’id’a 23:18

Ar agi mbagi ki he d’a hawad’a hi gaulangîd’a d’oze bege d’a a hat yam adinid’a kur gong nga kud’ora hi Ma didina Alo maginid’a á ndak vun vun ma hle ma lara ma sana mi hluma d’i, kayam azi djak nahle suma ndjendjed’a avok Ma didina Alo magina.

Filip-ma 3:2

Agi gologi tagi djivi kadureina; azi ni suma le sun nda tchod’a, azi ni suma ngat bayâ suma ka zlad’a.

Kolos-sâ 3:6

Ni kayam ahle ndazina ba, ayîna hAlonina nga mi mba yam suma bei humum vunam ba na.

1 Timote 1:10

yam suma mizeuna, yam suma bur ki ndrozi andjofîna, yam suma kul suma, yam suma ka zlad’a, yam suma gun tazi ir gurzulina, yam suma a lahle suma kak djangûna ki hat ta gagazid’ina pet mi.

Vama ndum mbeina 18:23

Sa dok mi we b’od’a hi lalamba kurung nguo d’a, dok mi hum dela hazong ma vatcha d’a weid’a ki dela hi gor wei d’a ve mandjufîd’a d’uo mi. Mang suma mbut abozina ni suma ad’eng suma yam andagad’ina. Ni ki kuma mangâ ba, ang lop ki suma pet.

Vama ndum mbeina 21:27

Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.