Vama ndum mbeina 2:23 - Bible azumeina

²³ An mba ni tchi grotna woyo. Ata yi máma, Toka pet mba d’i wala an ni ma we djib’era ki nga hurâ hi sumina, an mba ni wurak nge nge pî yam vama mi luma mi.

Vama ndum mbeina 2:23 ပူးပေါင်းရင်းမြစ်များ

1 Sunda Hamuleinid’a 17:18

an dok ni dangî zla me d’ei ge? Ang wan an azong mangâ.

1 Sunda Hamuleinid’a 28:9

Ang gorona Salomon, ar ang wAlo ma an abung nga ni lum sundina, ar ang lum sunda ki hur ma tuna ki tang pet ki djivid’a. Kayam Ma didina ni ma hal hur suma petna, mi we djib’era hi suma pet mi. Le ang halamu ni, ang mba fumu, wani le ang aram mbeyo ni, mama mba mi arang ngei ki iram fafat mi.

1 Sunda Hamuleinid’a 29:17

Ma didina Alo mana, an we, ni ang ba, nga fek hur sana, ang min ni d’ingêra. Wani an hang he d’a hawa ndata pet ni kur min manda ki d’ingêra ki hur ma tuna. Ki tchetchemba, an we sum mang suma a nga toka kä hina, a hang he d’a hawa d’a ni ki hur ma djivina ki furîd’a mi.

2 Sunda Hamuleinid’a 6:30

ang Ma didin ma sä akulona, ata yima ang nga kaka kuana, ang huma, ang vat hurung ngei kaziya, ang le ki nge nge pî yam sun mam mba mi lata, kayam ang wum hurumu, kayam ang tu ni ma we hur suma petna mi.

Wana ni mbaktumba hi Job-pa 24:23

Mi nga mi hazi yima kak ma halasâ ki hur ma tinda, mi nga mi tin iram yam lovot mazid’a mi.

Sawal la giled’a 139:1

Ni sawal la gile d’a David mi hlat mi hat mi ma ngolâ hi suma hle sawalîna. Ma didina, ang halan hurunu, ang wanu.

Sawal la giled’a 26:2

Ma didina, ang kugunu, ang golon djiviya, ang halan hurun yam min manda ki djib’er manda mi.

Sawal la giled’a 44:21

Le ami marami ang Alo mamina woyo, le ami mbud’umi irami ata alo ma dingâ ni,

Sawal la giled’a 62:12

Alona mi de zlad’a yam tu; an hum yan mbà mi dala: Ad’enga ni manda!

Sawal la giled’a 7:9

Ma didina, ang ka sariyad’a yam andjaf suma; Ma didina, ang le glangâsâ yam d’ingêr manda, yam vama abon dom nga d’uo na mi.

Jeremi 11:20

Wani ang Ma didin ma ad’engêng kal petna, angî ma ka sariya ma d’ingêrâ, angî ma fek hur sana ki djib’era hi sanid’ina. An mba ni we atchugul la ang mba sazizid’a, kayam an ar zla manda nabongû.

Jeremi 17:10

Wani an Ma didina ni hal hur sana, ni fegem á wumu, á wurak nge nge pî yam tit mamba, yam sun mam mba mi lata mi.

Jeremi 20:12

Ma didin ma ad’engêng kal petna, angî ma kuk hur suma d’ingêrîna, angî ma fek hur sana ki djib’era hi sanid’ina. An mba ni we atchugul la ang mba sazizid’a, kayam an ar zla manda nabongû.

Sofoni 1:11

Agi suma Maktes-sâ, agi tchagi wulula, kayam suma mbut abozina a dap wa woyo, suma beged’a pet, a tchazi wa woi mi.

Matiye 16:27

Kayam an Gor Sana mba ni mbeï kur subura hAbunda ki malaika mama. Kur bur máma, an mba ni wurak nge nge pî yam sun mam mba led’a.

Wana ni Zla d’a Djivi d’a Luc mi b’irita 16:15

Jesus mi dazi ala: Agi ni suma min á mbut tagi d’ingêr avok sumina, wani Alona mi wagi hurugiya, kayam vama suma suburum adigazina ni vama tchona avok Alona.

Jean 21:17

Mi djobom yam á hindid’a ala: Simon Jean goroma, ang le kan ndju? Pierre hurum zal yam de d’a mam dum yam á hindid’a ala: Ang le kan ndju d’a. Pierre mi dum ala: Salana, ang wahlena pet, ang wala an le kangû. Jesus mi dum ala: Ang he tumiyô mana tena.

