Vama ndum mbeina 21:23 - Bible azumeina

²³ Azì máma nga mi min afata d’oze tilâ á b’o kurum mbi, kayam subura hAlonid’a nga d’i b’o kurumu, Gor timina ni lalam mamba mi.

Vama ndum mbeina 21:23 ပူးပေါင်းရင်းမြစ်များ

Sawal la giled’a 84:11

Bur ma tu ma an kal kur gulumun mangîna, mi djivid’a kal bur ma dubu ma an kak kei abuna. Alo mana, tan lan djivid’a á kak ndjola avun gong manga kal la an kak kur zlub’ud’a hi suma asa’atnid’a.

Isai 2:10

Ang kal kur zul ahuniyôna, ang tos tang aduk andaga d’a gugud’upa woi dei abo mandarâ hi Ma didinina, abo wiled’a hi ngol mambid’a mi.

Isai 2:19

Suma a mba tchuk kur zul ahuniyôna, a tos tazi aduk andaga d’a gugud’upa kä dei á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’ina mandarîd’a!

Isai 2:21

A mba tchuk angra ahuniyôna, a mba tchuk kur zul ahuniyôna á ring ngei dei abo mandarâ hi Ma didinina, abo wiled’a hi ngol mambid’a fata mi tchol akulo á mbut suma yam andagad’a mandarîd’a!

Isai 24:23

Tilâ mba mi tchuk susub’ok, afata mba d’i mbut zulona, kayam Ma didin ma ad’engêm kal petna nga mi tamula yam ahina d’a Siyon-nda avo Jerusalem. Subur mamba mba d’i b’o woi ir mam suma nglona.

Isai 30:26

Kur bur ma Ma didina mba mi djin mbilâ hi sum mamina, ata yima mam mba mi tchilizi mbilizi ma a kazizina, b’od’a hi tilîd’a ti mba d’i mbut ni d’igi b’od’a hafatid’a na, b’od’a hafatid’a ti mba d’i b’o kal b’o d’a ti b’o kur burâ b’ob’o kid’iziyad’a na.

Habakuk 3:3

Alona mi tcholï Teman; Ma bei tchod’a ba na mi tcholï yam ahina d’a Paran-nda. Tchol ndjö Ngol mamba ti duk ir akulod’a, subur mamba ti oî yam andagad’a.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Marik 8:38

Kayam nge nge pî ma le zulona kan an ki zla manda aduk suma tcho bei d’ingêr suma kur atchogoi d’a wandina, fata an Gor Sana mba ni mbeï kur subura hAbunda ki malaika suma mi tinizi irazi vazina, an mba ni le zulona kam mi.

Wana ni Zla d’a Djivi d’a Luc mi b’irita 2:32

Ni d’a mba d’i b’o woi yam andjaf suma dingîd’a, ni subura hi mang suma Israel-lîd’a mi.

Jean 1:14

Zla ndata ti mbut sana, ti kak adigamiya. Ti nga oîd’a ki sumad’a ki gagazid’a. Ami wami subura hi Gor ma tu gid’eng máma d’a Abum humzid’a.

Jean 1:18

Sa mi we nga Alona yam tu d’i, wani Gorom ma tu gid’eng ma nga kaka gen Abuma, ni mam ba, mi tak Alona woi abua.

Jean 1:4

Arid’a nga kurud’u; ari ndata ni b’od’a hi sumid’a.

Jean 1:9

Ndat ni b’o d’a gagazi d’a mba kur duniyad’a á b’o yam suma peta.

Jean 17:24

Abunu, an min ala suma ang handjina a kak ki sed’en ata yima an mba ni kak kuana, kayam azi we subur man nda ang suburun ki d’a, kayam ang le kan avok dei bei ad’u tinda hi duniyad’id’a.

Jean 5:23

kayam suma pet a he ngola mi an Goroma, d’igi a he ngola mAbun na mi. Sama he nga ngola mi an Goroma d’uo na, mi he nga ni ngola mAbun ma sununïna d’uo mi.

Sunda hi suma a sunuzinid’a 22:11

Kid’a iran ndi duk abo wiled’a hi b’o ndatid’a, suma a nga ki sed’ena a gan dungûruna abonu, a in Damas.

Vama ndum mbeina 14:4

Azi ni suma a mbut nga tazi ndjendjed’a karopma d’uo na, ni suma a ngom tazi ped’etna, ni suma a nga tit ad’u Gor timina ata yima lara ge pet ma mam nga mi i kuana, ni suma a guzuzi aduk suma, a hazi mAlona azi ki Gor timina avok kikidjina.

Vama ndum mbeina 18:1

Bugol ahle ndazina, an we malaika ma dingâ mi tcholï akulo, mi tchugï asem kä. Mi nga kad’enga ngola, wile mamba ti b’o yam andagad’a pet.

Vama ndum mbeina 21:11

Subura hAlonid’a ti nga d’i wile kua. Ti nga d’i ngal wiwilik d’igi ahina d’a guzut kal teglesa na, d’igi ahina d’a jaspe d’a ngal wiwilik d’igi kristala na d’a na mi.

Vama ndum mbeina 21:25

Vun azì máma a mba dugum mbi, kayam andjeged’a nga d’i.

Vama ndum mbeina 22:5

Andjeged’a nga kua d’i. Azi min b’od’a hi lalambid’a, d’oze hafatid’a d’i, kayam Salad’a Alona mba mi b’o kaziya, azi mba te leud’a ki sed’em gak didin.

Vama ndum mbeina 5:6

An we Gor timi ma hle tamî d’igi ma tchuma na na mi nga tchola aduk zlam mba amula kahle suma ari suma fid’ina ki suma nglona. Mi nga kadifa kid’iziya ki ira kid’iziya mi, azi ni muzuk ma kid’iziya ma hAlona ma mi sunum mbei yam andagad’a petna.

Vama ndum mbeina 7:17

Kayam Gor timi ma nga aduk zlam mba amulina mba mi poloziya, mba mi i ki sed’ezi ata mbiyo ma lau ma arina. Alona mba mi sed’ezi simina woi irazi mi.