Vama ndum mbeina 2:7 - Bible azumeina

⁷ Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

Vama ndum mbeina 2:7 ပူးပေါင်းရင်းမြစ်များ

Ad’u Tinda 2:9

Ma didina Alona mi deî andjaf agu ma lara ge pet ata yi máma; djivid’a á gola, djivid’a á ted’a mi. Mi deî agu ma he arid’a aduk asinena, kagu ma tak á we djivid’a ki tchod’ina mi.

Zla d’a d’ogolâ 11:30

Sun nda led’a hi suma d’ingêrîd’a nagu ma harid’ina. Sama ned’a nga mi hal lovota á fe suma.

Zla d’a d’ogolâ 13:12

Vama sana mi tin hurum kama le mi fum nga d’uo ni, mi tchugum tam susub’ok. Wani vama mi tin hurum kama le mi fumu ni, mi gram tam mbeyo.

Zla d’a d’ogolâ 15:4

Zla d’a djivi d’a ndavun sanid’a nagu ma harid’ina, wani zla d’a ata yat tuo d’a ndavun sanid’a ti b’la’î hur sana.

Zla d’a d’ogolâ 3:18

Ndat nagu ma harina yam suma a vabozi atatna; suma a vatna a le furîd’a.

Ezekiyel 28:13

Ang nga kur Eden asinena hi an Alonina, ang tchuk ahina d’a guzut kal tegles sa lara ge atangû, nala, d’a sarduwanda, d’a topasa, d’a diyamanda, d’a krisolita, d’a onisa, d’a jasped’a, d’a safira, d’a eskarbukled’a, d’a emerota ki lora. Daliyâd’a ki taulâd’a a nga lang sunda. A minizi kangî kur bur ma a langâ dei.

Ezekiyel 31:8

Agu sedre ma kur asinena hi an Alonina pî ma mi kalama nga d’i, agu sipre ma nga tam kaboma nga d’i, agu platan ma nga d’igi abom hina na nga d’uo mi. Agu ma kur asinena hi an Alona ma mi nga tam ki sed’em ki djifîna mi nga d’uo.

Matiye 11:15

Sama nga ki humba á humbina, ar mi huma.

Matiye 13:43

Ata yi máma, suma d’ingêrâ a mba wile kur leud’a hAbuzid’a d’igi afata na. Sama nga ki humba á humbina, ar mi huma.

Matiye 13:9

Sama nga ki humba á humbina, ar mi huma.

Marik 4:9

Jesus mi dazi kua ala: Sama nga ki humba á humbina, ar mi huma.

Marik 7:15

Vama abu ata sama ma kal kuruma mi ndak á mbud’um tchod’a d’i. Wani ni vama ndeï woi kur sanina ba, mi mbud’um ndjendjed’a. [

Marik 7:16

Sana mi nga ki humba á humbina, ar mi huma.]

Wana ni Zla d’a Djivi d’a Luc mi b’irita 23:43

Jesus mi dum ala: Gagazi, an nga ni dangû, ang mba kak ini ki sed’en kur Paradis.

Wana ni Zla d’a Djivi d’a Luc mi b’irita 8:8

Ma dingâ mi nde kur andaga d’a djivid’a. Kid’a mi deîd’a, mi wula, mi tchuk yamu, mi le irâ kis. Kid’a nga mi de zla ndatid’a, mi dazi kua ala: Sama nga ki humba á humbina, ar mi huma.

Jean 16:33

An dagi ahle ndazina, ni yam zlap pa tu d’a ki sed’enda ba, agi mba fagi b’leng nga halasa. Agi mba fagi vun ma djopa kur duniyad’a ka hî, wani agi vagi tagiya, an kus wa yam duniyad’a.

1 Korente-na 2:10

Wani Alona mi tageizi ni yam Muzuk mama. Kayam le ni nga hurâ hAlona ma yiyik ma nga ngeid’ina pî, Muzuk mama mi ndak á fek ad’u ahlena pet.

2 Korente-na 12:4

Ata yi máma, mi hum zla d’a de d’a sana ndak á dat tuo d’a, kayam mi ar nga lovota mi sana á de zlad’a d’i.

1 Jean 2:13

Abuyonu, an nga ni b’irigi kayam agi wagi wa mam ma nga ei avok deina. Azungeîna, an nga ni b’irigi kayam agi kuzugi wa yam Ma tchona da’.

Vama ndum mbeina 13:9

Le sama nga ki humbina, ar mi hum djiviya.

Vama ndum mbeina 14:13

An hum dela ti tcholï akulo, ti dan ala: Ang b’ir kur mbaktumba ala: Suma a nga bo kur sunda hi Salad’id’a ki tchetchembina, a mba le furîd’a. Muzu’â hAlonina mi de na ala: Gagazi, azi ndak á tuk tazi kur sun mazi d’a kaud’a, kayam sun mazi d’a djivid’a nga d’i tit ad’uziya.

Vama ndum mbeina 15:2

An we vana d’igi alum ma ngol ma ngal tchitchilingâ na, gizeîd’a kakud’a. An we suma a kus ayîna yam ambur máma, yam vama a yorom d’igi mam na na yam nomrod’a hi simiyêmbina mi. Azi nga tchola avun alum ma ngol ma ngal tchitchiling máma. Ading ma Alona mi hazizina mi nga abozi mi.

Vama ndum mbeina 2:11

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, mat ma mbàna mba mi tchazi d’i.

Vama ndum mbeina 2:17

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba ni hazi man ma nga ngeid’ina. An mba ni he nge nge pî adigazi ahina d’a hap pa a b’ir nga simi ma awilina kuad’a. Ni d’a sama ding ndak á wat tuo d’a, ni sama vatna hola.

Vama ndum mbeina 21:7

Suma a mba kus ayînina, an mba ni hazi he d’a hawad’a, an mba narî Alo mazina, azi mba mbut grona.

Vama ndum mbeina 22:14

Suma a nga mbus baru mazid’a a mba le furîd’a. Ni azi ba, mba fe lovota á te vud’agu ma he arid’ina, a mba kal ata vun azì ma ngol máma krovo mi.

Vama ndum mbeina 22:17

Muzu’â hAlonina katcha d’a telet awilid’a a dala: Ang mbeya! Sama huma, mi dala: Ang mbeya! Sama vunam sona, ar mi mbeya; sama min mbiyo ma arinina, a mba humzi ni hawa.

Vama ndum mbeina 22:2

nga mi djang ir palumba hazì mámid’a. Agu ma he arina mi nga avun alum máma abo hî abo hî, nga mi vut yam dogo yam mbà kur bizad’a tu, til ma lara ge pî, nga mi vut yam tutu. Humam ni vama sut andjaf suma.