Vama ndum mbeina 21:9 - Bible azumeina

⁹ Bugola, ma dingâ tu aduk malaika suma kid’iziya suma a nga ki angulei suma kid’iziya suma a nga oîd’a ki tugud’ei d’a tcho d’a kid’iziya d’a dabid’a abozina, mi mba, mi dan ala: Ang mbeya! An mba ni tagang atcha d’a tela hi Gor timinid’a.

Vama ndum mbeina 21:9 ပူးပေါင်းရင်းမြစ်များ

Vama ndum mbeina 1:1

Mbaktum mba wanda ti ta’î ahle suma Jesus Christ mi ndazi woina. Nahle suma Alona mi humzi mi tagazi woi mazungeî mam suma sunda vama ar go á mbad’ina. Nahle suma Christ mi sun malaika mama á tagazi woi mazong mama Jean-na.

Vama ndum mbeina 17:1

Bugola, ma dingâ tu aduk malaika suma kid’iziya suma a nga ki angulei suma kid’iziyana abozina, mi dan ala: Ang mbeya; an mba ni tagang sariya d’a a mba kat yam atcha d’a gaulang nga ngol la aziyat mi nga minda avun alum ma tetenga.

Vama ndum mbeina 19:7

Ei lei furîd’a, ei lei hur ma hapma, ei suburiziya, kayam yima tela hi Gor timinina mi mba wa, amamba ti min wa tat da’.

Vama ndum mbeina 21:17

Malaikana mi nga gulumun máma, fiyagam mba akulod’a ni metred’a dok karagaya yam vahl, ndak yam ngad’a hi sanid’a. Ni hina ba, mi nga ki gulumuna.

Vama ndum mbeina 21:2

An we azì ma ngolâ hAlonina, ni Jerusalem mba awili d’a tcholï akulo gen Alonid’a, ti tchugï aset kä, ti min tat d’igi a min gor weid’a á gat avo mi ndjuvut na.

Vama ndum mbeina 22:1

Malaikana mi tagan mbiyo alum ma ari ma nga mi wile d’igi kristala na na, nga mi djangî ata zlam mba amula hAlonid’a ki d’a hi Gor timinid’a,

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

Vama ndum mbeina 22:6

Bugola, malaikana mi dan ala: Zla ndata ni zla d’a gagazi d’a ndak ang tin hurung kata. Salad’a Alo ma he Muzuk mama mi mam suma djok vunina, mi sunï malaika mama á tak azungeî mama ahle suma a nga mba ka tchetchema.