Vama ndum mbeina 21:10 - Bible azumeina

¹⁰ Muzu’â hAlonina mi vanu, malaikana mi i ki sed’en akulo yam ahina d’a fiyak ka ked’iwurenga. Mi tagan azì ma ngol ma Alona mi tinim iram vama, ni Jerusalem mba tcholï akulo gen Alona d’a tchugï aset kä d’a.

Vama ndum mbeina 21:10 ပူးပေါင်းရင်းမြစ်များ

1 Amuleina 18:12

Wani ata yima an wal ki sed’engâ, Muzu’â hi Ma didinina mba mi hlang ing ata yima an wum mbuo na. An mba ni de mi Ahap, mam mba mi fang nguo, mam mba mi tchanu. Wani an azong mangâ ni sama kud’or Ma didina kazongôn deina.

2 Amuleina 2:16

a dum ala: Ang gola! Ami azungeî mangâ nga ki suma ad’engâ dok vahl. Ami min sunuzi á hal salangâ. Dam ata yima Muzu’â hi Ma didinina mi hluma, mi gumza ni yam ahinad’a akulo, d’oze kä kur hora kla! Wani Elise mi dazi ala: Agi sunuzi d’i!

Ezekiyel 11:1

Muzu’â mi hlanu, mi in avun agrek ma abo ma yorogona hi gong nga kud’ora hi Ma didinid’ina. Gol wani, suma dok mbà yam vahl a nga tchola avun yima kala hi vun agre’îna. Suma nglo suma avok sumina a nga adigaziya. Ni Jäzaniya Azur goroma ki Pelatiya Benaya goroma mi.

Ezekiyel 11:24

Muzu’â mi hlan mi i ki sed’en Babilon gen suma a yozi magombina kur vama Muzu’â hAlonina mi ndandji woi irana. Ata yi máma vama nde tam mbei iran máma mi vit iranu.

Ezekiyel 3:14

Muzuk ma mi hlan ndei akulona, mi i ki sed’enu. An i ki hur ma hata ki hur ma zala, kayam Ma didina abom mi nga tinda kan kad’enga.

Ezekiyel 8:3

Mi mad’ï vana mi hle tam d’igi abona na, mi van tumus sa kanda. Kur vama ndum mbei ma mi tcholï ata Alonina, Muzu’â mi hlan ndei akulo aduk andaga kakulod’a, mi i tinin avo Jerusalem avun agrek ma krovona abo ma norâ, ni yima a tin nga filei ma Alona hurum nga mi zal kama kuana.

Sunda hi suma a sunuzinid’a 8:39

Kid’a azi tup pei akulo aduk mbinid’a, Muzu’â hi Salad’ina mi zlak Filip. Adimbang dok wum bugol luo d’a, wani mi hle lovot mamba ki furîd’a.

Galat-na 4:26

Wani Jerusalem mba akulod’a ni gor vuta, ndat nasuya.

Vama ndum mbeina 1:10

Kur burâ hi Salad’ina, Muzuk ma bei tchod’a ba na mi vanu. An hum del la ngola ei blogonu; ti tchi d’igi adifa na.

Vama ndum mbeina 11:2

Wani ang ar yima huyok gong nga kud’ora hAlonid’a bei ngad’a, kayam a humî mi suma bei wAlona. Azi mba miret azì ma ngolâ hAlonina kä kasezi gak tilâ dok fid’i yam mbà.

Vama ndum mbeina 17:3

Muzu’â hAlonina mi vanu, malaikana mi i ki sed’en abagei hur fulâ. An we atchad’a ti nga kaka yam ambur ma hleu ma simi ma ngul Alona mi nga atama. Ambur máma nga ki yamba kid’iziya kadifa dogo mi.

Vama ndum mbeina 21:2

An we azì ma ngolâ hAlonina, ni Jerusalem mba awili d’a tcholï akulo gen Alonid’a, ti tchugï aset kä, ti min tat d’igi a min gor weid’a á gat avo mi ndjuvut na.

Vama ndum mbeina 3:12

Sama kus ayînina, an mba ni mbud’um gafa kur gonga hAbun Alonid’a, mam mba mi nde woi abu d’i. An mba ni b’ir simiyê Alo mana ki simiyê azina hAlo manina, nala, Jerusalem mba awili d’a nga d’i tcholï akulo gen Alo mana d’a nga d’i tchugï aset kä d’a. An mba ni b’ir simi ma awili ma an nga ki na atam mi.

Vama ndum mbeina 4:2

Atogo hina zak, Muzu’â hAlonina mi van sä kur akulod’a, an we zlam mba amula tu nga, sana nga kaka kad’u.