Vama ndum mbeina 20:8 - Bible azumeina

⁸ Mam mba mi i á lop andjaf suma a b’rau woi yam andagad’a petna, nala, Gok ki Magok. Mba mi togozi á dur ayîna. Ablau mazid’a ni d’igi les ma avun alum ma ngolîna na.

Vama ndum mbeina 20:8 ပူးပေါင်းရင်းမြစ်များ

1 Amuleina 4:20

Suma kur ambas sa Juda-d’ina ki suma kur ambas sa Israel-lina a zul d’igi les ma avun alum ma ngolîna na; a nga te, a nga tche, a nga le furîd’a.

2 Sunda Hamuleinid’a 18:21

Mi dum ala: An i ni de zla d’a kad’a avun suma djok vuna hamulîna pet. Ma didina mi hulong dum ala: Ang i lobomu, ang i le hina!

Isai 10:22

Ang Israel, le sum mangâ a mba zulî d’igi les ma avun alum ma ngolîna na pî, nad’uzi d’a arâ ba, mba d’i mba, kayam Ma didina mi nga wa hurum yam b’laka da’. D’ingêra mba d’i kal lei kad’u.

Jeremi 33:22

D’igi sana mi ndak á ndum ahle suma akulona d’oze mi ndak á nga les ma avun alum ma ngolîna d’uo na, an mba ni zul andjafâ hazong mana David-na ki suma hi Levi suma a lan sundina ni hina dedege mi.

Ezekiyel 38:1

Ma didina mi dan ala:

Ezekiyel 38:2

Ang gor sana, ang mbut irang ata Gok amul ma ngolâ hi suma Ros-sâ hi suma Mese’â hi suma Tubal ma nga yam andaga d’a Magok-kina, ang djogom vuna,

Ezekiyel 39:1

Ma didina mi dan ala: Ang gor sana, ang djok vuna mi Gok. Ang dum ala: Salad’a Ma didina mi dala: Gola! Ang Gok, amulâ hi suma Ros-sâ hi suma Mese’â hi suma Tubal-lâ, an nga ni iza atang á durâ.

Ezekiyel 39:6

An mba ni gakud’a yam Magok, yam suma a nga kaka kur tila ki halasina mi. Ata yi máma sum ndazina a mba wala an ni Ma didina.

Ezekiyel 7:2

Ang gor sana, ang hum zla d’a an Salad’a Ma didina nga ni dat mi Israel-lîd’a. Wana ni dabid’a hahlenid’a! B’lak ka dabid’a nga d’i tcholï ata ambasa abot ma fid’ina pet.

Hebre-na 11:12

Kayam ndata, ata sama tu ma mi mbut d’igi sama matna na na, andjavam zul grona ablaud’a d’igi tchitchiu d’a akulod’a na, d’igi les ma avun alum ma ngol ma sana mi ndak á ndumum mbuo na na mi.

Vama ndum mbeina 12:9

Dragon máma a gumï kä, ni gugui ma mamar ma a yum ala Diable d’oze Seitan na na, ni ma nga mi lop suma yam andagad’a petna. A gumï kä yam andagad’a, a tchugï malaika mama kä woi zlapa ki sed’em mi.

Vama ndum mbeina 16:14

Azi ni muzu’â hi Seitan-nina. Azi nga lahle suma atchapma. Azi nga i á tok amulei suma yam andagad’ina pet á dur ayîna kur bur ma ngolâ hAlo ma ad’engêm kal petnina.

Vama ndum mbeina 20:10

Wani Diable ma lobozina, a gum kur apo d’a aku d’a bibiliu d’a ngal ki sufred’id’a ata yima ambur máma ki ma djok vun ma ka zlad’a a nga kuana. A mba djobozi vunazi andjege ki falei gak didin.

Vama ndum mbeina 20:3

Malaikana mi gum kur zul la yiyika, mi dugum vunam ki lakled’a, mi kat geuna, kayam dragon máma dok mi vit andjaf suma woi d’uo d’a gak biza d’a dubud’a ndak tua. Bugola, a mba bud’um akulo á kak ndjö.

Vama ndum mbeina 7:1

Bugol ahle ndazina, an we malaikana fid’i a nga tchola ata andaga d’a kengêt ma fid’ina. Azi ve nga simet ma fid’i ma yam andagad’ina aboziya, kayam mi sir yam andagad’a d’oze yam alum ma ngolâ d’oze yam agu ma ding tu d’uo mi.

Suma ka sariyad’a 7:12

Suma Madiyan-na, suma Amale’â ki suma pet suma a nga kaka abo ma yorogonina, a nga oîd’a kä kur hora ni d’igi djera na. Djambal mazid’a ti ndak nga á ndum mbi, ti ni ablaud’a d’igi les ma avun alum ma ngolîna na.

1 Samuel 13:5

Suma Filistê-na a tok tazi á dur ayîna ki Israel-lâ. Pus mazi ma hakulumeina ni 30.000; sum mazi suma djang akulumeina ni 6000; azigarâ ablawazi ni d’igi les ma avun alum ma ngolîna na. Azi mba a lak Mikmas abo ma yorogona hi Bet-Aven-na.