Vama ndum mbeina 21:27 - Bible azumeina

²⁷ Wani vama ndjendjed’a d’oze sama le sun nda ndjendjed’a d’oze ma ka zlad’a, mba mi kal kur azì máma d’i, wani ni suma a b’irizi simiyêzi kur mbaktum mba arid’a hi Gor timinid’a hol.

Vama ndum mbeina 21:27 ပူးပေါင်းရင်းမြစ်များ

Sawal la giled’a 101:8

An nga ni tchi suma asa’at suma yam ambasina woi burâ ki burâ á dabazi woi kur azì ma ngolâ hi Ma didinina.

Buzuk ka Abud’a 32:32

Ki tchetchemba, an nga ni tchenengû, ang vat hurung ngei yam tcho mazid’a. Le d’uo ni, ang tchan simiyên ma ang b’irim kä kur mbaktum mangina woyo.

Isai 35:8

A mba ge lovota kua, a mba yat ala Lovot ta a tinit irat vata. Sama ndjendje mba mi tit kur ri, ti mba d’i arî yam suma hi Ma didinina hol. Ni azi ba, a mba tit kua; suma lilid’a pî a mba vit tei d’i.

Isai 52:1

Ndak Jerusalem, ndak zlit akulo, ndak zlit akulo atogo, ndak hulong fad’eng maka. Ndak Siyon, azì ma ngol ma a tinim iram vama, ndak tchuk baru mak ma djifâ atagu, kayam angoyogeina d’oze suma ndjendjed’a a mba tin asezi avo hatak kuo d’a.

Isai 60:21

Sum ma’â pet a mba mbut ni suma d’ingêra, a mba kak kur ambasa gak didin. Azi nagu ma an puma, ni sun nda an lat kabon á le sun nda yam subur mandid’a mi.

Ezekiyel 44:9

Kayam ndata, an Salad’a Ma didina ni de woi mbak ala: Angei ma lara pî ma bei ngad’am bayâd’a ma mi ge nga yam kä ad’u vun man ma hed’a d’uo na, le mi nga ni kaka adigagi agi Israel-lâ pî, mba mi kal kur gong man nda kud’ora d’i.

Joel 3:17

Hina wani, agi mba wagi ala an ni Ma didina Alo magi ma nga kaka yam ahina man nda Siyon nda a tinit irat vatina. Jerusalem a mba tinit irat vad’u, andjaf ma ding mba mi kal kua d’uo d’a.

Sunda hi suma hi Levi-nid’a 13:46

Kid’a tugud’ei libina nga atam tatâ tua d’a, mba mi ka’î ndjendjed’a, kayam mam mi sama ndjendjed’a. Mba mi ka’î vam tu. Zlub’u mamba a mba vat sä ni woi bugol kangâ.

Zakari 14:21

Duguyo suma Jerusalem-ma pet ki duguyo suma Juda-na a mba tinizi irazi vazi mi Ma didin ma ad’engêm kal petna. Suma a mba mba á hahle suma ngat buzunina a mba yi ki hliuna. Kur bur máma a mba fe sama mbut abom kur gong nga kud’ora hi Ma didin ma ad’engêm kal petna d’uo d’a.

Ndumba 12:15

A wal Miriyam mbei ki kangâ gak burâ kid’iziya. Ablaud’a hi Israel-lîd’a ti i d’uo gak Miriyam ti hulong kur kangâ.

Ndumba 5:3

Le natchad’a d’oze mandjufâ, ang digim mbei kur kangâ kayambala mi mbut kang ma adigagi ma an nga kaka kuana ndjendjed’a d’uo d’a.

Matiye 13:41

An Gor Sana mba ni sun malaika mana á yo suma a nga tchuk suma kur tchod’ina ki suma a nga le tchod’ina pet woi abu kur leu manda.

Marik 7:2

A we mam suma hata suma hiuna a nga te tena kabozi ma zozota, nala, a mbus nga abozi d’igi gat mazid’a de na d’i.

Wana ni Zla d’a Djivi d’a Luc mi b’irita 10:20

Kayam ndata, agi lagi furîd’a ala muzuk ma teteng ma tchona mi ge yam kä ad’ugiya na d’i, wani agi lagi furîd’a kayambala simiyêgi mi nga b’ira akulo kur mbaktumba hAlonid’a d’a.

Efes-sâ 5:5

Agi wagi woi tetet ala sama mizeuna, sama le sun nda ndjendjed’a, sama le d’od’oka yam beged’ina, nala ma tuwal fileina, suma hina na a mba te leud’a hi Christ-sa kAlona d’i.

Filip-ma 4:3

Ndran ma sun ma d’engzengâ, an nga ni tchenengû, ang ndjun arop ndazina. Kayam azi dur ayîna geven á b’rau Zla d’a Djivid’a zlapa ki Klemâ ki ndron suma sun suma simiyêzi nga b’ira kur mbaktum mba arid’ina mi.

1 Timote 1:10

yam suma mizeuna, yam suma bur ki ndrozi andjofîna, yam suma kul suma, yam suma ka zlad’a, yam suma gun tazi ir gurzulina, yam suma a lahle suma kak djangûna ki hat ta gagazid’ina pet mi.

Hebre-na 12:14

Agi b’ad’agi tagi á kagagi ki b’leng nga halasa ki suma pet ki tit ta d’ingêra. Bei tit ta d’ingêra ba ni, sa mi ndak á we Salad’a d’i.

2 Pierre 3:13

Wani Alona mi hle vunam yam akulo d’a awilid’a kandaga d’a awilid’a ni yima d’ingêra mba d’i kak kuana. Wana ni vama ei nga djubizina.

Vama ndum mbeina 13:8

Suma yam andagad’ina pet a mba kud’uromu, nala, suma a b’irizi nga simiyêzi avok dei bei ad’u tinda hi duniyad’a kur mbaktum mba arid’a hi Gor timi ma a tchuma d’uo na.

Vama ndum mbeina 20:12

Bugola, an we suma mat suma nglona ki gugureina a nga tchola avok zlam mba amula. Mbaktumba teteng ti nga mala woyo; mbaktum mba dinga nga mala woi kua, ni mbaktum mba arid’a. A ka sariyad’a yam suma matna kahle suma a b’irizi kur mbaktum ndatina, ndak yam ahle suma azi lazina mi.

Vama ndum mbeina 20:15

Sama lara pî ma fum nga simiyêm b’ira kä kur mbaktum mba ari ndata d’uo na, a gumî kur apo d’a akud’a.

Vama ndum mbeina 21:8

Wani suma mandarâ ki suma bei he gagazid’ina ki suma a le sun nda ndjendjed’ina ki suma tchi matna ki suma mizeuna ki suma ve kumana ki suma kud’or fileina ki suma ka zlad’a pet, yi mazi ma kaka ni kur apo d’a aku d’a bibiliu d’a ngal ki sufred’id’a, nala ni mat ma mbàna.

Vama ndum mbeina 3:5

Suma kus ayînina a mba tchuk baru ma hapma hina mi, an mba ni tchazi simiyêzi woi kur mbaktum mba arid’a d’i, an mba ni de woi kazi avok Abun ki malaika mama ala azi ni mana.