Jean 4:16

Jesus mi dat ala: Ndak i yi ndjuvugu, ndak hulongîya.

Sunda hi suma a sunuzinid’a 1:24

A tchen Alona kazi ala: Salad’a, ang ma we hur suma petna, ang tagami aduk suma mbà ndazina sama ang manama,

Romê-na 14:12

Ni hina ba, nge nge pî adigei mba mi mba ki zla mamba avok Alona.

Romê-na 8:27

Alo ma mi we hur sumina, mi we djib’era hi Muzu’îd’a, kayam Muzu’â nga mi tchen Alona yam sum mama kur minda hAlonid’a.

2 Korente-na 5:10

Kayam ei pet mba tcholei avok zlam mba ka sariyad’a hi Christ-sa, nge nge pî mba mi ve vama ndak yam sun nda mi lat kur hliu tamba, le ni djivid’a, d’oze tchod’a.

Galat-na 6:5

Kayam nge nge pî mba mi zi anek mamba tata.

Gat ta a hat á mbàd’id’a 13:11

Hina wani, agi Israel-lâ pet, agi mba hum zla ndata, agi mba lagi mandarâ; sa mba mi le andjaf tcho d’a hina d’a adigagi d’uo d’a.

Gat ta a hat á mbàd’id’a 17:13

Hina wani, ablaud’a pet mba d’i le mandarâ, sa mba mi le yam mba ad’eng nga hina d’a bugol luo d’a.

Gat ta a hat á mbàd’id’a 19:20

Suma dingâ a mba hum hina, wani a mba le mandarâ, sa mba mi le tcho d’a tchi matna adigagi d’uo d’a.

Gat ta a hat á mbàd’id’a 21:21

Ata yi máma suma kur azì mam ma ngolîna pet a durum kahinad’a, a tchum mbeyo. Hina wani, agi mba d’elegi tcho d’a led’a woi adigagi kayambala Israel-lîna pet a huma, a le mandarâ d’a.

Hebre-na 4:13

Vama ndak á ngei tam avok Alona nga d’i, wani ahle suma Alona mi lazina a ni woi pid’ak avok mam Ma ei mba i ki zla meid’a avoroma.

1 Pierre 1:17

Kur tchen magid’a agi nga yagi Alona ala Abugiya. Ni mam ma nga mi ka sariyad’a yam nge nge pî abo tat tu yam vama mi lumina. Kayam ndata, ata yima agi nga kaka ka hî yam andagad’ina, ar agi tagagi tit magid’a ki ge yam magi d’a kä kamba woyo.

Vama ndum mbeina 2:11

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, mat ma mbàna mba mi tchazi d’i.

Vama ndum mbeina 2:7

Sama nga ki humbina, ar mi hum vama Muzu’â hAlonina nga mi dum mi Tokina. Suma a mba kus ayînina, an mba tinizi á te vud’agu ma he ari ma nga kur asinena hAlonina.

Vama ndum mbeina 20:12

Bugola, an we suma mat suma nglona ki gugureina a nga tchola avok zlam mba amula. Mbaktumba teteng ti nga mala woyo; mbaktum mba dinga nga mala woi kua, ni mbaktum mba arid’a. A ka sariyad’a yam suma matna kahle suma a b’irizi kur mbaktum ndatina, ndak yam ahle suma azi lazina mi.

Vama ndum mbeina 20:13

Alum ma ngolâ nga mi buzuk ki suma bo kuruma. Matna ki yina hi suma azuleinina a buzuk ki suma azi ngomozina mi. A kazi sariyad’a kazi pet, ndak yam ahle suma azi lazina.

Vama ndum mbeina 22:12

Jesus mi dala: Agi humugiya! An nga ni mba ka tchetchem ki wurak manda abon á he mi nge nge pî yam sun mam mba mi lata.

Vama ndum mbeina 6:8

An gola, an we akulum ma bolona. Ma nga kama a yum ala Matna. Yima azuleina nga mi tit blogomu. Andagad’a abot ma fid’ina, a hazi ad’enga yam abot ma tuna á tchi suma woi ki mbigeu d’a fiyaka ki baktarad’a ki tugud’eid’a kazurei suma ayî suma yam andagad’ina mi.

1 Samuel 16:7

Wani Ma didina mi de mi Samuel ala: Ang djib’er yam djif mama ki fiyak mamba d’i, kayam an noyômu, kayam an nga ni we ni d’igi suma a we na d’i. Azi we ni ir sana abua, wani an we ni hur sana krovo.