Vama ndum mbeina 21:14 - Bible azumeina

¹⁴ Gulumuna hi azì mámina a gum ad’umî kahinad’a dogo yam mbà. A b’ir simina hi suma a sunuzi suma dogo yam mbàna hi Gor timinina atad’u.

Vama ndum mbeina 21:14 ပူးပေါင်းရင်းမြစ်များ

Isai 54:11

Ndak Jerusalem mba hohou d’a babarâ mi gigid’ek bei sa mi b’lengêt huruk ba d’a, gola, an nga ni minik kahina d’a ad’enga, an mba ni gak aduk kä kahina safira.

Matiye 16:18

An nga ni dangû, angî Pierre, an mba ni min Tok manda yam ahina ndata. Vun agre’â hi yima azuleinina mba mi lat va d’i.

Sunda hi suma a sunuzinid’a 1:26

Azi le togina kaziya; togina mi nde yam Matiyas. Kayam ndata, a ndumum ki suma a sunuzi suma dogo yam tuna hi Jesus-na.

Galat-na 2:9

Wani Jacques azi ki Pierre ki Jean, ni suma suma a golozi d’igi suma avok suma na na, ata yima azi wala Alona mi van wa sumad’a na, ami ki Barnabas, azi gami depa kabozi ma ndjufâ á tak kei ala azi le darigïd’a ki sed’emiya, kayam ami mba imi tchami wala mandjaf suma dingâ, azi mba i tchi wala mi Juif-fâ mi.

Efes-sâ 2:20

Agiya, a minigi wa akulo yam ad’u ged’a hi suma a sunuzina ki d’a hi suma djok vun Alonid’a. Jesus Christ tamba nahina d’a ngol la djik gong nga akulod’a.

Efes-sâ 3:5

Kur atchogoi d’a kala, Alona mi simat nga zla d’a muduri ndata woi mi suma d’i, wani ki tchetchemba, yam ad’enga hi Muzuk mamid’a, mi ndat ad’ut tei mi mam suma a sunuzi suma mi tinizi irazi vazina ki mam suma djok vuna mi.

Efes-sâ 4:11

Mi he suma dingâ á mbut suma a sunuzina, suma dingâ á mbut suma djok vun Alona, suma dingâ á mbut suma tchi wal Zla d’a Djivid’a, suma dingâ á mbut suma pol suma ki suma hat suma mi.

Hebre-na 11:10

Kayam Abraham mi djup mi azì ma gum ad’um kä ad’enga ngingina. Alona ni ma ngam ad’uma, ni ma minima mi.

Jude 1:17

Wani buniyôna, agi djib’eregi yam zla d’a suma a sunuzina hi Saleina Jesus Christ-sâ a dat adjeu deid’a.

Vama ndum mbeina 18:20

Ndak akulod’a, agi suma a tinigi iragi vagi mAlonina ki suma a sunuzina ki suma djok vun Alona, agi lagi furîd’a yam b’lak mamba, kayam Alona mi kam wa sariyad’a kam kayam sun nda tcho d’a mam lagizid’a.

Vama ndum mbeina 21:13

hindi abo ma yorogona, hindi abo ma norâ, hindi abo ma sutna, hindi abo ma fladegena mi.